ព័ត៌មានជាតិ
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
អាជ្ញាធរខេត្តកោះកុង កាលពីខែ៩ ខែមករា ឆ្នាំ២០២៤ បានដាក់បទបញ្ជាឱ្យក្រុមម្ចាស់ទីតាំងចំនួន៣កន្លែងដែលលួចសង់របងថ្មរឹងមាំលយចូលឆ្នេរសមុទ្រតំបន់រមណីយដ្ឋានឆ្នេរនេសាទនៅឃុំជ្រោយស្វាយ ស្រុកស្រែអំបិល ប៉ុន្តែគិតមកទល់ម៉ោងនេះ ពួកគេនៅតែរឹងទទឹងពុំព្រមវាយកម្ទេចបានត្រឹមត្រូវតាមការកំណត់នោះទេ។
![](https://www.kampucheathmey.com/wp-content/uploads/2024/03/photo_2024-03-16_13-06-13-1024x768.jpg)
ផ្ទុយអ្វីដែលជាបទបញ្ជារបស់លោក អន សុធារិទ្ធ អភិបាលរងខេត្តកោះកុង និងជាអនុប្រធានគណៈកម្មាធិការគ្រប់គ្រងនិងអភិវឌ្ឍតំបន់ឆ្នេរសមុទ្រកម្ពុជាខេត្តកោះកុង ជិត២ខែនេះ ក្រុមម្ចាស់សំណង់របងថ្មចំនួន៣កន្លែង ហាក់មិនខ្វាយខ្វល់សោះនឹងអ្វីដែលជាចំណាត់ការឱ្យរុះរើវាយកម្ទេចចោលរបងខុសច្បាប់របស់ខ្លួននោះឡើយ។
គ្រប់ប្រជាពលរដ្ឋ ពិសេសអ្នកទេសចរ សុទ្ធតែបានឆ្ងល់ថា ហេតុអ្វីពួកគេមិនពុំព្រមស្ម័គ្រចិត្តរុះរើរបងថ្មដោយខ្លួនឯង ឬរង់ចាំអាជ្ញាធរ អន្តរក្រសួងជំនាញ ចុះមកវាយកម្ទេចផ្ទាល់ដៃឬយ៉ាងណា? ឬក៏ម្ចាស់ទីតាំងទាំងនោះ មានខ្នងបង្អែកធំ មានលុយមានអំណាច ទើបមិនញញើត នឹងអ្វីដែលបទបញ្ជារបស់រដ្ឋបាលខេត្តកោះកុងដែលដឹកនាំដោយលោកស្រី មិថុនា ភូថង អភិបាលខេត្ត។
![](https://www.kampucheathmey.com/wp-content/uploads/2024/03/photo_2024-03-16_13-03-35-1024x768.jpg)
តាមការអង្កេតរបស់ពលរដ្ឋ និងអ្នកទេសចរដែលទៅកម្សាន្តរមណីយដ្ឋានឆ្នេរនេសាទ ឃុំជ្រោយស្វាយ ស្រុកស្រែអំបិល បានមើលឃើញថា កម្រិតនៃការវាយកម្ទេចរបងនៅមិនទាន់ដល់ទីតាំងកំណត់គំនូសវាស់វែងរបស់អាជ្ញាធរខេត្តឱ្យរុះរើវាយកម្ទេចប្រវែង១១០ម៉ែត្រចេញជាបន្ទាន់ពីដីចំណីឆ្នេរសមុទ្រទេ។
ដោយពួកគេវាយតែផ្នែកខាងលើរបងប៉ុណ្ណោះ ហើយទុកកម្ពស់ប្រហែលជា១ម៉ែត្រកន្លះពីដី បើគិតជាប្រវែងវិញប្រមាណតែជាង១០ម៉ែត្រ។
![](https://www.kampucheathmey.com/wp-content/uploads/2024/03/photo_2024-03-16_13-03-31-1024x768.jpg)
បញ្ហានេះ អាចសរបញ្ជាក់ថា ទំនងជាមានរឿងមិនប្រក្រតីអ្វីហើយ ទើបបណ្តោយអោយរបងថ្មខុសច្បាប់ដែលសង់លយចូលឆ្នេរសមុទ្រអាចឈរបង្ហាញខ្លួនបានយ៉ាងរំភើយដូច្នេះ។
លោក ប៊ុន រ៉េ មេឃុំជ្រោយស្វាយ បានឆ្លើយតបនៅថ្ងៃទី១៤ ខែមីនា ថ្មីៗនេះដថា លោកនិងក្រុមការងារចុះពន្យល់ឱ្យម្ចាស់ទីតាំងរបងទាំង៣ត្រូវចូលរួមស្ម័គ្រចិត្តវាយដោយខ្លួនឯង ហើយវាយទៅតាមការកំនត់របស់រដ្ឋបាលខេត្តផងដែរ។ ចៀសវាងបង្កភាពស្មុគស្មាញកាន់តែខ្លាំងដល់អាជ្ញាធរ ព្រមទាំងបង្កប៉ះពាល់ដល់សោភ័ណ្ឌបរិស្ថានតំបន់ឆ្នេរកម្ពុជា។
![](https://www.kampucheathmey.com/wp-content/uploads/2024/03/photo_2024-03-16_13-06-23-1024x768.jpg)
លោក ប៊ុន រ៉េ ក៏ទទួលស្គាល់ថា ការវាយកម្ទេចរបងនេះ នៅមានកម្រិតនៅឡើយ ពោលគឺមិនទាន់អនុវត្តបានពេញលេញតាមការកំណត់របស់រដ្ឋបាលខេត្តនោះទេ។ ព្រោះម្ចាស់ទីតាំងល្មើសសុំវាយដំណាក់ជំហ៊ានទី១សិន រង់ចាំការសុំវាស់វែងកំនត់ចំណីឆ្នេរសមុទ្រពីថ្នាក់ខេត្ត និងអន្តរក្រសួង។
ដោយឡែកលោក អន សុធារិទ្ធ អភិបាលរងខេត្ត និងជាអនុប្រធានគណៈកម្មាធិការគ្រប់គ្រងនិងអភិវឌ្ឍតំបន់ឆ្នេរសមុទ្រកម្ពុជាខេត្តកោះកុង គូសបញ្ជាក់ដែរថា ក្រុមម្ចាស់ទីតាំងសង់របងខុសច្បាប់ខាងលើ ពិតជាបានស្នើសុំវាយកម្ទេចរបងថ្មនេះតាមប្លង់កម្មសិទ្ធិរបស់ពួកគេដោយមានការទទួលស្គាល់ពីអាជ្ញាធរ និងមន្ទីរជំនាញជំនាន់ៗ។
ជំហានបន្ត លោកអភិបាលរងខេត្តកោះកុង បន្ថែមថា ពួកគាត់ក៏សុំដល់ក្រុមការងារជំនាញចុះពិនិត្យដីធ្លីចំណីឆ្នេរសមុទ្រ និងរង់ចាំគណៈកម្មាធិការថ្នាក់ជាតិបន្តត្រួតពិនិត្យសម្រេចជាថ្មីម្តងទៀត ដើម្បីមានចំណាត់ការបន្តថានឹងត្រូវធ្វើយ៉ាងណា។
ទាំងអាជ្ញាធរខេត្ត និងមន្ទីរជំនាញពាក់ព័ន្ធ ធ្លាប់ពន្យល់ថា រាល់ការសង់របងថ្មនេះគឺពិតជាមានការរំលោភបំពានដោយការសង់សំណង់រឹងមាំខុសច្បាប់បែបអនាធិតេយ្យមកលើតំបន់ឆ្នេរធ្វើឱ្យប៉ះពាល់សោភ័ណ្ឌយ៉ាងធ្ងន់ធ្ងរដល់តំបន់សមុទ្ររបស់រដ្ឋ។
ទន្ទឹមនោះ អាជ្ញាធរខេត្ត ក៏ណែនាំឱ្យគ្រប់ម្ចាស់ហាងអាហារដ្ឋាននៅតាមតំបន់ឆ្នេរសមុទ្រ គប្បីគោរពតាមការណែនាំពីការកំណត់តម្លៃម្ហូបអាហារ ឬតម្លៃសំបុត្រចូលលេងកម្សាន្តឱ្យជាក់លាស់បំផុត មិនអាចយកតាមតែចិត្តចង់បានឡើយ។ ប៉ុន្តែក្រុមអាជីវករ ឬម្ចាស់ទីតាំងទេសចរណ៍នេះនៅតែបំពានមិនខ្វល់នឹងការការអប់រំណែនាំដោយបន្តយកលើសកម្រៃកំណត់របស់ក្រសួងសេដ្ឋកិច្ច ដោយក្នុង១រថយន្តតូច១គ្រឿង១ម៉ឺនរៀល រីឯរថយន្តធំតម្លៃ១៥០០០រៀល។
ទោះយ៉ាងណា ប្រជាពលរដ្ឋ ក៏ដូចជាអ្នកទេសចរ ដែលធ្លាប់មកកម្សាន្តនៅរមណីយដ្ឋានឆ្នេរនេសាទ នៅរង់ចាំមើលចំណាត់ការរបស់មន្ទីរជំនាញ រដ្ឋបាលខេត្តកោះកុង និងអន្តរក្រសួងពាក់ព័ន្ធ ថាតើអាចដោះស្រាយការសំណង់របងថ្មរំលោភចូលឆ្នេរសមុទ្រមានតម្លភាព និងប្រសិទ្ធភាពដែរឬអត់? ករណីមិនអាចធ្វើបែកទេ បាតុភូតអាក្រក់នឹងជះឥទ្ធិពលកាន់តែច្រើននាំឱ្យខាតបង់សេដ្ឋកិច្ចចំណូលពីវិស័យទេសចរណ៍ ខណៈរាជរដ្ឋាភិបាលកំពុងយកចិត្តទុកដាក់ខ្ពស់អំពីជីវភាព និងកៀងគរអ្នកវិនិយោគទុនមកប្រទេសកម្ពុជា៕
អត្តបទៈសិរីវឌ្ឍនៈ
-
សន្តិសុខសង្គម៤ ថ្ងៃ ago
ជនដៃដល់ បាញ់មនុស្ស២នាក់ស្លាប់ នៅបុរីប៉េងហួត មានគោរម្យងារជា ឧកញ៉ា
-
KPT+៧ ថ្ងៃ ago
ប្រវត្តិដ៏គួរឱ្យចាប់អារម្មណ៍របស់ វត្តចំណាស់ទាំង ៧ ក្នុងខេត្តបាត់ដំបង
-
សន្តិសុខសង្គម៤ ថ្ងៃ ago
សមត្ថកិច្ច ចាប់បានបុរសដែលបាញ់មនុស្ស២នាក់ឱ្យស្លាប់ និងរបួស នៅបុរីប៉េងហ៊ួតបឹងស្នោ
-
សន្តិសុខសង្គម៤ ថ្ងៃ ago
Update៖ សមត្ថកិច្ចចាប់ខ្លួនជនសង្ស័យម្នាក់ ក្នុងហេតុការណ៍ផ្ទុះអាវុធ នៅក្នុងបុរីប៉េងហួតបឹងស្នោ
-
ព័ត៌មានជាតិ៤ ថ្ងៃ ago
សមាគមឧកញ៉ា នឹងស្នើបញ្ចប់ងារឧកញ៉ាពីឈ្មោះ ស្រី ស៊ីណា ក្រោយបាញ់ឱ្យមនុស្សស្លាប់
-
អត្ថាធិប្បាយ៤ ថ្ងៃ ago
សមត្ថកិច្ចប្រើពេល៣ម៉ោង ក្របួចកឧកញ៉ាប្រើកាំភ្លើងផ្ដាច់ជីវិតគូរស្នេហ៍មួយគូរ
-
KPT+១ ថ្ងៃ ago
១០ ប្រទេស កំពូលគ្រោះថ្នាក់ខ្លាំង ចំពោះស្រ្តី
-
ព័ត៌មានជាតិ១ សប្តាហ៍ ago
ស្ពានអាកាសភ្លោះភ្ជាប់ផ្លូវ ៦០ ម៉ែត្រ ទៅព្រលានអន្តរជាតិតេជោ ប្រកាសបើកការដ្ឋាននៅថ្ងៃ ១៧ មិថុនា នេះ