ព័ត៌មានជាតិ
កម្ពុជា បច្ចុប្បន្នឆ្លងផុតសេដ្ឋកិច្ចផ្គត់ផ្គង់ខ្លួនឯង ទៅជាសេដ្ឋកិច្ចពាណិជ្ជកម្ម
កម្ពុជា បច្ចុប្បន្នបានឆ្លងផុតនូវដំណាក់កាលសេដ្ឋកិច្ចផ្គត់ផ្គង់ខ្លួនឯងហើយ ទៅជាសេដ្ឋកិច្ចពាណិជ្ជកម្ម។ នេះបើតាមការបញ្ជាក់របស់សម្តេចតេជោ ហ៊ុន សែន នាយករដ្ឋមន្រ្តីកម្ពុជា។
សម្តេចបានសង្កត់ធ្ងន់ដូច្នេះថា« ស្អីក៏និយាយដល់ពាណិជ្ជកម្មដែរ ជាក់ស្តែងដូចជា កសិ-ពាណិជ្ជកម្ម ពីមុនប្រជាពលរដ្ឋយើង ផលិតត្រឹមតែមួយចិញ្ចឹមគ្រួសារតែប៉ុណ្ណោះ ប៉ុន្តែឥឡូវនេះផលិត គឺមានតម្រូវការសម្រាប់លក់ដូរនៅលើទីផ្សារ»។
សម្តេចតេជោ បានគូសបញ្ជាក់ទៀតថា កម្ពុជា កំពុងស្ថិតនៅក្នុងដំណាក់កាលនៃសេដ្ឋកិច្ចទីផ្សារ ដោយទីផ្សារនោះបានដើរតួនាទីជាអ្នកកាត់សេចក្តី។
បច្ចុប្បន្នកំណើនសេដ្ឋកិច្ចកម្ពុជា បានលូតលាស់សន្សឹមៗយ៉ាងល្អប្រសើរ ក្រោយវិបត្តិកូវីដ-១៩ ទាំងការផលិតសម្រាប់ផ្គត់ផ្គង់ខ្លួនឯង និងសម្រាប់នាំចេញ។ វិស័យសំខាន់ៗដែលទ្រទ្រង់សេដ្ឋកិច្ចជាតិ រួមមានវិស័យឧស្សាហកម្មកាត់ដេរសម្លៀកបំពាក់ ស្បែកជើង វិស័យទេសចរណ៍ និងវិស័យកសិកម្ម ជាដើម។
សម្តេចលើកឡើងបែបនេះ ក្នុងពិធីប្រគល់សញ្ញាបត្រជូនដល់និស្សិតវិទ្យាស្ថានជាតិពាណិជ្ជសាស្ត្រ (NIB) នៅមជ្ឈមណ្ឌលកោះពេជ្រ នាព្រឹកថ្ងៃទី ៣០ ខែមីនា ឆ្នាំ ២០២៣។
លោកបណ្ឌិត គី សេរីវឌ្ឍន៍ អ្នកជំនាញសេដ្ឋកិច្ចនៃរាជបណ្ឌិត្យសភាកម្ពុជា បានលើកឡើងថា វិស័យកសិកម្ម គឺជាវិស័យយុទ្ធសាស្រ្ត បើទោះជាប្រទេសនោះរីកចម្រើនដល់ណាក៏ដោយ គឺត្រូវតែផលិតស្បៀងសម្រាប់ផ្គត់ផ្គង់ក្នុងស្រុក។ លោកបញ្ជាក់ថា វិស័យកសិកម្មដែលរុញឱ្យមានអាទិភាពមានបី គឺ វិស័យកសិកម្មសម្រាប់បម្រើឱ្យជីវភាពរស់នៅ មានន័យថា ចិញ្ចឹមប្រជាជនទូទៅ, វិស័យកសិកម្មបង្កើនតម្លៃបន្ថែម គឺយកផលិតផលកសិកម្មមកកែច្នៃដើម្បីបង្កើតប្រាក់ចំណូល និងវិស័យកសិកម្មបង្កើតភាពប្រណីត គឺជាកសិកម្មសម្រាប់បម្រើដល់វិស័យទេសចរណ៍។ លោកបណ្ឌិតពន្យល់ថា អ្នកមានលុយគេត្រូវការអាហារធម្មជាតិ អាហារល្អ អាហារឆ្ងាញ់ ដោយផ្តល់អត្ថប្រយោជន៍សម្រាប់អ្នកប្រើប្រាស់ គេនឹងហ៊ានចំណាយលុយយ៉ាងច្រើន ដែលជួយឱ្យវិស័យកសិកម្ម មានការលូតលាស់កាន់តែល្អប្រសើរ៕
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ១៣ ម៉ោង ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
សន្តិសុខសង្គម១ សប្តាហ៍ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៦ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ