ព័ត៌មានជាតិ
សម្ដេចតេជោ ហ៊ុន សែន ចង់ឲ្យមានការធ្វើសមយុទ្ធរួមគ្នារវាងកម្ពុជា-ថៃ ដើម្បីទប់ស្កាត់គ្រោះមហន្ដរាយនានា
សម្ដេចតេជោ ហ៊ុន សែន នាយករដ្ឋមន្ត្រីនៃកម្ពុជា លើកឡើងថា សម្ដេច ចង់ឲ្យមានកិច្ចព្រមព្រៀងធ្វើសមយុទ្ធរួមគ្នា រវាងប្រទេសកម្ពុជា និងប្រទេសថៃ ដើម្បីសហការគ្នាទប់ស្កាត់ទៅលើបញ្ហាភ្លើងឆេះព្រៃ គ្រោះទឹកជំនន់ និងគ្រោះមហន្ដរាយធម្មជាតិផ្សេងទៀត។
ការលើកឡើងខាងលើនេះ គ្រាដែលសម្ដេចតេជោ ហ៊ុន សែន បានអនុញ្ញាតឲ្យលោក ឆឺតកៀត អាត់ថាក័រ ឯកអគ្គរាជទូតថ្មីរបស់ថៃ ចូលជួបសម្ដែងការគួរសម និងពិភាក្សាការងារ កាលពីព្រឹកថ្ងៃទី ២០ ខែមករា ឆ្នាំ ២០២៣។
លោក ស្រ៊ី ថាមរ៉ុង រដ្ឋមន្ត្រីប្រតិភូអមនាយករដ្ឋមន្ត្រី មានប្រសាសន៍ប្រាប់ក្រុមអ្នកសារព័ត៌មានថា នៅក្នុងជំនួបនេះ លោកឯកអគ្គរាជទូតថ្មីរបស់ថៃ បានកោតសរសើរ និងវាយតម្លៃខ្ពស់ ចំពោះភាពរីកចម្រើនយ៉ាងឆាប់រហ័សរបស់កម្ពុជា លើគ្រប់វិស័យ ក្រោមការដឹកនាំដោយសម្ដេចតេជោ ហ៊ុន សែន នាយករដ្ឋមន្ត្រី។
លោក ឆឺតកៀត អាត់ថាក័រ ក៏បានសន្យាថា នឹងខិតខំព្យាយាមបំពេញការងារ ក្នុងនាមឯកអគ្គរាជទូតថ្មីរបស់ថៃ ដើម្បីជំរុញទំនាក់ទំនងរវាងប្រទេសទាំងពីរ កម្ពុជា-ថៃ ឲ្យកាន់តែរីកចម្រើន និងរឹងមាំថែមទៀត។
ជាការឆ្លើយតប សម្ដេចតេជោ ហ៊ុន សែន នាយករដ្ឋមន្ត្រី បានសម្ដែងក្ដីរីករាយ ចំពោះទំនាក់ទំនងខាងវិស័យសេដ្ឋកិច្ច ពាណិជ្ជកម្ម រវាងប្រទេសទាំងពីរ ដែលការកើនឡើងគួរឲ្យកត់សម្គាល់ ទោះបីជាមានការរាតត្បាតជំងឺកូវីដ-១៩ ក៏ដោយ។
នៅក្នុងឱកាសនោះដែរ សម្ដេចតេជោ ហ៊ុន សែន បានសម្ដែងការសោកស្ដាយ ចំពោះឧបទ្ទេវហេតុឆេះកាស៊ីណូ នៅក្រុងប៉ោយប៉ែត កាលពីពេលថ្មីៗនេះ ដែលបានបណ្ដាលឲ្យប្រជាជនថៃមួយចំនួន ទទួលរងគ្រោះថ្នាក់ដល់អាយុជីវិត។
សម្ដេចតេជោ ហ៊ុន សែន ចាត់ទុកឧបទ្ទេវហេតុនោះជាបទពិសោធន៍មួយ ហើយសម្ដេចចង់ឲ្យមានកិច្ចព្រមព្រៀងសមយុទ្ធឆ្លងដែនរវាងប្រទេសទាំងពីរ ដើម្បីសហការគ្នាទប់ស្កាត់ទៅលើបញ្ហាភ្លើងឆេះព្រៃ គ្រោះទឹកជំនន់ និងគ្រោះមហន្ដរាយធម្មជាតិផ្សេងទៀត។ បន្ថែមពីលើនេះ សម្ដេចតេជោនាយករដ្ឋមន្ត្រី ក៏បានជំរុញឲ្យមានការដោះមីននៅតាមព្រំដែន ដើម្បីធានាសុវត្ថិភាពរបស់ប្រជាជន នៃប្រទេសទាំងពីរ ផងដែរ៕
-
កីឡា១ សប្តាហ៍ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៦ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ២ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ៧ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៦ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ១ សប្តាហ៍ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានជាតិ៥ ថ្ងៃ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
កីឡា២ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត