ព័ត៌មានជាតិ
អាជីវករផ្សារកំពង់ត្រាចបន្តលក់ដូររំលោភលើចំណីផ្លូវសាធារណៈ
បើទោះបីជាកន្លងមក មានការខិតខំប្រឹងប្រែង ពីសំណាក់អាជ្ញាធរស្រុកកំពង់ត្រាច ក៏ដូចជាសមត្ថកិច្ច ក្នុងការជូនដំណឹង និងចុះឱ្យរុះរើសំយ៉ាបចេញយ៉ាងណាក៏ដោយ ក៏អាជីវករមួយចំនួននៅផ្លូវចូលខាងលិចផ្សារកំពង់ត្រាច នៅតែបន្ត ដាក់លក់លើទ្រូងផ្លូវ បេតុងដដែល នៅថ្ងៃទី ០៣ ខែ ធ្នូនេះ។
នាពេលកន្លងមកគេសង្កេតឃើញលោក អូន ខន អភិបាលស្រុកកំពង់ត្រាច បានដឹកនាំកម្លាំងចុះវាស់វែង និងបាញ់ថ្នាំកំណត់ ទីតាំងឲ្យអាជីវករលក់ដូរត្រឹមតែលើចិញ្ចើមផ្លូវតែប៉ុណ្ណោះ ដោយមិនអនុញ្ញាត ឲ្យលក់ នៅលើទ្រូងផ្លូវនោះឡើយ។
ជាមួយគ្នានេះ សមត្ថកិច្ចក៏ធ្លាប់បានចុះធ្វើការសម្របសម្រួល និងណែនាំក្រុមអាជីវករទុកចោលសម្ភារពាស វាលពាស កាល គ្មានសណ្តាប់ធ្នាប់ នៅតាមទីសាធារណ:ជុំវិញផ្សារកំពង់ត្រាចនោះផងដែរ ដើម្បីឲ្យពួកគាត់បញ្ឈប់ ការលក់ លើទ្រូងផ្លូវតទៅទៀត។
ប៉ុន្តែក្រុមអាជីវករមួយចំនួននៅតែបន្តលក់ដូរលើទ្រូងផ្លូវបេតុងដោយ មិនព្រមអនុវត្តតាមការណែនាំទាល់តែសោះ ព្រោះក្រោយការរៀបចំឱ្យប្រជាពលរដ្ឋអាជីវករលក់ដូរនៅផ្លូវចូលផ្សារកំពង់ត្រាចពីខាងកើតឱ្យកាត់សំយ៉ាបចេញបានយ៉ាងស្អាត ប៉ុន្តែក្រុមអាជីវករលក់ដូរនៅផ្លូវចូលផ្សារកំពង់ត្រាចផ្នែកខាងលិចពួកគាត់បានបន្តរំកិលលក់ចូលទៅលើទ្រូងផ្លូវវិញដដែលព្រោះទីតាំងខាងលិចផ្សារកំពង់ត្រាចនេះ គឺមានការលូតទៅលើផ្លូវដូចសព្វថ្ងៃនេះ សឹងពាក់កណ្តាលទៅហើយ ដែលធ្វើឲ្យមានការកកស្ទះចរាចរណ៍ ស្ទើររាល់ថ្ងៃ។
ទោះបីជាមានការរិះគន់ ពីសំណាក់ប្រភពពីប្រជាពលរដ្ឋដែលបានធ្វើដំណើរឬរស់នៅក្នុងមូលដ្ឋាននានា បានរិះគន់ទៅលើអាជ្ញាធរ យ៉ាងណាក៏ដោយ ប៉ុន្តែអាជ្ញាធរមូលដ្ឋានហាក់បីដូចជាមិនមានការព្យាយាមធ្វើការរឿងនេះ។
ជុំវិញបញ្ហានេះ ពលរដ្ឋបានសំណូមពរដល់អាជ្ញាធរមូលដ្ឋាន បន្តចុះណែនាំ និងអប់រំដល់អាជីវករដែលលក់រំលោភលើផ្លូវសាធារណៈ ដើម្បីសោភណ្ឌភាពផ្សារ និងកាត់បន្ថយការកកស្ទះ៕ (សឹង រ៉ាត់)
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សេដ្ឋកិច្ច១ សប្តាហ៍ ago
តាសក់ផ្អែម ៥ តោន របស់ កសិករម្នាក់ លក់ចេញអស់ ក្រោយសហគមន៍កសិកម្មជួយរកទីផ្សារ
-
ព័ត៌មានអន្ដរជាតិ១ សប្តាហ៍ ago
នាឡិកា ៦ គ្រឿងរបស់កូនពៅសេដ្ឋី ឥណ្ឌា ដែលខំសន្សំទុក មានមួយមេ Facebook ទាក់ចិត្តខ្លាំង
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៧ ថ្ងៃ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ