ព័ត៌មានជាតិ
អភិបាលខណ្ឌច្បារអំពៅដាក់រថយន្តបូមលូស្ទះ បញ្ចៀសការលិចលង់លំនៅដ្ឋានពលរដ្ឋបន្តទៀត
លោក ចេង មុនីរ៉ា អភិបាលខណ្ឌច្បារអំពៅ ដាក់រថយន្តបូមលូប្រមាណជាជិត ១០ គ្រឿងឱ្យបូមលូដើម្បីទប់ស្កាត់កុំឱ្យទឹកភ្លៀងហូរចូលលូមិនទាន់ បង្កឱ្យលិចលង់លំនៅដ្ឋានរបស់ប្រជាពលរដ្ឋ។
លោក គុយ គឹមហ៊ាង ប្រធានការិយាល័យ សាធារណការសាលាខណ្ឌច្បារអំពៅ បានប្រាប់ “កម្ពុជាថ្មី” នៅព្រឹកថ្ងៃទី៣ ខែតុលានេះថា អស់រយៈពេល ៣ ថ្ងៃជាប់គ្នា បើគិតត្រឹមថ្ងៃទី៣ នេះ លោក ចេង មុនីរ៉ា អភិបាលខណ្ឌច្បារអំពៅ បាននាំយករថយន្តបូមលូមកដាក់បូមនៅចំណុចផ្សារបឹងព្រលឹត និងជុំវិញបរិវេណផ្សារស្ថិតក្នុងភូមិអណ្តូង១ សង្កាត់ព្រែកប្រាខណ្ឌច្បារអំពៅ រាជធានីភ្នំពេញ ដែលធ្លាប់រងគ្រោះលិចលង់ដោយសារជំនន់ទឹកភ្លៀងកន្លងមក។
លោក គុយ គឹមហ៊ាង បានបញ្ជាក់ថា កន្លងមកនៅតំបន់ផ្សារបឹងព្រលឹត ធ្លាប់តែរងការលិចលង់រាល់ពេលធ្លាក់ភ្លៀងនោះ ដោយសារតែទឹកហូរជន់ពីបឹង មកតំបន់ផ្សារបឹងព្រលឹត នាំឱ្យទឹកហូរចូលលូយឺតពេក និងបង្កឱ្យលិចលង់រហូតដល់លោកអភិបាលខណ្ឌច្បារអំពៅ ដាក់គ្រឿងចក្ររួមនឹងកម្លាំងអាជ្ញាធរដោយមានការស្ម័គ្រចិត្តពីប្រជាពលរដ្ឋក្នុងភូមិរួមគ្នាលើកទំនប់ទប់មិនឱ្យទឹកហូរពីបឹងចូលមកក្នុងផ្សារ។
ទាក់ទិនទៅនឹងសកម្មភាពដាក់រថយន្តបូមលូនៅតំបន់ផ្សារបឹងព្រលឹត ប្រជាពលរដ្ឋរស់នៅតំបន់ផ្សារនេះបានសម្ដែងការអរគុណដល់អាជ្ញាធរថ្នាក់ខណ្ឌ និងសង្កាត់ព្រែកប្រា ដែលបានប្រើប្រាស់កម្លាំងលើកទំនប់ទឹកដោយចំណាយពេលទាំងយប់ទាំងថ្ងៃរហូតដល់លើកទំនប់ទឹកបានដោយជោគជ័យ៕
អត្ថបទ៖ នរា
-
ព័ត៌មានជាតិ១៧ ម៉ោង ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ១ សប្តាហ៍ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ៤ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានអន្ដរជាតិ១ សប្តាហ៍ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
កីឡា៤ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៣ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
ព័ត៌មានជាតិ១ សប្តាហ៍ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
សន្តិសុខសង្គម៦ ថ្ងៃ ago
បឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)