Connect with us

ព័ត៌មានជាតិ

រថយន្តដឹកចេករបស់វៀតណាម​ជ្រុលចង្កូត​បុករង្វង់មូល​យាយទូលចេក​អស់មួយចំហៀង

បានផុស

នៅ

កម្លាំងការិយាល័យនគរបាលចរាចរណ៍ខេត្តបានឃាត់រថយន្តរបស់វៀតណាមដឹកចេកមួយគ្រឿង បន្ទាប់ពីបើកបុករង្វង់មូលយាយទូលចេកបែកអស់មួយចំហៀង ប៉ុន្តែមិនប៉ះពាល់ដល់ប្រជាពលរដ្ឋអ្នកធ្វើដំណើរតាមដងផ្លូវនោះទេ។

ហេតុការណ៍នេះបានកើតឡើងនៅវេលាម៉ោង ២១៖២០នាទីយប់ ថ្ងៃទី២៧ ខែកញ្ញា ឆ្នាំ២០២២ នៅតាមបណ្តោយផ្លូវជាតិលេខ៧៨ ត្រង់ចំណុចរង្វង់មូលយាយទូលចេក ស្ថិតនៅក្នុងភូមិ១ សង្កាត់កាចាញ ក្រុងបានលុង ខេត្តរតនគីរី។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

យោងតាមរបាយការណ៍ពីនគរបាលចរាចរណ៍ខេត្តបានឲ្យដឹងថា រថយន្តដែលបុករង្វង់មូលយាយទូលចេកមួយគ្រឿងម៉ាក FUSO ពណ៌ស ពាក់ស្លាកលេខ វៀតណាម92C-14689 អ្នកបើកបរឈ្មោះប៊ូយ ភូវីង ភេទប្រុស អាយុ៥២ឆ្នាំ ជនជាតិវៀតណាម មានទីលំនៅប្រទេសវៀតណាម បើកបរក្នុងទិសដៅពីលិចទៅកើត ចេញពីក្រុមហ៊ុនចម្ការចេក ស្ថិតនៅក្នុងស្រុកលំផាត់និងស្រុកកូនមុំ ឆ្ពោះទៅប្រទេសវៀតណាម។

របាយការណ៍បានបញ្ជាក់ថា ការខូចខាតរង្វង់មូលយាយទូលចេកខូចខាត 40% រថយន្តត្រូវបានសមត្ថកិច្ចជំនាញរឹបអូសយកមករក្សាទុកនៅការិយាល័យចរាចរណ៍នៃស្នងការដ្ឋាននគរបាលខេត្ត ដើម្បីរងចាំធ្វើការដោះស្រាយនៅពេលក្រោយ។

គួររំលឹកផងដែរថា រថយន្តដឹកចេករបស់វៀតណាម ចេញពីក្នុងក្រុមហ៊ុនចម្ការចេក(វៀតណាម)ស្ថិតនៅក្នុងស្រុកចំនួនពីរ គឺស្រុកលំផាត់និងស្រុកកូនមុំ ហើយរថយន្តដឹកចេកទាំងនេះ ធ្វើឲ្យប្រជាពលរដ្ឋមានការព្រួយបារម្ភ និងភ័យខ្លាចដោយសាររថយន្តដឹកចេកបើកបរលឿនៗមិនបង្អង់ឡើយ។

ជាពិសេសបើកបរនៅក្នុងទីប្រជុំជន បើកលឿនៗពួកគាត់ខ្លាចប៉ះពាល់ទៅដល់កូនចៅរបស់ពួកគាត់ ដែលកំពុងធ្វើដំណើរលើដងផ្លូវ។ ប្រជាពលរដ្ឋសំណូមពរទៅដល់អាជ្ញាធរខេត្ត មេត្តាកុំឲ្យរថយន្តដឹកចេកទាំងនេះបើកបរលឿនពេក ខ្លាចប៉ះពាល់ដល់កូនចៅរបស់ពួកគាត់៕

អត្ថបទ៖ វុទ្ធឦសាន

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

Sokha Hotels

ព័ត៌មានពេញនិយម