ព័ត៌មានជាតិ
ត្រីភាគីដាក់តួលេខប្រាក់ឈ្នួលចុងក្រោយជូនក្រុមប្រឹក្សាជាតិប្រាក់ឈ្នួលសម្រេចនៅថ្ងៃទី២១កញ្ញាខាងមុខ
ត្រីភាគីរួមមានភាគីរាជរដ្ឋាភិបាល ភាគីនិយោជកនិងភាគីតំណាងកម្មករនិយោជិតបានដាក់តួលេខប្រាក់ឈ្នួលចុងក្រោយមួយ ដាក់ជូនលោកបណ្ឌិត អ៊ិតសំហេង ប្រធានក្រុមប្រឹក្សាជាតិប្រាក់ឈ្នួលអប្បបរមាដើម្បីឈានទៅសម្រេចនៅក្នុងកិច្ចប្រជុំនៅព្រឹកថ្ងៃទី២១ កញ្ញាឆ្នាំ២០២២ខាងមុខ។
ថ្លែងប្រាប់អ្នកសារព័ត៌មានក្រោយប្រជុំរយៈពេល៥ម៉ោង កាលពីយប់ថ្ងៃទី១៣កញ្ញានេះ លោក ហេងសួរ ប្រធានលេខាធិការដ្ឋានក្រុមប្រឹក្សាជាតិប្រាក់ឈ្នួលអប្បបរមាបានមានប្រសាសន៍ថា តាមរយៈការសម្របសម្រួលប្រជុំផ្ទៃក្នុងផង ត្រីភាគីផងយើងបានតួលេខនៅចុងក្រោយមួយដែលបានដាក់ចូលក្នុងរបាយការណ៍ គឺភាគីតំណាងនិយោជកដំឡើងពី១៩៦ ទៅ ១៩៧ដុល្លារ។ ដោយឡែក ភាគីសហជីពមានចំនួន ៣តួលេខផ្សេងគ្នា ក្នុងនោះតួលេខ ២០៦ដុល្លារ មានចំនួន ៨សម្លេង, តួលេខ ២១០ដុល្លារ មាន៣សម្លេង និងតួលេខ ២១៣ដុល្លារ ចំនួន ១១សម្លេង។ ចំណែកឯភាគីរដ្ឋាភិបាលបានកំណត់តួលេខ ១៩៨ដុល្លារ។
លោកបានបន្តថា នៅក្នុងកិច្ចប្រជុំប្រាក់ឈ្នួលនោះក្រៅពីដាក់តួលេខចុងក្រោយខាងភាគីនិយោជកបានដាក់សំណើចំនួន៣និងភាគីតំណាងកម្មករនិយោជិតដាក់សំណើចំនួន៨ទៅរាជរដ្ឋាភិបាលដោះស្រាយផងដែរ។
លោកបានបន្តទៀតថា របាយការណ៍ដែលបានសម្រេចនៅក្នុងកិច្ចប្រជុំថ្ងៃនេះយើងនឹងដាក់ជូនលោករដ្ឋមន្ត្រីអ៊ិត សំហេង ប្រធានក្រុមប្រឹក្សាជាតិប្រាក់ឈ្នួលអប្បបរមាត្រួតពិនិត្យនិងគោរពរាយការណ៍បន្តទៅប្រមុខរដ្ឋាភិបាលពិនិត្យនិងសម្រេចចុងក្រោយព្រោះយោងតាមច្បាប់ក្រុមប្រឹក្សាប្រាក់ឈ្នួលអប្បបរមាមានសិទ្ធលើជាសំណើនិងអនុសាសន៍ដោយមានការពិនិត្យដោយកត្តាផ្សេងៗទៀតដែរ។
លោកបានបន្ថែមថា « ដូចនេះថ្ងៃទី២១កញ្ញាជាថ្ងៃចុងក្រោយដើម្បីសម្រេចប្រាក់ឈ្នួលកម្មករឆ្នាំ២០២៣។ ក្នុងករណីភាគីនីមួយគាំទ្រតួលេខណាមួយជាឯកច្ឆានទេនោះ នឹងមិនមានការបោះឆ្នោតទេតែបើមិនភាគីនីមួយៗនៅតែប្រកាន់ជំហររៀងៗខ្លួន តាមច្បាប់នឹងឈានទៅដល់ការបោះឆ្នោតសម្រេចចុងក្រោយ»។
គួរបញ្ជាក់ថា សម្រាប់ប្រាក់ឈ្នួលអប្បបរមាកម្មករនិយោជិតក្នុងវិស័យវាយនភណ្ឌកាត់ដេរ ផលិតស្បែកជើងនិងផលិតផលិតផលធ្វើដំណើរ និងកាបូបសម្រាប់ឆ្នាំ២០២២ទទួលបាន១៩៤ដុល្លារក្នុង១ខែដោយមិនគិតពីប្រាក់អត្ថប្រយោជន៍ផ្សេងៗទៀតទេ៕
ដោយ ៖ សំអឿន
ក្រុមហ៊ុនធំៗ ៦ ប្រកាសផ្ដល់ឱកាសការងារថ្មីបន្ថែមទៀត ជិត ៥០០ កន្លែង ក្នុងវេទិកាការងាររបស់ NEA
កម្ពុជាគាំទ្រឡាវជាប្រធានប្តូរវេនអាស៊ានឆ្នាំ ២០២៤នេះ ហើយផ្ដល់ថវិកា ១លានដុល្លារ សម្រាប់រៀបចំកិច្ចប្រជុំ
ទីផ្សារពងទាក្នុងស្រុក កំពុងចួបបញ្ហាតម្លៃធ្លាក់ចុះ ដោយសារការនាំចូលពីក្រៅប្រទេស
អតីតសេដ្ឋិនី វៀតណាម ដែលរងទោសប្រហារជីវិតពីបទឆបោក មានទ្រព្យសកម្មចាយមិនអស់នៅកណ្ដាលក្រុង
ប្រតិបត្តិការត្រួតពិនិត្យយានយន្តដឹកលើសទម្ងន់ ០៩ គ្រឿង បំពាក់ឡូហ្គូ SSP, NC, DN, R និង L.M.H
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
ព័ត៌មានជាតិ៣ ថ្ងៃ agoអ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ១៦ ម៉ោង agoទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានអន្ដរជាតិ៦ ថ្ងៃ agoBreaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
កីឡា៦ ថ្ងៃ agoជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៥ ថ្ងៃ agoខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
សន្តិសុខសង្គម២ ថ្ងៃ agoសមត្ថកិច្ចស្រុកស្វាយលើ ឃាត់ខ្លួនប្តីប្រពន្ធ ១គូសង្ស័យរួមគំនិតសម្លាប់កូនខ្លួនឯង អាយុទើបតែ ២២ខែ
-
ព័ត៌មានជាតិ១ ថ្ងៃ agoដីជាង ៤៣ ហិកតា នៅភូមិសាស្ត្រភ្នំ ១៥០០ ត្រៀមដាំស្ដារព្រៃឈើឡើងវិញ
-
សន្តិសុខសង្គម២៤ ម៉ោង agoបឋម៖ អគ្គិភ័យកំពុងឆេះផ្ទះពលរដ្ឋក្នុងបុរីពិភពថ្មីកំបូល