ព័ត៌មានជាតិ
ផ្លូវបេតុងមួយខ្សែកំពុងស្ថាបនាត្រូវបានដាក់បញ្ចូលទៅក្នុងសូចនាករប្រណាំងទីក្រុងស្អាត
ផ្លូវបេតុងលេខ ៧៤ នៅក្នុងភូមិថ្មី ក្រុងស្ទឹងត្រែងតភ្ជាប់ពីព្រះរាជដំណាក់ស្តេចទៅដល់ផ្លូវចេញទៅស្ពានមេគង្គត្រូវបានអាជ្ញាធរខេត្តសម្រេចស្ថាបនាជាផ្លូវបេតុងថ្មីនៅដើមឆ្នាំ ២០២៣នេះ ដើម្បីដាក់បញ្ចូលទៅក្នុងសូចនាករចូលរួមប្រកួតប្រជែងទីក្រុងស្អាតឱ្យទទួលបានចំណាត់ថ្នាក់ល្អ។
លោក សាយ កុសល អភិបាលក្រុងបានបញ្ជាក់ថា៖ ផ្លូវបេតុងកំពុងស្ថាបនានេះមានប្រវែង ១ ៨០០ ម៉ែត្រ ទទឹង៩ម៉ែត្រ ត្រូវបានស្ថាបនាថ្មីធំជាងផ្លូវចាស់តភ្ជាប់ពីព្រះរាជដំណាក់ស្តេចទៅដល់ផ្លូវចេញទៅស្ពានមេគង្គ ភ្ជាប់នឹងផ្លូវលេខ ០៩ ឆ្ពោះទៅខេត្តព្រះវិហារ។
លោកអភិបាលក្រុងបន្ថែមថា៖ នេះជាសមិទ្ធផលថ្មីមួយទៀតនៅដើមឆ្នាំ ២០២៣ ដែលអាជ្ញាធរខេត្តស្ទឹងត្រែងរៀបចំទីក្រុងឱ្យកាន់តែមានសោភ័ណភាព ដើម្បីត្រៀមលក្ខណៈចូលរួមប្រគួតប្រជែងទីក្រុងស្អាត ហើយប្រជាពលរដ្ឋបានងាយស្រួលធ្វើចរាចរណ៍ទៅមកផង ព្រោះផ្លូវនេះត្រូវបានពង្រីកធំជាងមុន និងមានគុណភាពរឹងមាំ ប្រើប្រាស់បានយូរអង្វែង។
លោក នូ វណ្ណ ប្រធានបច្ចេកទេសស្ថាបនាផ្លូវបេតុងនេះបានបញ្ជាក់ថា៖ ផ្លូវមួយខ្សែនេះនឹងបញ្ចាប់ការសាងសង់នៅថ្ងៃទី ៣០ ខែមករានេះ ដូចនេះសូមបងប្អូនអ្នកប្រើប្រាស់ផ្លូវទាំងអស់ ត្រូវជួយសម្អាតបរិស្ថាន ហើយអ្នកមានរថយន្តធំដឹកទិនិញ ត្រូវចូលរួមគោរពតាមការណែនាំរបស់មន្ត្រីជំនាញ ដើម្បីយើងរួមចំណែកថែរក្សាគុណភាពផ្លូវ សម្រាប់ធ្វើចរាចរណ៍បានយូរអង្វែង។
លោកស្រី សុវណ្ណ លីដា ប្រជាពលរដ្ឋនៅភូមិថ្មីបានអះអាងថា៖ ផ្លូវមួយខ្សែនេះជាផ្លូវដែលសាងសង់ឡើងកាលពីសម័យទស្សវត្សរ៍ ៦០មកម្លេះ មានស្ថានភាពតូចចង្អៀតខូចស្ទើរទាំងស្រុង បង្កភាពលំបាកក្នុងការធ្វើចរាចរណ៍ បច្ចុប្បន្នបានអាជ្ញាធរខេត្តធ្វើថ្មីធំល្អ ប្រជាពលរដ្ឋពេញចិត្ត ព្រោះមានសោភ័ណភាពនៅតាមមុខផ្ទះ ហើយបងប្អូននឹងនាំគ្នាជួយថែរក្សា និងសម្អាតបរិស្ថានទាំងអស់គ្នា។
សូមបញ្ជាក់ថា៖ ផ្លូវបេតុងប្រវែង ១ ៨០០ ម៉ែត្រនេះជាផ្លូវខ្សែទី ៣ រាប់ពីរង្វង់មូលធំក្នុងក្រុងស្ទឹងត្រែង មកប៉ែកខាងលិច ត្រូវបានដាក់បញ្ចូលទៅក្នុងសូចនាករទីក្រុងស្អាត ធ្វើឱ្យទីប្រជុំជនក្រុងមានសោភ័ណភាព និងជាផ្នែកមួយបានទាក់ទាញភ្ញៀវទេចរផងដែរ៕
អត្ថបទ៖ ងិន លីម
-
ព័ត៌មានជាតិ២ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានអន្ដរជាតិ៥ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ២ ម៉ោង ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
កីឡា៦ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៤ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
សន្តិសុខសង្គម១ ថ្ងៃ ago
សមត្ថកិច្ចស្រុកស្វាយលើ ឃាត់ខ្លួនប្តីប្រពន្ធ ១គូសង្ស័យរួមគំនិតសម្លាប់កូនខ្លួនឯង អាយុទើបតែ ២២ខែ
-
សន្តិសុខសង្គម៩ ម៉ោង ago
បឋម៖ អគ្គិភ័យកំពុងឆេះផ្ទះពលរដ្ឋក្នុងបុរីពិភពថ្មីកំបូល
-
សន្តិសុខសង្គម១ សប្តាហ៍ ago
បឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)