Connect with us

ព័ត៌មានជាតិ

ពលរដ្ឋ​មក​ទទួល​វ៉ាក់សាំង​ដូ​ស​ជំរុញ​ក្នុង​ខេត្តកោះកុង មិនទាន់​សម្រេច​ដល់​គោលដៅ​ចង់បាន​

បានផុស

នៅ

កោះកុង ​៖ លោកស្រី​អភិបាលខេត្ត​កោះកុង លើកឡើងថា ការ​មក​ទទួល​ថ្នាំ​វ៉ាក់សាំង​របស់​ប្រជាពលរដ្ឋ​សម្រាប់​ដូ​ស​ជំរុញ​នៅ​មិនទាន់​សម្រេច​ដល់​គោលដៅ​ដែល​ចង់បាន​នោះទេ ដោយ​ទាមទារ​ឱ្យ​ពង្រឹង​យន្តការ​ផ្សព្វផ្សាយ និង​ផ្តល់​សេវា​បន្ថែម​។​

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោកស្រី មិថុនា ភូ​ថង អភិបាលខេត្ត​កោះកុង ថ្លែងថា ចាប់តាំងពី​យុទ្ធនា​ការចាក់​វ៉ាក់សាំង​ដំបូង​កាលពី​ថ្ងៃទី​២៥ ខែកុម្ភៈ ឆ្នាំ​២០២១​រហូតមកដល់​បច្ចុប្បន្ន អនុគណៈកម្មការ​ចំពោះ​កិច្ច​ចាក់​វ៉ាក់សាំង​កូ​វីដ​១៩​ខេត្ត សម្រេច​បាន​លទ្ធផល​ចាក់​វ៉ាក់សាំង​ដូ​ស​មូលដ្ឋាន គឺ​បាន​លើស​១០០​ភាគរយ ដោយឡែក​ដូ​ស​ជំរុញ​ទី​៣ ទី​៤ និង​ទី​៥ ទទួលបាន​ភាគរយ​ទាប​មិនទាន់​ដល់​គោលដៅ​ចង់បាន​នោះទេ​។

ទោះ​យ៉ាង​លោកស្រី​អភិបាលខេត្ត ក៏​កោតសរសើរ​ចំពោះ​ក្រុមគ្រូពេទ្យ​នៃ​មន្ទីរ​សុខាភិបាល ក្រុមគ្រូពេទ្យ​ក្រសួងការពារជាតិ និង​ក្រុម​គ្រ​ពេទ្យ​ស្ម័គ្រចិត្ត​លោក ហ៊ុន ម៉ា​នី ដែល​បាន​ខិតខំ​ក្នុង​ការបំពេញ​បេសកម្ម​ផ្តល់​វ៉ាក់សាំង​បង្ការ​ជំងឺ​កូ​វីដ​១៩​ជូន​ប្រជាពលរដ្ឋ​ក្នុង​ខេត្តកោះកុង​កន្លង​ទៅមក ក្រោម​ស្មារតី​ទទួលខុសត្រូវ​ខ្ពស់​។

ដើម្បី​បំផុស​ស្មារតី​ឱ្យមាន​ការចូលរួម​ប្រជាពលរដ្ឋ​មក​ចាក់​វ៉ាក់សាំង​ឱ្យ​គ្រប់​ដូ​ស​ឥតគិតថ្លៃ ក្នុង​កិច្ចប្រជុំ​ផ្សព្វផ្សាយ​យុទ្ធនាការ ត្រួតពិនិត្យ និង​ពង្រឹង​យន្ត​ការចាក់​វ៉ាក់សាំង​កូ​វីដ​១៩​ជូន​ប្រជាពលរដ្ឋ​ទូទាំង​ខេត្ត លោកស្រី មិថុនា ភូ​ថង តម្រូវ​ឱ្យ​អាជ្ញាធរ សមត្ថកិច្ច មន្ត្រី​មន្ទីរជំនាញ គ្រប់លំដាប់​ថ្នាក់ គប្បី​បង្កើន​ការយកចិត្តទុកដាក់​ពិនិត្យ​តាមដាន និង​បំផុស​ចលនា​ផ្សព្វផ្សាយ​ឱ្យ​កាន់តែ​ទូលំទូលាយ​លើ​ការផ្តល់សេវា​មួយ​នេះ​ឱ្យដល់​មូលដ្ឋាន តាមរយៈ​រៀបចំ​ផែន​ការចុះ​ពន្យល់​ណែនាំ​ជូន​ប្រជាពលរដ្ឋ​ទូទៅ​អំពី​អត្ថប្រយោជន៍​នៃ​វ៉ាក់សាំង​កូ​វីដ​១៩ វត្ត​អារាម សាលារៀន តាម​រោងចក្រ សហគ្រាស ព្រមទាំង​អាជីវកម្ម​នានា​។

គួរ​ជម្រាប​ថា យោង​តាម​ក្រុមការងារ​ស្រាវជ្រាវ រកឃើញថា ការចាក់​ដូ​ស​ជំរុញ ទោះបី​ប្រើប្រាស់​វ៉ាក់សាំង​ប្រភេទ​ដូចគ្នា ឬ​វ៉ាក់សាំង​ប្រភេទ​ខុសគ្នា​ក៏ដោយ វា​នឹង​មិន​បង្កឱ្យមាន​ផល​រំខាន​ច្រើន​លើសពី​ផល​រំខាន​ដែល​បង្កឡើង​ដោយ​វ៉ាក់សាំង​នីមួយៗ​ជាធម្មតា​នោះទេ ហើយ​ការចាក់​វ៉ាក់សាំង​ដូ​ស​ជំរុញ​នេះ​ថែមទាំង​អាច​បង្កើនបាន​នូវ​ប្រព័ន្ធ​ការពារ​រាងកាយ​កាន់តែ​រឹងមាំ ក្នុងការ​ទប់ស្កាត់​នឹង​មេរោគ​កូ​វីដ​១៩ ឬ​ប្រភេទ​បំប្លែង​ថ្មី​ផ្សេង​ទៀតផង​។

ដោយឡែក​លោក​វេជ្ជបណ្ឌិត ទៅ ម៉ឹង ប្រធាន​មន្ទីរ​សុខាភិបាល​ខេត្ត​កោះកុង បាន​អះអាង​ដែរ​ថា ដំណើរ​ការចាក់​វ៉ាក់សាំង​សម្រាប់​ដូ​ស​ទី​៣​ដល់​ដូ​ស​ទី​៥ ហាក់​យឺតយ៉ាវ​ខ្លាំង​ដែលជា​សញ្ញា​មួយ​គួរ​ឱ្យ​បារម្ភ​ខ្លាច​អត្រា​ឆ្លង​កើតឡើង​ជាថ្មី​ក្នុង​សហគមន៍ ប្រសិនបើ​អ្នក​មិនទាន់​ចាក់​វ៉ាក់សាំង​គ្រប់​ដូ​ស​មក​ទទួល​សេវា​សុខាភិបាល​មួយ​នេះ​។

លោក​វេជ្ជបណ្ឌិត ទៅ ម៉ឹង កត់សម្គាល់​ថា រយៈពេល​២​ឆ្នាំ​កន្លងទៅ កងកម្លាំងប្រដាប់អាវុធ មន្ត្រី​សុខាភិបាល មន្ត្រីរាជការ និង​ពលរដ្ឋ​ស្ទើរតែ​១០០​ភាគរយ​បាន​ចូលរួម​ចាក់​វ៉ាក់សាំង​ការពារ​ជំងឺ​កូ​វីដ​សម្រាប់​ដូ​ស​ទី​១​ដល់​ដូ​ស​ទី​៣ ក្រោម​ទំនួល​ខុសត្រូវ​ខ្ពស់​ក្នុងន័យ​ប្រយុទ្ធប្រឆាំង​ជំងឺ​កូ​វីដ​។ ទាំងអស់នេះ​ដោយសារ​តែមាន​ការសហកា​រ​ល្អ​រវាង​អ្នកពាក់ព័ន្ធ​ទាំងអស់ ទើប​ធ្វើឱ្យ​សម្រេច​ជោគជ័យ​ដូ​ស​មូលដ្ឋាន​។ ទោះ​នៅ​តំបន់​ឆ្ងាយ​ដាច់​ស្រ​យោល ឬ​ដែន​កោះ​ក៏ដោយ គឺ​មន្ត្រី​សុខាភិបាល ក៏​ប្រឹងប្រែង​ណាស់​ដែល​លើ​កិច្ចសហការ​ជាមួយ​អាជ្ញាធរ​មូលដ្ឋាន​បន្ត​ផ្តល់​វ៉ាក់សាំង​ជូន​ពលរដ្ឋ​រៀងរាល់​ម៉ោង​ធ្វើការ​នៅតាម​មណ្ឌល​សុខភាព​ទូទាំង​ខេត្ត នាពេល​សព្វថ្ងៃ​។

គិត​ត្រឹម​ថ្ងៃ​ទី​១១ ខែកញ្ញា ឆ្នាំ​២០២២​នេះ មាន​ប្រជាពលរដ្ឋ​អ្នកពាក់ព័ន្ធ​ចាក់​វ៉ាក់សាំង​ដូ​ស​ទី​៥​បាន​ជាង​៤​ពាន់​នាក់ ដូ​ស​ទី​៤ មាន​២​ម៉ឺន​១​ពាន់​នាក់ និង​ដូ​ស​ទី​៣ បាន​៨​ម៉ឺន​៩​ពាន់​នាក់​។ នេះ​បើតាម​លទ្ធផល​ការចាក់​វ៉ាក់សាំង​របស់​រដ្ឋបាល​ខេត្តកោះកុង បង្ហាញ​ឱ្យដឹង​៕​

អត្ត​ប​ទ ៖ សិរី​វឌ្ឍនៈ

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ៣ ម៉ោង មុន

លោកទេសរដ្ឋមន្ត្រី​ លី ធុជ ប្ដេជ្ញាអនុវត្ត​ប្រែក្លាយឆ្នាំ២០២៥ទៅជាឆ្នាំគ្មានមនុស្សស្លាប់ និងរបួស ដោយសារមីន

វប្បធម៌ ជំនឿ៤ ម៉ោង មុន

យល់សប្ដិឃើញ “យមទូត” ជាប្រផ្នូលនៃសេចក្ដីស្លាប់ឬ?

ព័ត៌មានជាតិ៥ ម៉ោង មុន

ព្រឹកស្អែក សម្តេច​តេ​ជោ ហ៊ុន សែន នឹង​អញ្ជើញ​ជា​អធិបតី​ក្នុង​ពិធី​បើក​វេទិកា​អភិបាលក្រុង​អាស៊ាន​

ជីវិតកម្សាន្ដ៥ ម៉ោង មុន

ហេតុផលធ្វើឲ្យតារា ៣ដួងនេះ ឡើងច្រៀងក្នុងព្រឹត្តិការណ៍ជាតិ រហូតផ្ទុះពេញបណ្ដាញសង្គម

ព័ត៌មានជាតិ៥ ម៉ោង មុន

ឧ​ត្ត​ម​សេនីយ៍​ឯក ហ៊ុន ម៉ា​ណែ​ត អនុញ្ញាត​ឱ្យ​សេនានុព័ន្ធ​អង់គ្លេស​ចូល​ជួប​ណែនាំ​ខ្លួន និង​ពិភាក្សា​ការងារ

Sokha Hotels

ព័ត៌មានពេញនិយម