អាជ្ញាធរសង្កាត់ចោមចៅទី៣ស្ថាបនាផ្លូវបេតុងមួយខ្សែប្រវែង៩១០ម៉ែត្រ

នៅព្រឹកថ្ងៃទី៩ ខែធ្នូ ឆ្នាំ២០២២ លោក វ៉ា សាវឿន ចៅសង្កាត់ចោមចៅទី៣ ដឹកនាំក្រុមការងារចុះពិនិត្យការស្ថាបនាផ្លូវបេតុងមួយខ្សែក្នុងមូលដ្ឋានដេីម្បីឲ្យបងប្អូនប្រជាពលរដ្ឋងាយស្រួលធ្វេីដំណេីរឆ្លងកាត់។

លោក វ៉ា សាវឿន បានថ្លែងថា ផ្លូវបេតុងដែលកំពុងស្ថាបនាខាងលេីក្រាលឆ្អឹងដែក កម្ពស់១តឹកកន្លះ មានប្រវែង៩១០ ម៉ែត្រ ទទឹង៤ម៉ែត្រ ឆ្លងកាត់ភូមិចំនួន៣ ក្នុងនោះមានភូមិព្រៃជីសាក់ ភូមិជម្ពូវ័ន២ និងព្រៃទា២ ដោយប្រេីប្រាស់ថវិការមូលនិធិភូមិសង្កាត់។

លោកចៅសង្កាត់បានបន្តថា ដោយឃេីញផ្លូវខាងលេីមានការទ្រុឌទ្រោម ទុក្ខលំបាលប្រជាពលរដ្ឋពិបាកធ្វេីដំណេីរក៏ដូចជាប្រកបអាជីវកម្មផ្សេងៗទេីបលោកចុះពិនិត្យជាក់ស្តែងដាក់គ្រឿងចក្រឈូសឆាយចាក់ផ្លូវបេតុងតែម្តង។

លោក វ៉ា សាវឿន សូមណូមពរដល់បងប្អូនប្រជាពលរដ្ឋទាំងអស់មេត្តាជួយថែរក្សាផ្លូវខាងលេីឲ្យបានល្អដេីម្បីធ្វេីដំណេីរបានយូអង្វែង៕

អត្ថបទ៖ សុខា