ព័ត៌មានជាតិ

ស្រុក ៤ ជាប់ដងទន្លេខេត្តក្រចេះ មានដរចម្លង ១២ កន្លែង ពលរដ្ឋធ្វើដំណើរទៅមក

បានផុស

១ year មុន

នៅ

ថ្ងៃអង្គារ ២១ កុម្ភៈ ២០២៣

ដោយ

ខេត្តក្រចេះ គឺខេត្តមួយដែលមានភូមិសាស្ត្រជាប់នឹងដងទន្លេមេគង្គ ចាប់ពីព្រំប្រទល់ខេត្តស្ទឹងត្រែង ដល់ខេត្តកំពង់ចាម និងខេត្តត្បូងឃ្មុំ។ ដោយសារភូមិសាស្រ្តខណ្ឌចែកដោយទន្លេ ពលរដ្ឋតាមតំបន់មួយចំនួនរស់នៅសងខាងដងទន្លេទាំងត្រើយខាងកើតនិងខាងលិច ត្រូវពឹងអាស្រ័យលើការប្រើប្រាស់ទូកដរចម្លងសម្រាប់ធ្វើដំណើរទៅមក។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

បើតាមប្រធានមន្ទីរសាធារណការខេត្តក្រចេះបានបញ្ជាក់ថា ខេត្តក្រចេះបច្ចុប្បន្នមានដរចម្លងចំនួន ១២ កន្លែងដែលមានទីតាំងនៅតាមបណ្តាស្រុកជាប់ដងទន្លេដូចជាស្រុកឆ្លូង ព្រែកប្រសព្វ ចិត្របុរី ក្រុងក្រចេះ និងស្រុកសំបូរ។

កំពង់ដរទាំង ១២ កន្លែង ដែលកំពុងធ្វើអាជីវកម្មនៅខេត្តក្រចេះមានឈ្មោះដូចជា៖

ស្រុកសំបូរ

-សំបូរ-កន្ទុយកោះរងាវ
-ក្បាលស្ពានកាកុត-វឌ្ឍនៈ

ស្រុកចិត្របុរី-ព្រែកប្រសព្វ

-ឬស្សីចារ-កែង
-តាលុះ-ព្រែកប្រលូង
-ព្រែកតាថឹង-កោះច្រែង
-កោះច្រែង-ព្រែកប្រសព្វ

ក្រុងក្រចេះ

-ក្រចេះ-កោះទ្រង់

ស្រុកឆ្លូង-ព្រែកប្រសព្វ

-ព្រែកសាម៉ាន់-ដីដុះ
-ឆ្លូង-កំពង់គរ
-ពង្រ-កោះតាស៊ុយ
-តាម៉ៅ-កោះតាស៊ុយ
-ព្រែកតាហ៊ុប-ភ្នំសុពណ៌កាឡី

ខេត្តក្រចេះ ក៏ដូចជាពលរដ្ឋខេត្តក្រចេះទាំងមូលទទួលបានកាដូរជាប្រវត្តិសាស្ត្រនូវស្ពានឆ្លងកាត់ទន្លេមេគង្គ ដែលទើបបើកការដ្ឋានសាងសង់កាលពីដើមឆ្នាំនេះ ហើយក៏ជាស្ពានឆ្លងកាត់ទន្លេទីមួយរបស់ខេត្តជាប់ទន្លេមួយនេះ៕

អត្ថបទ៖ វិធិន