ព័ត៌មានជាតិ
ចំណូលវិស័យសាធារណការកើនពី ២ លានដុល្លារ ដល់ ៤០ លានដុល្លារ ក្នុងមួយឆ្នាំ
លោកទេសរដ្ឋមន្ត្រី ស៊ុន ចាន់ថុល រដ្ឋមន្ត្រីក្រសួងសាធារណការនិងដឹកជញ្ជូនបានលើកឡើងថា ការដាក់ឱ្យអនុវត្តប្រព័ន្ធអនឡាញទៅលើសេវាសាធារណៈដូចជាចុះបញ្ជីយានយន្ត ត្រួតពិនិត្យលក្ខណៈបច្ចេកទេសឬហៅថា «ឆៀក» និងផ្ទេរកម្មសិទ្ធិយានយន្ត ប្តូរនិងពន្យារបណ្ណបើកបរជាដើម បានជួយឱ្យក្រសួងរកចំណូលបានជាង ៤០ លានដុល្លារអាមេរិក ក្នុង១ឆ្នាំចូលសេដ្ឋកិច្ចជាតិ។
នៅក្នុងដាក់ឱ្យដំណើរការជាផ្លូវការមណ្ឌលឆៀកស្ថិតនៅផ្សារដីហុយ សង្កាត់សែនសុខ ខណ្ឌសែនសុខ រាជធានីភ្នំពេញ កាលពីពេលថ្មីៗនេះ លោកទេសរដ្ឋមន្ត្រីបានបន្តថា កាលពីមិនទាន់ដាក់ឱ្យប្រជាពលរដ្ឋចូលប្រើប្រាស់ប្រព័ន្ធអនឡាញ សម្រាប់វិស័យសាធារណការ ចំណូលបានមកពីសេវាសាធារណៈរកបានត្រឹមតែប្រមាណ ២ លានដុល្លារក្នុង ១ ឆ្នាំតែប៉ុណ្ណោះ។
លោកទេសរដ្ឋមន្ត្រីបានបន្តទៀតថា «ការបង្កើតប្រព័ន្ធអនឡាញ មិនត្រឹមតែជួយឱ្យក្រសួងរកចំណូលបានចូលក្នុងថវិកាជាតិនោះទេ ថែមទាំងផ្តល់ភាពងាយស្រួល រហ័ស និងចំណេញពេលវេលា សំដៅបញ្ឈប់ការចំណាយក្រៅផ្លូវនៅតាមកន្លែងផ្តល់សេវានីមួយៗ»។
ជាមួយគ្នានេះដែរ លោកទេសរដ្ឋមន្ត្រីបានបបន្ថែមថា ក្រសួងកំពុងខិតខំប្រឹងប្រែងរិះរកនីតិវិធីធ្វើការងារឱ្យកាន់តែមានគុណភាព ប្រសិទ្ធភាព តម្លាភាព និងធ្វើការឱ្យកាន់តែប្រសើរជាងមុន ដើម្បីបម្រើសេវាជូនប្រជាពលរដ្ឋប្រកបដោយការទទួលខុសត្រូវខ្ពស់ ខណៈរាជរដ្ឋាភិបាលកំពុងខិតខំអភិវឌ្ឍន៍ផ្លូវថ្នល់ ស្ពាន និងហេដ្ឋារចនាសម្ព័ន្ធបម្រើឱ្យការដឹកញ្ជូន និងការធ្វើដំណើរឱ្យកាន់តែសម្បូរបែបនៅទូទាំងប្រទេស៕
អត្ថបទ៖ សំអឿន
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ១៨ ម៉ោង ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
សន្តិសុខសង្គម១ សប្តាហ៍ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ព័ត៌មានជាតិ៦ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ១ សប្តាហ៍ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង