ស្ថាប័នជាតិ​ចំនួន១ និងខេត្តចំនួន១០ បានបញ្ចប់ការប្រកាស​ទ្រព្យ​សម្បត្តិ​រួច ១០០ភាគរយ – Kampuchea Thmey Daily
Connect with us

ព័ត៌មានជាតិ

ស្ថាប័នជាតិ​ចំនួន១ និងខេត្តចំនួន១០ បានបញ្ចប់ការប្រកាស​ទ្រព្យ​សម្បត្តិ​រួច ១០០ភាគរយ

Published

on

អង្គភាពប្រឆាំងអំពើពុករលួយ (ACU) បានឲ្យដឹងថា នាយកដ្ឋានប្រកាសទ្រព្យសម្បត្តិ និងបំណុលនៅថ្ងៃពុធ ទី១៣ ខែមករា ឆ្នាំ២០២១ បានទទួលឯកសារប្រកាសទ្រព្យសម្បត្តិ និងបំណុលចំនួន៦៣០ច្បាប់។

បើតាម ACU មកដល់ពេលនេះ ក្រសួង-ស្ថាប័នចំនួន១ និងខេត្តចំនួន១០ បានបញ្ចប់ការប្រកាសរបស់ខ្លួន១០០ភាគរយហើយ រួមមាន ១. គណៈកម្មាធិការជាតិរៀបចំការបោះឆ្នោត(គ.ជ.ប) ២. ខេត្តឧត្តរមានជ័យ ៣. ខេត្តសៀមរាប ៤. ខេត្តត្បូងឃ្មុំ ៥. ខេត្តកំពង់ឆ្នាំង ៦. ខេត្តក្រចេះ ៧. ខេត្តកំពង់ចាម ៨. ខេត្តកែប ៩. ខេត្តតាកែវ ១០. ខេត្តស្វាយរៀង និង១១. ខេត្តកំពង់ធំ។

អង្គភាពប្រឆាំងអំពើពុករលួយអះអាងថា ជារួមឯកសារប្រកាសទ្រព្យសម្បត្តិ និងបំណុល ដែលទទួលបានមានចំនួនសរុប២០,៨៨៧ច្បាប់។

សូមបញ្ជាក់ថា ការទទួលឯកសារប្រកាសទ្រព្យសម្បត្តិ និងបំណុល តាមរបប២ឆ្នាំ គឺចាប់ពីថ្ងៃទី០១ ដល់ថ្ងៃទី៣០ ខែមករា ឆ្នាំ២០២១ ហើយក្រុមការងារនាយកដ្ឋានប្រកាសទ្រព្យសម្បត្តិ និងបំណុល ចាំទទួលឯកសារ៧ថ្ងៃ ក្នុង១សប្តាហ៏ ដោយមិនឈប់សំរាកថ្ងៃសៅរ៍ និងថ្ងៃអាទិត្យ និងថ្ងៃបុណ្យទេ ចាប់ពីម៉ោង៨ ព្រឹកដល់ម៉ោង៥ល្ងាច៕

កោះកែវ

ចុច Like Facebook កម្ពុជាថ្មី

ព័ត៌មានពេញនិយម