ព័ត៌មានជាតិ

គ.ជ.គ.ម ចុះអនុស្សរណៈ ជាមួយអង្គការជំនួយរបស់វិហារដាណឺម៉ាក លើការគ្រប់គ្រងគ្រោះមហន្តរាយ

Published

3 months ago

January 15, 2021

គណៈកម្មាធិការជាតិគ្រប់គ្រង គ្រោះមហន្តរាយ (គ.ជ.គ.ម) និងអង្គការជំនួយរបស់វិហារដាណឺម៉ាកប្រចាំនៅកម្ពុជា បានចុះអនុស្ស រណៈរួមគ្នា លើការងារគ្រប់គ្រងគ្រោះមហន្តរាយ នៅកម្ពុជា។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ពិធីចុះអនុស្សារណៈនេះ បានធ្វើឡើងនាព្រឹកថ្ងៃទី១៥ ខែមករា ឆ្នាំ២០២១ ក្រោមអធិបតីភាព លោក ហង្ស សាមឿន អនុប្រធានគណៈកម្មាធិការជាតិគ្រប់គ្រង គ្រោះមហន្តរាយ តំណាងឱ្យលោកទេសរដ្ឋមន្ត្រី គន់ គីម អនុប្រធានទី១គណៈកម្មាធិការជាតិ គ្រប់គ្រងគ្រោះមហន្តរាយ និងលោកស្រី គ្រីស្ទីន រ៉ាស្មូសិន្គ នាយិកាអង្គការជំនួយរបស់ វិហារដាណឺម៉ាក ប្រចាំកម្ពុជា។

ភាគីទាំងពីរ បានជំរុញ និងអភិវឌ្ឍកិច្ចសហប្រតិបត្តិការក្នុងវិស័យកាត់បន្ថយហានិភ័យគ្រោះមហន្តរាយ និងការឆ្លើយតបជាបន្ទាន់នៅកម្ពុជា ក្នុងពេលមានគ្រោះមហន្តរាយកើតឡើងដោយធម្មជាតិ និងមនុស្សបង្កឡើង និងធ្វើតាមច្បាប់វិធានបទបញ្ជា និងគោលនយោបាយជាតិជាធរមាន។

លោក ហង្ស សាមឿន អនុប្រធានគណៈកម្មាធិការជាតិគ្រប់គ្រង គ្រោះមហន្តរាយ បានថ្លែងអំណរគុណយ៉ាងជ្រាលជ្រៅដល់អង្គការជំនួយរបស់វិហារដាណឺម៉ាកនៅកម្ពុជា ដែលកន្លងមកតែងតែជួយគាំទ្រ និងកិច្ចសហការជាមួយរាជរដ្ឋាភិបាល និងជាពិសេសសហការរវាងគណៈកម្មាធិការជាតិគ្រប់គ្រងគ្រោះមហន្តរាយ ជាបន្តបន្ទាប់លើការងារគ្រប់គ្រងគ្រោះមហន្តរាយ និងចូលរួមលើកកម្ពស់ការយល់ដឹង និងបង្កើនសមត្ថភាពអំពីការកាត់បន្ថយហានិភ័យគ្រោះមហន្តរាយ និងការឆ្លើយតបគ្រោះអាសន្នតាមរយៈវេទិកា ការបណ្តុះបណ្តាល សិក្ខាសាលា សារព័ត៌មាន ការប្រាស្រ័យទាក់ទង និងការបោះពុម្ភឯកសារផ្សព្វផ្សាយ ចូលរួមសិក្ខាសាលាពិគ្រោះយោបល់ ស្តីពីគោលនយោបាយ និងសកម្មភាពពាក់ព័ន្ធ នឹងការកាត់បន្ថយហានិភ័យគ្រោះមហន្តរាយ និងការគ្រប់គ្រងគ្រោះមហន្តរាយ៕

អត្ថបទ ៖ សំអឿន