ព័ត៌មានជាតិ
អភិបាលខេត្តកណ្ដាល៖ ការបង្កើតរដ្ឋបាលក្រុងអរិយក្សត្រថ្មី នឹងជួយបង្កើនសក្តានុពលផ្នែកសេដ្ឋកិច្ច-សង្គមកាន់តែប្រសើរ
លោក គង់ សោភ័ណ្ឌ អភិបាល នៃគណៈអភិបាលខេត្តកណ្ដាល បានលើកឡើងថា ការបង្កើត និងដាក់ឱ្យដំណើរការរដ្ឋបាលក្រុងអរិយក្សត្រថ្មីនេះនឹងជួយបង្កើនសក្តានុពលផ្នែកសេដ្ឋកិច្ច-សង្គម និងការអភិវឌ្ឍប្រកបដោយចីរភាព។
ថ្លែងក្នុងពិធីប្រកាសដាក់ឱ្យដំណើរការរដ្ឋបាលក្រុងអរិយក្សត្រជាផ្លូវការកាលពីថ្ងៃទី០៣ ខែឧសភា លោកអភិបាលខេត្តបានបន្តថា ជាពិសេសនឹងជួយពង្រឹងនូវការគ្រប់គ្រងរដ្ឋបាលដែនដីការចាត់ចែងដោះស្រាយសំណើ សំណូមពរ និងបញ្ហាប្រឈមនានាឱ្យបានសមស្របទាន់ពេលវេលា និងកាន់តែមានប្រសិទ្ធភាព។
លោកអភិបាលខេត្តបានបន្តទៀតថា ការប្រកាសបង្កើត និងដាក់ឱ្យដំណើរការរដ្ឋបាលក្រុងអរិយក្សត្រ នៃខេត្តកណ្តាល បន្ទាប់ពីរាជរដ្ឋាភិបាលបានសម្រេចបំបែក និងបង្កើតក្រុងអរិយក្សត្រ នៃខេត្តកណ្តាល ដោយកាត់យកឃុំចំនួន៦ពីស្រុកខ្សាច់កណ្តាល គឺឃុំបាក់ដាវ, ឃុំកោះឧញ៉ាតី, ឃុំព្រែកអំបិល ឃុំព្រែកលួង,ឃុំព្រែកតាកូវ និងឃុំស្វាយជ្រុំ និងឃុំចំនួន៥ ទៀត ពីស្រុកល្វាឯម គឺឃុំអរិយក្សត្រ,ឃុំសារិកាកែវ, ឃុំពាមឧញ៉ាអុង, ឃុំព្រែកក្មេង និងឃុំបារុង។
ជាមួយគ្នានេះ លោកអភិបាលខេត្ត ក៏បានជំរុញក្រុមប្រឹក្សាក្រុងអរិយក្សត្រអភិបាលក្រុងអរិយក្សត្រ មន្ត្រីរាជការគ្រប់លំដាប់ថ្នាក់ កងកម្លាំងមានសមត្ថកិច្ច និងប្រជាពលរដ្ឋទូទាំងក្រុងអរិយក្សត្រត្រូវរួបរួមសាមគ្គីសហការគ្នាខិតខំប្រឹងប្រែងយ៉ាងសកម្ម ក្នុងការកសាងនិងការអភិវឌ្ឍក្រុងអរិយក្សត្រ ឱ្យមានការរីកចម្រើនលើគ្រប់វិស័យ។
ក្នុងនោះរួមមានការផ្តល់សេវាសាធារណៈ កិច្ចខិតខំស្វែងយល់ និងដោះស្រាយបញ្ហាប្រឈមនានារបស់ប្រជាពលរដ្ឋ ការថែរក្សាសន្តិសុខសណ្ដាប់ធ្នាប់សាធារណៈ និងសុវត្ថិភាពជូនប្រជាពលរដ្ឋដែលជាការរួមចំណែកដល់ការអភិវឌ្ឍសេដ្ឋកិច្ច-សង្គម និងការលើកកម្ពស់ជីវភាពរស់នៅរបស់ប្រជាពលរដ្ឋក្នុងក្រុងអរិយក្សត្រដែលទើបបំបែក និងបង្កើតថ្មី ជាពិសេស ការយកចិត្តទុកដាក់ចូលរួមយ៉ាងសកម្មនិងប្រកបដោយភាពម្ចាស់ការក្នុងការអនុវត្ត វិធានការរបស់រាជរដ្ឋាភិបាលក្នុងការដោះស្រាយផលប៉ះពាល់ដែលបណ្តាលមកពីវិបត្តិនានានៅក្នុងភូមិសាស្ត្រក្រុងអរិយក្សត្រ នៃខេត្តកណ្តាល របស់យើងទាំងមូល៕
អត្ថបទ៖ សំអឿន
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ១៦ ម៉ោង ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
សន្តិសុខសង្គម១ សប្តាហ៍ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៦ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ