ព័ត៌មានជាតិ
ប្រធានមន្ទីរ៖ ខេត្តកំពតទទួលបានទេសចរជាង ១លាននាក់ ទេសចរបរទេសជាង ៥ម៉ឺននាក់ ក្នុងឆ្នាំ ២០២២
វិស័យទេសចរណ៍ គឺជាវិស័យមួយដែលជួយកំណើនសេដ្ឋកិច្ចជាតិ សេដ្ឋកិច្ចតំបន់ ក៏ដូចជាផ្តល់ឱកាសការងារដល់ពលរដ្ឋក្នុងតំបន់យ៉ាងច្រើនផងដែរ។
ឆ្លើយឆ្លងជាមួយអ្នកសារព័ត៌មានកម្ពុជាថ្មី លោក សយ ស៊ីណុល ប្រធានមន្ទីរទេសចរណ៍ខេត្តកំពត បានឱ្យដឹងថា ខេត្តកំពតទទួលបានភ្ញៀវទេសចរទៅលេងកម្សាន្តចន្លោះពី ២៥០ ០០នាក់ ទៅ ៣ម៉ឺននាក់ ក្នុងមួយសប្តាហ៍។ ពេញមួយឆ្នាំ ២០២២ ពោលគឺគិតត្រឹមថ្ងៃទី ២០ ខែធ្នូ មានភ្ញៀវទេសចរប្រមាណជាង ១លាននាក់ ទៅទស្សនាកម្សាន្តនៅខេត្តកំពត។ ក្នុងនោះទេសចរបរទេសមានជាង ៥ម៉ឺននាក់ មកពីអឺរ៉ុប អូស្រ្តាលី អាមេរិក កាណាដា។ ដោយឡែកប្រទេសជិតខាង ដូចជាថៃ វៀតណាម មិនទាន់មានច្រើននៅឡើយ។
បើតាមប្រធានមន្ទីទេសចរខេត្ត កំណើននៃអ្នកទេសចរនេះ ដោយសារខេត្តកំពតមានរមណីយដ្ឋានទេសចរទាក់ទាញច្រើនកន្លែង និងបង្ហាញអំពីទិដ្ឋភាពផ្សេងៗគ្នា។ ជាក់ស្តែងគោលដៅទេសចរណ៍នៅខេត្តកំពត ដែលមានភ្ញៀវចាប់អារម្មណ៍ និងទៅកម្សាន្តលេងច្រើន មានដូចជា តំបន់ធម្មជាតិទឹកឈូ ជាតំបន់មានភាពទាក់ទាញតាមរយៈសកម្មភាពកីឡាលើទឹក និងទឹកថ្លាត្រជាក់សម្រាប់ងូតលេងកម្សាន្ត។
តំបន់បន់ភ្នំបូកគោ មានទីតាំងកម្សាន្តច្រើន ជាតំបន់ធម្មជាតិ វប្បធម៌ សាសនា និងប្រវត្តិសាស្រ្ត។ នៅលើភ្នំ មានតំបន់ទេសចរណ៍ដ៏សម្បូរបែប ពិសេសមានអាកាសធាតុត្រជាក់ និងខ្យល់អាកាសបរិសុទ្ធ សម្រាប់អ្នកទេសចរអាចបំបាត់រាល់ការស្មុគស្មាញទាំងឡាយ។
តំបន់ទំនប់ម្លេច មានការអភិវឌ្ឍច្រើន និងមានភ្ញៀវទេសចរទៅកម្សាន្តច្រើនផងដែរ។ ក្រៅពីតំបន់ធំៗទាំងនេះ នៅមានតំបន់កសិទេសចរជាច្រើនទៀត នៅក្នុងខេត្តកំពត។ ក្នុងនោះ សហគមន៍ត្រពាំងសង្កែក៏មានភ្ញៀវកើនឡើងជាលំដាប់ផងដែរ។
លោក ស៊ីណុល បានលើកឡើងថា មន្ទីរទេសចរណ៍ខេត្តបានបង្កើតក្រុមការងារចំនួនបីក្រុម ដើម្បីចុះតាមតំបន់រមណីយដ្ឋានទេសចរនានា ក្នុងខេត្ត និងពង្រឹងការផ្តល់សេវា ការបដិសណ្ឋារកិច្ច អនាម័យចំណីអាហារ អនាម័យបរិស្ថាន គ្រប់គ្រងការរក្សាតម្លៃសមរម្យ និងការងារទប់ស្កាត់ជំងឺកូវីដ ដើម្បីស្រូបទាញកំណើនទេសចរ។
ជាមួយកំណើនភ្ញៀវទេសចរនេះ អាជ្ញាធរខេត្ត បានគ្រប់គ្រងលើតម្លៃទំនិញ ឬចំណីអាហារ ដោយពុំឱ្យមានការឡើងថ្លៃឡើយ ពិសេសនៅក្នុងឱកាសបុណ្យទាននានា និងបានចុះណែនាំផ្ទាល់ដល់ប្រតិបត្តិករ អាជីវករ ឱ្យបានជ្រាបអំពីបញ្ហានេះ។
ប្រធានមន្ទីរទេសចរណ៍ខេត្តកំពត មើលឃើញថា ភ្ញៀវនឹងកើនឡើងកាន់តែខ្លាំងនៅឆ្នាំ ២០២៣ ពិសេសភ្ញៀវបរទេស ដោយសារកំណើននៅឆ្នាំនេះកើនឡើងជាង ១០០% បើធៀបនឹងឆ្នាំ ២០២១ ដូច្នេះ ឆ្នាំ ២០២៣ ភ្ញៀវនឹងបន្តកើនឡើងថែមទៀត៕
-
ព័ត៌មានជាតិ៧ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ២ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ១ សប្តាហ៍ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៧ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ១ សប្តាហ៍ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
កីឡា៣ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ព័ត៌មានជាតិ៦ ថ្ងៃ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
ជីវិតកម្សាន្ដ២ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»