ព័ត៌មានជាតិ
ពលរដ្ឋជាច្រើនរិះគន់ពីភាពអសកម្មរបស់មន្ត្រីសុរិយោលដីខេត្តតាកែវ
ពលរដ្ឋជាច្រើនរិះគន់ពីភាពអសកម្មមន្ត្រីសុរិយោដីខេត្តតាកែវ មិនបានបំពេញការងារជូនពលរដ្ឋដែលទៅរកសេវាកម្មពាក់ព័ន្ធការចេញប្លង់ដី។
តាមការសរសេរបង្ហោះនៅលើបណ្តាញសង្គមហ្វេសប៊ុកនៅព្រឹកថ្ងៃទី២៤ ខែវិច្ឆិកា ឆ្នាំ២០២២នេះ មានមតិជាច្រើនបានលើកឡើងថា មន្ទីរសុរិយោដីខេត្តតាកែវមិនចាត់ការចេញប្លង់ឲ្យពួកគាត់ទេ និងបានទុកឯកសារចោលរាប់ឆ្នាំ ខ្លះ២ឆ្នាំ ខ្លះ៣ឆ្នាំមិនទាន់ទទួលបានប្លង់ដីផង ទាំងដែលឯកសារស្នើសុំចេញប្លង់ដាក់ទៅមន្ទីរជំនាញគ្រប់តាមបទដ្ឋានច្បាប់ក៏ដោយ។
ជាក់ស្តែងពលរដ្ឋម្នាក់រស់នៅក្រុងដូនកែវ សរសេរបង្ហោះថា «ខ្ញុំកាត់ប្លង់ដីកសិកម្មតួចមួយតាំងពីខែ៥ ឆ្នាំ២០២១ ដល់ខែវិច្ឆិកា ឆ្នាំ២០២២អត់ទាន់បាន មន្ទីរជំនាញពាក់ព័ន្ធថា ម្តងខ្វះនេះ ម្តងខ្វះនោះ បើតែយ៉ាងនេះឲ្យពលរដ្ឋពឹងអី»។
ក្រោយសរសេរលើកឡើងបែបនេះ មានអ្នកចូលសរសេរបញ្ហាញសេចក្តីមិនពេញចិត្តជាច្រើន ដោយអ្នកខ្លះលើកឡើងថា ខ្លួនដាក់ឯកសារ២ឆ្នាំ ខ្លះថា ៣ឆ្នាំហើយមិនទាន់បានប្លង់ផង។ ពលរដ្ឋថា អាងអីអាងខ្វះឯកសារ បើខ្វះម៉េចបានខ្វះតែកន្លែងសុរិយោដីចឹង ម៉េចមិនខ្វះនៅពេលដែលពួកគាត់យកឯកសារទៅដាក់នៅច្រកចេញចូលតែមួយខេត្តផង?
ពាក់ព័ន្ធការមិនពេញចិត្តពីប្រជាពលរដ្ឋនេះ លោក នួន សុធា ប្រធានមន្ទីរសុរិយោដីខេត្តតាកែវ បានបញ្ជាក់នៅព្រឹកថ្ងៃទី២៤ ខែវិច្ឆិកា ឆ្នាំ២០២២នេះថា រាល់ឯកសារដែលលោកទទួលបាន គឺគ្មានការផ្អិបទុកយូររាប់ឆ្នាំដូចការលើកឡើងនោះទេ។ លោកប្រធានថា ពលរដ្ឋខ្លះគាត់ខ្វះឯកសារទើបមន្ត្រីលោកបង្វិលឲ្យម្ចាស់យកទៅបំពេញថ្មី ម្យ៉ាងមន្ត្រីខាងសុរិយោដីលោកមានតិចហើយឯកសារដែលពលរដ្ឋយកមកដាក់មានច្រើនរាប់ពាន់ ចឹងមានយូរខ្លះហើយ៕
អត្ថបទ៖ វីរៈ
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សេដ្ឋកិច្ច១ សប្តាហ៍ ago
តាសក់ផ្អែម ៥ តោន របស់ កសិករម្នាក់ លក់ចេញអស់ ក្រោយសហគមន៍កសិកម្មជួយរកទីផ្សារ
-
ព័ត៌មានអន្ដរជាតិ១ សប្តាហ៍ ago
នាឡិកា ៦ គ្រឿងរបស់កូនពៅសេដ្ឋី ឥណ្ឌា ដែលខំសន្សំទុក មានមួយមេ Facebook ទាក់ចិត្តខ្លាំង
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៦ ថ្ងៃ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៤ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៤ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ