ព័ត៌មានជាតិ
រាជធានីភ្នំពេញមានបេក្ខជនប្រឡងជាប់និទ្ទេសA ចំនួន២៦៨នាក់
លោក ហែម ស៊ីណារ៉េត ប្រធានមន្ទីរអប់រំយុវជននិងកីឡា រាជធានីភ្នំពេញ បានឱ្យដឹងនៅថ្ងៃទី២៣ធ្នូនេះថា នៅរាជធានីភ្នំពេញ មានបេក្ខជនប្រឡងជាប់ចំនួន១៤៦១៥នាក់ ស្រី៧៨៣៧នាក់ ស្មើនឹង៦៤,៧១% នៃបេក្ខជនមកប្រឡងសរុបចំនួន២២៥៨៤នាក់ស្រី១១០៥៨នាក់។
លោកប្រធានមន្ទីរបានបន្តថា ក្នុងចំណោមបេក្ខជនប្រឡងជាប់១៤៦១៥នាក់ ក្នុងនោះបេក្ខជនជាប់និទ្ទេសA មានចំនួន២៦៨នាក់ ស្រី១៣៧នាក់ និទ្ទេសB ចំនួន១៣៣៥នាក់ស្រី៧៧៨នាក់ និទ្ទេសC មានចំនួន២៨៧០នាក់ស្រី១៦៩៩នាក់ និទ្ទេសD មានចំនួន៤៦៦៦នាក់ស្រី២៤៩៧នាក់និងនិទ្ទេស Eមានចំនួន៥៤៧៦នាក់ស្រី២៧២៦នាក់។
លោកប្រធានមន្ទីរបានបន្តថា ចំនួនបេក្ខជនប្រឡងជាប់ឆ្នាំនេះខ្ពស់ជាងឆ្នាំ២០២១ដែលមានបេក្ខជនប្រឡងជាប់ចំនួន១១៤៨៤នាក់ ស្មើនឹង៥៨,៣២ភាគរយ ធ្លាក់៩២៣៦នាក់ ក្នុងចំណោមបេក្ខជនចូលរួមប្រឡង១៩៦៩១នាក់។ ក្នុងនោះនិទ្ទេស Aមានចំនួន៥៦៥នាក់ ស្រី៣២៦នាក់ និទ្ទេសB ចំនួន១១៨៤នាក់ ស្រី៦៦១នាក់ និទ្ទេសC មានចំនួន១៨៧២នាក់ ស្រី១១៣១នាក់ និទ្ទេសD មានចំនួន៣២៩២នាក់ ស្រី១៨២១នាក់ និងនិទ្ទេស Eមានចំនួន៤៥៧១នាក់ស្រី២២៣៤នាក់។
លោកប្រធានមន្ទីរបានបន្ថែមថា «លទ្ធផលបាក់ឌុបនៅឆ្នាំនេះឃើញថាល្អប្រសើរមួយដែលយើងឃើញថាចំនួនភាគរយសិស្សប្រឡងជាប់ខ្ពស់ជាងឆ្នាំមុន ដែលបង្ហាញមានលទ្ធផលវិជ្ជមានដោយសារស្ថានភាពកូវីដ១៩បានធូរស្បើយផ្តល់ឱកាសឱ្យសិស្សបានចូលរៀនច្រើនខុសពីបណ្តាឆ្នាំមុនៗ ដែលមានកូវីដ១៩ឆ្លងខ្ពស់សិស្សចូលរៀនបានតិចជាមួយគ្រូ និងរៀនតាមអនឡាញធ្វើឱ្យសិស្សមួយចំនួនរៀនមិនបានពេញលេញ»។
លោកប្រធានមន្ទីរបានបញ្ជាក់ថា ម្យ៉ាងទៀតលទ្ធផលប្រឡងនេះក៏បានបង្ហាញពីការខិតខំប្រឹងប្រែងរៀនសូត្ររបស់សិស្សផងដែរ ព្រោះថាដំណើរការការប្រឡងឆ្នាំនេះក៏មានការត្រួតពិនិត្យយ៉ាងតឹងតែងពីគ្រប់ភាគីពាក់ព័ន្ធពិសេសអង្គភាពប្រឆាំងអំពើពុករលួយ។ ដូចនេះសូមចូលរួមអបអរសាទរចំពោះសិស្សប្រឡងជាប់បាក់ឌុបទាំងអស់។
គួរបញ្ជាក់ថា សម្រាប់លទ្ធផលទូទាំងប្រទេសឆ្នាំនេះ មានបេក្ខជនប្រឡងជាប់ចំនួន៩០៩៥០នាក់ ត្រូវជា៧២,៣៣%នៃបេក្ខជនមកប្រឡងចំនួន១២៥៧៣៥នាក់ កើនឡើងជាងឆ្នាំមុនដែលមានត្រឹមជាង៦៥%ប៉ុណ្ណោះ។ ក្នុងនោះមានបេក្ខជនជាប់និទ្ទេសAចំនួន ១០៤៩នាក់និទ្ទេសB ចំនួន៧២៣២នាក់ និទ្ទេស C ចំនួន១៩០៥៣នាក់និទ្ទេស D ចំនួន៣១១៦៦នាក់និង និទ្ទេសEមានចំនួន៣២៤៥០នាក់៕
អត្ថបទ៖ សំអឿន
-
ព័ត៌មានជាតិ១៩ ម៉ោង ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានអន្ដរជាតិ៤ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានអន្ដរជាតិ១ សប្តាហ៍ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
កីឡា៤ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៣ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
ព័ត៌មានជាតិ១ សប្តាហ៍ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
សន្តិសុខសង្គម៦ ថ្ងៃ ago
បឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)
-
ជីវិតកម្សាន្ដ៦ ថ្ងៃ ago
រូបថតលិខិតឆ្លងដែនរបស់ Janie ត្រូវគេសរសើរព្រោងព្រាត ទោះមិនមានការតុបតែងមុខ