ព័ត៌មានជាតិ
គូស្នេហ៍មួយគូចាក់សាំងដុតខ្លួនឯងក្នុងបន្ទប់ផ្ទះសំណាក់ ដោយសារវិបត្តិស្នេហា
(ខេត្តស្វាយរៀង)៖ យុវជន យុវតីដែលជាគូសង្សារនឹងគ្នា បានសម្រេចចិត្តចាក់សាំងដុតខ្លួនឯងបណ្តាលឱ្យបាត់បង់ជីវិតទាំងពីរនាក់ នៅក្នុងបន្ទប់ផ្ទះសំណាក់មួយកន្លែង នៅខេត្តស្វាយរៀង។
ហេតុការណ៍នេះបានកើតឡើងកាលពីវេលាម៉ោង៧និង៤០នាទីព្រឹក ថ្ងៃទី២៧ ខែកុម្ភៈ ឆ្នាំ២០២៣ នៅត្រង់ចំណុចផ្ទះសំណាក់យីហោ ៧៧៧៧ ស្ថិតក្នុងភូមិតាណែង ឃុំសង្កែ ស្រុករំដួល ខេត្តស្វាយរៀង។
យោងតាមលោក មាស ធួក អធិការនគរបាលស្រុករំដួល បានឱ្យដឹងថា បុរសដែលស្លាប់មានឈ្មោះ វ៉ន ញ៉ាញ់ ភេទប្រុស អាយុ៣២ឆ្នាំ មានទីលំនៅភូមិថ្មី ឃុំស្វាយចេក ស្រុករំដួល និងនារីឈ្មោះ អាន ចិន្តា ភេទស្រី អាយុ១៧ឆ្នាំ មានទីលំនៅភូមិព្រែកពក ឃុំថ្នាធ្នង់ ស្រុករំដួល។
លោកអធិការបន្តថា ក្រោយពីសមត្ថកិច្ចបានទទួលព័ត៌មានពីប្រជាពលរដ្ឋថា នៅត្រង់ចំណុចផ្ទះសំណាក់ ៧៧៧៧ មានអគ្គិភ័យមួយកើតឡើង កម្លាំងជំនាញបច្ចេកទេសស្រុក បានសហការជាមួយជំនាញខេត្ត និងលោកវេជ្ជបណ្ឌិត នៃមន្ទីពេទ្យបង្អែកសាមគ្គីរំដួល ដោយមានការសម្របសម្រួលពីលោក បូរា អង្គប្រទាន ព្រះរាជអាជ្ញារងសាលាដំបូងខេត្តស្វាយរៀង ចុះដល់កន្លែងកើតហេតុ ដើម្បីពិនិត្យ នៅបន្ទប់លេខ១៩ ក្នុងផ្ទះសំណាក់ខាងលើ។
ប្រភពបន្តថា ក្រោយពិនិត្យរួចសមត្ថកិច្ចបានសន្និដ្ឋានថា សាកសពអ្នកទាំងពីរស្លាប់ដោយសារធ្វើអត្តឃាតចាក់សាំងដុតខ្លួនឯង មូលហេតុមានវិបត្តិស្នេហា។
តាមការបំភ្លឺរបស់ឈ្មោះ ជំ ស៊ីថា ភេទប្រុស អាយុ៤៨ឆ្នាំ ជាម្ចាស់ផ្ទះសំណាក់បានឱ្យដឹងថា នៅថ្ងៃទី២៦ ខែកុម្ភៈ ឆ្នាំ២០២៣ វេលាម៉ោង៦ល្ងាច មានមនុស្សប្រុសស្រី២នាក់ បានជិះម៉ូតូមួយគ្រឿងមកជួលបន្ទប់លេខ ១៩របស់ខ្លួន ដើម្បីសម្រាក១យប់ រហូតដល់ម៉ោង៧និង៣០នាទីព្រឹក ស្រាប់តែមានភ្លើងឆេះចេញពីបន្ទប់ដែលអ្នកទាំងពីរជួល ទើបបង្កការភ្ញាក់ផ្អើលតែម្តង។
ក្រោយធ្វើកោសល្យវិច្ឆ័យរួចរាល់សាកសពត្រូវបានសមត្ថកិច្ចប្រគល់ឱ្យក្រុមគ្រួសារយកទៅធ្វើបុណ្យតាមប្រពៃណី៕
ដោយ:ភក្ដី
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សេដ្ឋកិច្ច១ សប្តាហ៍ ago
តាសក់ផ្អែម ៥ តោន របស់ កសិករម្នាក់ លក់ចេញអស់ ក្រោយសហគមន៍កសិកម្មជួយរកទីផ្សារ
-
ព័ត៌មានអន្ដរជាតិ១ សប្តាហ៍ ago
នាឡិកា ៦ គ្រឿងរបស់កូនពៅសេដ្ឋី ឥណ្ឌា ដែលខំសន្សំទុក មានមួយមេ Facebook ទាក់ចិត្តខ្លាំង
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៧ ថ្ងៃ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៤ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ