Connect with us

ព័ត៌មានជាតិ

ក្រសួងសាធារណការ ៖ ផ្លូវល្បឿនលឿនភ្នំពេញ-ក្រុងព្រះសីហនុ “មិនទាន់អនុញ្ញាត” ឲ្យប្រើប្រាស់ជាសាធារណៈនៅឡើយទេ

បានផុស

នៅ

ក្រសួងសាធារណការ និងដឹកជញ្ជូន បានជូនដំណឹងថា បច្ចុប្បន្ននេះ ផ្លូវល្បឿនលឿនភ្នំពេញ-ក្រុងព្រះសីហនុ “មិនទាន់អនុញ្ញាត” ឲ្យប្រើប្រាស់ជាសាធារណៈនៅឡើយទេ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

តាមរយៈទំព័រហ្វេសប៊ុកផ្លូវការរបស់ខ្លួន នៅរសៀលថ្ងៃទី ២៦ ខែកញ្ញានេះ ក្រសួងសាធារណការ និងដឹកជញ្ជូន បានបញ្ជាក់ថា ផ្លូវល្បឿនលឿនភ្នំពេញ-ក្រុងព្រះសីហនុ បច្ចុប្បន្ន “មិនទាន់អនុញ្ញាត” ឲ្យប្រើប្រាស់ជាសាធារណៈនៅឡើយទេ។

ក្រសួងសាធារណការ និងដឹកជញ្ជូន បានសរសេរបន្តថា «សូមបងប្អូនអត់ធ្មត់​ រង់ចាំដល់ថ្ងៃទី ១ តុលា​ ២០២២​ ទើបអាចប្រើប្រាស់បាន។ សូមបងប្អូនមានការយោគយល់អធ្យាស្រ័យ​ សូមបើកបរដោយសុវត្ថិភាព​»។

សូមជម្រាបថា ចាប់ពីថ្ងៃទី ១ ដល់ថ្ងៃទី ៣១ ខែតុលា ឆ្នាំ ២០២២ ផ្លូវល្បឿនលឿនភ្នំពេញ-ព្រះសីហនុ ថ្មីដំបូងបង្អស់ក្នុងប្រវត្តិសាស្ត្រកម្ពុជា នឹងដាក់ឲ្យដំណើរការសាកល្បងប្រើប្រាស់ ដោយឥតគិតថ្លៃ។ នេះបើតាមក្រសួងសាធារណការ និងដឹកជញ្ជូន ដដែល។

ផ្លូវនេះមានប្រវែងសរុប ១៨៧,០៥គីឡូម៉ែត្រ ត្រូវបានបើកការដ្ឋានសាងសង់ កាលពីថ្ងៃទី ២២ ខែមីនា ឆ្នាំ ២០១៩ ដែលតួផ្លូវមានទទឹង ២៤ម៉ែត្រ មាន ៤គន្លង (២ទៅ ២មក) និងគន្លងឈប់បន្ទាន់ (១ទៅ ១មក) ក្រាលបេតុងកៅស៊ូ (AC) តភ្ជាប់ពីរាជធានីភ្នំពេញទៅដល់សង្កាត់លេខ ៣ ក្រុងព្រះសីហនុ ខេត្តព្រះសីហនុ ដោយឆ្លងកាត់ខេត្តកណ្តាល កំពង់ស្ពឺ និងខេត្តកោះកុង។

ផ្លូវនេះ មានសួនច្បារខណ្ឌកណ្តាល មានផ្លូវបំបែកប្តូរទិស (Inter-Change) ភ្ជាប់មក​ផ្លូវ​ជាតិ​លេខ​ ៤ ចំនួន ៦កន្លែង មាន​​កន្លែង​ឈប់សម្រាក ៣កន្លែង និងចំណតរថយន្ត ១កន្លែង ផងដែរ។ ប្រជាពលរដ្ឋអាចធ្វើដំណើរ និងដឹកជញ្ជូនទំនិញ លើផ្លូវមួយខ្សែនេះ ប្រកបដោយប្រសិទ្ធភាព កាត់បន្ថយការចំណាយដឹកជញ្ជូន និងចំណេញពេលវេលាធ្វើដំណើរ មកត្រឹមតែប្រមាណ ២ម៉ោងប៉ុណ្ណោះពីរាជធានីភ្នំពេញទៅក្រុងព្រះសីហនុ ដែលកន្លងមកត្រូវចំណាយពេលពី ៥ទៅ ៦ម៉ោង តាមផ្លូវជាតិលេខ ៤៕

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ៨ នាទី មុន

ជម្លោះរវាងពលរដ្ឋប្រើប្រាស់ទឹកប្រឡាយអូរវ៉ាយ និងក្រុមហ៊ុនមួយ ដល់ដំណាក់កាលបញ្ចប់

ព័ត៌មានអន្ដរជាតិ២១ នាទី មុន

៩ខែនៃសង្គ្រាមលុកលុយលើអ៊ុយក្រែន តើ រុស្ស៊ី ចាយលុយអស់ប៉ុន្មានហើយ?

ព័ត៌មានអន្ដរជាតិ៣១ នាទី មុន

រុស្ស៊ី ថា គ្មានអ្វីត្រូវសង្ស័យទេ ប្រតិបត្តិការយោធារនៅ អ៊ុយក្រែន នឹងបញ្ចប់​ដោយជោគជ័យ

ព័ត៌មានជាតិ៣៣ នាទី មុន

រដ្ឋបាលរាជធានី ត្រៀមរៀបចំកិច្ចប្រជុំ​អភិបាលក្រុង​អាស៊ានមានតំណាង៨០ទីក្រុង​និងខេត្តចូលរួម

ព័ត៌មានជាតិ៤៧ នាទី មុន

អគារប៉ុស្តិ៍នគរបាលត្នោត ស្រុកកំពង់រោទិ៍ តម្លៃជាង ១ម៉ឺនដុល្លារ បានដាក់ឱ្យដំណើរការ​ជាផ្លូវការ

Sokha Hotels

ព័ត៌មានពេញនិយម