ព័ត៌មានជាតិ
កីឡាការិនីវ៉ូវីណាមកម្ពុជា ២រូបទទួលបានមេដាយច្រើនជាងគេ
សម្រាប់ស៊ីហ្គេម លើកទី៣២ ឆ្នាំ២០២៣ ក្នុងនាមជាម្ចាស់ផ្ទះ ក្រុមអត្តពលិកវ៉ូវីណាមកម្ពុជា ឈរចំណាត់ថ្នាក់លេខ១ ក្នុងតារាងមេដាយមាស បន្ទាប់ពីឈ្នះមេដាយមាស១០គ្រឿង ប្រាក់៨គ្រឿង និងសំរឹទ្ធ៩គ្រឿង។ ក្រោមការខិតខំប្រឹងប្រែងរបស់កីឡាករ-កីឡាការិនីជាច្រើនរូប។ ហើយបើគិតតែ ក្នុងចំណោមកីឡាការិនីកីឡាវ៉ូវីណាមជម្រើសជាតិ កម្ពុជាទាំងអស់ កីឡាការិនី២រូប គឺកីឡាការនី ពៅ សុខា និងកីឡាការិនី ប៉ោ ឆរស្មី ដែលឈ្នះបានមេដាយច្រើនជាងគេ បូករួមទាំងការប្រកួតជាក្រុម និងម្នាក់ឯង។
សូមជម្រាបថា កីឡាការិនីកីឡាវ៉ូវីណាមជម្រើសជាតិកម្ពុជា ពៅ សុខា បានឈ្នះមេដាយចំនួន ៥ ក្នុងនោះរួមមានមេដាយមាសចំនួន៣ មេដាយប្រាក់ចំនួន១ និងមេដាយសំរិទ្ធចំនួន១ ។ ក្នុងចំណោមមេដាយមាស ដែលកីឡាការិនីរូបនេះទទួលបាន គឺរួមមាន៖
– មេដាយមាស ១គ្រឿង បានទៅលើវិញ្ញាសា មេគុនដាវនារី ៥នាក់។
– មេដាយមាស ១គ្រឿង បានទៅលើវិញ្ញាសា បុរស៤នាក់ នារី៣នាក់។
– មេដាយមាស ១គ្រឿង បានទៅលើវិញ្ញាសា សម្តែងស្នៀតការពារខ្លួន ប្រើដាវជាគូ រួមជាមួយកីឡាការិនី សឿ ច័ន្ទលក្ខណា។
– មេដាយសំរឹទ្ធ ១គ្រឿង បានទៅលើវិញ្ញាសាសម្ដែងមេគុណចម្រុះ រួមជាមួយនឹងកីឡាការិនី សុខ នីដានុត និងមេដាយប្រាក់ ១គ្រឿង បានទៅលើវិញ្ញាសាសម្ដែងមេគុនដាវ ផ្នែកនារី។
ចំណែកឯកីឡាការិនីកីឡាវ៉ូវីណាមជម្រើសជាតិកម្ពុជាមួយរូបទៀត ប៉ាល់ ឆរស្មី គឺបានឈ្នះមេដាយមាសចំនួន៤ សំរឹទ្ធចំនួន១ និងមេដាយប្រាក់ចំនួន១ ។ ក្នុងចំណោមមេដាយដែលកីឡាការិនីរូបនេះទទួលបាន ក្នុងការប្រកួតកីឡាវ៉ូរីណាម រួមមាន៖
– មេដាយមាស ១គ្រឿង បានទៅលើវិញ្ញាសាសម្តែងមេគុនកាំបិតធំ។
– មេដាយមាស ១គ្រឿង បានទៅវិញ្ញាសា មេគុនក្រុមដាវនារី ដែលក្នុងនោះមានការចូលរួមដោយកីឡាការិនី ពៅ សុខា, កីឡាការិនី សឿរ ច័ន្ទលក្ខិណា, កីឡាការិនី សុខ នីដានុត និងកីឡាការិនី សុខ សុភី។
– មេដាយមាស ១គ្រឿង បានទៅលើវិញ្ញាសា សម្តែងកូនកាំបិតខ្លី ។
– មេដាយមាស ១គ្រឿង បានទៅលើវិញ្ញាសា សម្ដែងកាំបិតនារី ឯកត្តជន។
– មេដាយសំរឹទ្ធ ១គ្រឿង បានទៅលើវិញ្ញាសា សម្ដែងការពារខ្លួនបុរសម្នាក់ នារីម្នាក់ មានអាវុធ និងទទួលបានមេដាយប្រាក់ លើវិញ្ញាសា ស្នៀតការពារខ្លួន នារីម្នាក់ បុរស៣នាក់ មានអាវុធ រួមជាមួយនឹងកីឡាករ ម៉េត សុភក្រ្តា, កីឡាករ ប្រាក់ សុវណ្ណនី និង កីឡាករជ្រិន ប៊ុនឡុង។
គួរបញ្ជាក់ថា សម្រាប់ការប្រកួតកីឡាវ៉ូវីណាម នៅក្នុងព្រឹត្តិការណ៍កីឡាស៊ីហ្គេម លើកទី៣២នេះ គឺបានចប់សព្វគ្រប់អស់ហើយ កាលពីថ្ងៃទី០៩ ខែឧសភា ឆ្នាំ២០២៣៕
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៣ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សេដ្ឋកិច្ច១ សប្តាហ៍ ago
តាសក់ផ្អែម ៥ តោន របស់ កសិករម្នាក់ លក់ចេញអស់ ក្រោយសហគមន៍កសិកម្មជួយរកទីផ្សារ
-
ព័ត៌មានអន្ដរជាតិ១ សប្តាហ៍ ago
នាឡិកា ៦ គ្រឿងរបស់កូនពៅសេដ្ឋី ឥណ្ឌា ដែលខំសន្សំទុក មានមួយមេ Facebook ទាក់ចិត្តខ្លាំង
-
សន្តិសុខសង្គម៥ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៦ ថ្ងៃ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៤ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៤ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ