ព័ត៌មានជាតិ
អាជ្ញាធរខេត្តស្វាយរៀងស្នើឱ្យជួយពន្លឿនការសិក្សាបច្ចេកទេសលម្អិតការស្ដារផ្លូវទឹកគម្រោងអភិវឌ្ឍន៍កំពង់ផែអូរស្មាច់ឱ្យបានឆាប់
អាជ្ញាធរខេត្តស្វាយរៀងបានស្នើដល់ក្រុមការងារកំពង់ផែស្វយ័តភ្នំពេញជួយពន្លឿនការសិក្សាបច្ចេកទេសលម្អិតពាក់ព័ន្ធការស្ដារផ្លូវទឹកកំពង់ផែអូរស្មាច់ ក្រុងស្វាយរៀងឱ្យបានឆាប់ដើម្បីឈានដល់ការសម្រួលដល់ការដឹកជញ្ជូនទំនិញចេញចូលតាមផ្លូវទឹកកាន់តែដំណើរការល្អ។
នៅក្នុងកិច្ចប្រជុំពិភាក្សាការងារពាក់ព័ន្ធនឹងការជំរុញគម្រោងអភិវឌ្ឍន៍កំពង់ផែអូរស្មាច់ ក្រុងស្វាយរៀងកាលពីថ្ងៃទី០៣តុលា លោក ហែម ពិសិដ្ឋ អភិបាលរងនៃគណៈអភិបាលខេត្តស្វាយរៀងបានស្នើដល់ក្រុមការងារកំពង់ផែស្វយ័តភ្នំពេញ ជួយពន្លឿនការសិក្សាបច្ចេកទេសលម្អិតពាក់ព័ន្ធការស្ដារផ្លូវទឹក និងស្នើអ្នកវិនិយោគជួយគាំទ្រការសិក្សា និងការអភិវឌ្ឍន៍នៅតំបន់នេះឲ្យបានឆាប់ ដើម្បីឲ្យកំពង់ផែនេះដំណើរការទៅបាន និងចូលរួមចំណែកអនុវត្តយុទ្ធសាស្រ្តចតុកោណដំណាក់កាលទី៤ របស់រាជរដ្ឋាភិបាលកម្ពុជា ក្នុងការលើកស្ទួយកំណើនសេដ្ឋកិច្ចជាតិ និងការអភិវឌ្ឍន៍ខេត្ត តាមរយៈការអភិវឌ្ឍប្រព័ន្ធដឹកជញ្ជូនតាមផ្លូវទឹកឲ្យមានដំណើរការល្អ។
កំពង់ផែអូស្មាច់នេះ ត្រូវបានក្រសួងសាធារណការ និងដឹកជញ្ជូន ធ្វើការស្ដារឡើងវិញក្នុងឆ្នាំ២០២០ហើយកំពង់ផែននេះមានបណ្ដោយ ៦.៩៥០ម៉ែត្រ ទទឹងមាត់ច្រាំងខាងលើ ពី ៤០ម៉ែត្រ ទៅ ១០០ម៉ែត្រ ទទឹងបាតក្រោម (ផ្លូវនាវាចរណ៍) ពី១០ ទៅ ២០ម៉ែត្រ និងជម្រៅទឹកនៅលើផ្លូវនាចរណ៍រាក់បំផុត ៣,៥ម៉ែត្រ ជ្រៅបំផុត ៥,៦៨ម៉ែត្រ។
បច្ចុប្បន្នរដ្ឋបាលខេត្ដ កំពុងតែពិភាក្សាជាមួយដៃគូពាក់ព័ន្ធ ជាពិសេសអ្នកវិនិយោគឯកជន លើផែនការអភិវឌ្ឍន៍កំពង់ផែអូស្មាច់នេះព្រមទាំងកំពុងធ្វើការសម្របសម្រួលជាមួយភាគីខេត្ដឡុងអាន (វៀតណាម) ដើម្បីជំរុញនីតិវិធីផ្សេងៗសំដៅអនុញ្ញាតឱ្យនាវា អាចដឹកជញ្ជូនទំនិញឆ្លងពីប្រទេសវៀតណាមចូលចតនៅកំពង់ផែអូស្មាច់នេះ។
គួរបញ្ជាក់ថាកំពង់ផែផ្លូវទឹកនេះស្ថិតនៅភូមិតាស្អាង ឃុំកំពង់ចំឡង ស្រុកស្វាយជ្រំ ខេត្តស្វាយរៀងដែលកំពង់ផែនេះនឹងផ្តល់នូវអត្ថប្រយោជន៍យ៉ាងសំខាន់ទៅលើដំណើរកាសេដ្ឋកិច្ច ពាណិជ្ជកម្ម ក៏ដូចជាការសម្រួលដល់ការដឹកជញ្ជូនទំនិញតាមផ្លូវទឹកទៅមក រវាងខេត្តស្វាយរៀងប្រទេសកម្ពុជា និងខេត្តឡុងអានប្រទេសវៀតណាមផងដែរ។ជាងនេះទៀតការមានកំពង់ផែនេះនឹងជួយធ្វើឱ្យខេត្តស្វាយរៀងកាន់តែមានការអភិវឌ្ឍរីកចំរើនបន្ថែមទៀត៕
អត្ថបទ៖ សំអឿន
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សេដ្ឋកិច្ច១ សប្តាហ៍ ago
តាសក់ផ្អែម ៥ តោន របស់ កសិករម្នាក់ លក់ចេញអស់ ក្រោយសហគមន៍កសិកម្មជួយរកទីផ្សារ
-
ព័ត៌មានអន្ដរជាតិ១ សប្តាហ៍ ago
នាឡិកា ៦ គ្រឿងរបស់កូនពៅសេដ្ឋី ឥណ្ឌា ដែលខំសន្សំទុក មានមួយមេ Facebook ទាក់ចិត្តខ្លាំង
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៧ ថ្ងៃ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៤ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ