ព័ត៌មានជាតិ
សភាពាណិជ្ជកម្មកម្ពុជា-ក្រុមហ៊ុន កូដីងហ្គេត ចុះ MOU បណ្ដុះបណ្ដាលជំនាញឌីជីថល ក្នុងវិស័យ SMEs
សភាពាណិជ្ជកម្មកម្ពុជា និងក្រុមហ៊ុន កូដីងហ្គេត ថេកណូឡូជីបានចុះ អនុស្សរណៈនៃការយោគយល់គ្នា (MOU) ស្តីពី «កិច្ចសហប្រតិបត្តិការក្នុងការរៀបចំកម្មវិធីបណ្ដុះបណ្ដាលជំនាញឌីជីថលដល់សហគ្រាសធុនតូច និងមធ្យម(SMEs)» ដើម្បីពង្រឹងសមត្ថភាពបនែ្ថមទៀតដល់ម្ចាស់សហគ្រាសទាំងឱ្យធ្វើការស្វែងយល់និងចេះទាញយកអត្ថប្រយោជន៍ពីការប្រើប្រាស់ប្រព័ន្ធបច្ចេកវិទ្យាលើមុខជំនួយរបស់ខ្លួន។
ការអនុស្សរណៈរួមគ្នានេះ ធ្វើឡើងនៅថ្ងៃទី២៧ ខែមីនា ឆ្នាំ២០២៥ នៅមជ្ឈមណ្ឌលអភិវឌ្ឍធុរកិច្ច (BDC) ក្នុងគោលបំណង ផ្ដល់នូវចំណេះដឹងឌីជីថលតាមរយៈវគ្គបណ្ដុះបណ្ដាលនានា ដែលរៀបចំឡើងដោយសភាពាណិជ្ជកម្មកម្ពុជា និងក្រុមហ៊ុន កូដីងហ្គេត ថេកណូឡូជី ក៏ដូចជាលើកកម្ពស់ការយល់ដឹងអំពីការធ្វើអាជីវកម្មដោយប្រើប្រាស់បច្ចេកវិទ្យាថ្មីៗ ជាពិសេសប្រព័ន្ធបញ្ញាសិប្បនិម្មិត (AI) ជូនដល់សហគ្រាសធុនតូច និងមធ្យម ដែលជាសមាជិក សមាជិកា សភាពាណិជ្ជកម្មកម្ពុជា។
មិនតែប៉ុណ្ណោះ តាមរយៈ MOU នេះ ក៏នឹងជំរុញឱ្យមានភាពប្រសើរឡើងនូវផលិតភាព និងលើកកម្ពស់ការប្រកួតប្រជែងសម្រាប់អាជីវកម្មនៅក្នុងប្រទេសកម្ពុជា។ ព្រមទាំង ជាការលើកកម្ពស់សមត្ថភាព និងការអនុវត្តបច្ចេកវិទ្យាឌីជីថលថ្មីៗ ដល់សមាជិក សមាជិកា សភាពាណិជ្ជកម្មកម្ពុជា ដែលជាចលករសំខាន់ក្នុងការជំរុញកំណើនសេដ្ឋកិច្ចកម្ពុជា តាមរយៈការប្រើប្រាស់ជំនាញឌីជីថលក្នុងការដឹកនាំ និងប្រតិបត្តិការអាជីវកម្មរបស់ពួកគេផងដែរ៕
-
ព័ត៌មានជាតិ៦ ថ្ងៃ agoពិធី “រៀបមង្គលការលេង” មួយគូ នៅវត្តបឹងត្រាវ ប្រមូលថវិកាសាងសង់វត្ត អបអរបុណ្យចូលឆ្នាំខ្មែរ
-
ព័ត៌មានជាតិ៥ ថ្ងៃ ago៦ថ្ងៃក្នុងព្រឹត្តិការណ៍ «នគរសង្ក្រាន្ត» មន្ទីរសុខាភិបាលរាជធានីភ្នំពេញ បានពិនិត្យ និងព្យាបាលជូនពលរដ្ឋជាង២ពាន់នាក់
-
ព័ត៌មានអន្ដរជាតិ៣ ថ្ងៃ agoត្រាំ ពន្លះ WSJ ថា ជាសារព័ត៌មានវង្វេងផ្លូវ និងជាកាកសំណល់នយោបាយ
-
ព័ត៌មានជាតិ៧ ថ្ងៃ agoកម្ពុជារឹតបន្តឹង និងទប់ស្កាត់សំណល់អេឡិចត្រូនិក ខណៈអាស៊ីអាគ្នេយ៍កំពុងក្លាយជាគោលដៅថ្មី
-
ព័ត៌មានជាតិ១ សប្តាហ៍ ago៣ ថ្ងៃចូលឆ្នាំថ្មី ខេត្តក្រចេះទទួលទេសចរមកកម្សាន្តប្រមាណ ៦៩ ៩៦២ នាក់ ខណៈព្រែកកាំពីជាគោលដៅទាក់ទាញបំផុត
-
ព័ត៌មានជាតិ៦ ថ្ងៃ agoបដិសេធមិនឱ្យ សម រង្ស៊ី ចូលរួមការជួបជុំសមាគមខ្មែរនៅប៉ារីស គឺដើម្បីបញ្ចៀសការភ្ជាប់ជាមួយបុគ្គលនេះកំពុងជាប់ទោស
-
ព័ត៌មានអន្ដរជាតិ១ សប្តាហ៍ agoវិនិយោគិនបរទេសដកខ្លួនពីទីផ្សារថៃ ខណៈវិបត្តិថាមពលគំរាមកំហែងសេដ្ឋកិច្ច
-
សន្តិសុខសង្គម១៤ ម៉ោង agoតុលាការខេត្តកំពត បង្គាប់ឲ្យឃុំខ្លួនមន្ត្រីនគរបាលដែលគប់កែវស្រាលើអ្នកចាប់ទឹកកកដាក់ពន្ធនាគារ