ព័ត៌មានជាតិ
លោក ប៉ែន បូណា លើកយកគុណប្រយោជន៍ ៦យ៉ាងរបស់កម្ពុជាក្នុងនាមជាម្ចាស់ផ្ទះស៊ីហ្គេម
លោក ប៉ែន បូណា រដ្ឋលេខាធិការក្រសួងព័ត៌មាន បានលើកឡើងថា ក្នុងនាមកម្ពុជាជាម្ចាស់ផ្ទះកីឡាស៊ីហ្គេម លើកទី៣២នេះ គឺសម្រាប់ប្រទេសជាតិមានអត្ថន័យធំធេងជាអនេក។ លោកបានលើកយក៦ចំណុចសំខាន់ៗដែលកម្ពុជាទទួលបាន។
តាមរយៈទំព័រហ្វេសប៊ុកកាលពីថ្ងៃអង្គារ លោករដ្ឋលេខាធិការក្រសួងព័ត៌មានរូបនេះ បានលើកឡើងថា ទី១ បណ្តុះស្មារតីកូនខ្មែរឲ្យស្រឡាញ់កីឡាកាន់តែខ្លាំងថែមទៀតស្របតាមគោលការណ៍ «មនុស្សម្នាក់លេងកីឡាមួយមុខយ៉ាងតិច»។ វិស័យកីឡាខ្មែរ នឹងកាន់តែរីកចម្រើន ហើយពលរដ្ឋខ្មែរកាន់តែមានសុខភាពល្អ និងកាន់តែយល់អធ្យាស្រ័យគ្នាច្រើនជាងមុន។ ទី២ បណ្តុះមោទកភាពដល់ខ្មែរគ្រប់រូបតាមរយៈការគាំទ្រ លើកទឹកចិត្តយ៉ាងខ្លាំងពីអ្នកគាំទ្រទៅអត្តពលិកជាតិទាំងអារម្មណ៍ក្តុកក្តួលរហូតស្រក់ទឹកភ្នែក ទោះបីជាពួកគេទទួលបានជ័យជម្នះ ឬ មិនបានក៏ដោយ ព្រោះពួកគេបានខិតខំដើម្បីប្រទេសជាតិ។
ទី៣ ទស្សនីយភាពនៅក្នុងថ្ងៃបើកព្រឹត្តិការណ៍ស៊ីហ្គេម បានធ្វើឱ្យពលរដ្ឋខ្មែរភ្ញាក់ផ្អើល និងព្រឺសម្បុរគ្រប់គ្នា។ ដាស់ស្មារតីកូនខ្មែរឱ្យនឹកឃើញពីអតីតកាល ដែលអភិវឌ្ឍន៍រហូតមកដល់បច្ចុប្បន្ន និងអនាគតដោយភាពរុងរឿងក្រោមម្លប់សន្តិភាព។ ចំណុចទី៤ លើកស្ទួយកេរ្តិ៍ឈ្មោះ កិត្យានុភាពប្រទេសនៅលើឆាកអន្តរជាតិ ដែលធ្វើឱ្យបរទេសបានស្គាល់ខ្មែរកាន់តែច្រើនទៀតតាមរយៈព្រឹត្តិការណ៍ប្រវត្តិសាស្ត្រមួយនេះ។ ទី៥ គឺ បង្ហាញពីភាពខ្លាំងពូកែរបស់អត្តពលិកខ្មែរក្នុងការដណ្តើមមេដាយក្នុងវិញ្ញាសារប្រកួតផ្សេងៗ ជាមួយនឹងការអភិវឌ្ឍសមត្ថភាព ក្នុងនាមជាម្ចាស់ផ្ទះបន្ទាប់ពីចាំអស់រយៈពេល ៦៤ឆ្នាំ ដែលបង្ហាញថា ខ្មែរអាចធ្វើបាន។
ចំណុចចុងក្រោយគឺ បង្ហាញពីការទទួលស្វាគមន៍យ៉ាងកក់ក្តៅរបស់កម្ពុជាចំពោះអត្តពលិកបរទេស និងភ្ញៀវអន្តរជាតិ ក្នុងព្រឹត្តិការណ៍ប្រវត្តិសាស្ត្រនេះ ទោះបីជាប្រកួតមានឈ្នះ ឬ ចាញ់ គឺស្របតាមអត្ថន័យ “កីឡារស់ដើម្បីសន្តិភាព សន្តិភាពដើម្បីទាំងអស់គ្នា ទាំងអស់គ្នាដើម្បីសន្តិភាព”។
សូមជម្រាបថា ក្នុងឆ្នាំ២០២៣នេះ កម្ពុជាបានធ្វើជាម្ចាស់ផ្ទះ លើកដំបូងនៃព្រឹត្តិការណ៍ស៊ីហ្គេមលើកទី៣២ និងអាស៊ានប៉ារ៉ាហ្គេមលើកទី១២ ដែលជាព្រឹត្តិការណ៍ប្រវត្តិសាស្រ្តមួយ បន្ទាប់ពីកម្ពុជារងចាំអស់ ៦៤ឆ្នាំ សម្រាប់ធ្វើជាម្ចាស់ផ្ទះ។ ព្រឹត្តិការណ៍ស៊ីហ្គេមលើកទី៣២ រៀបចំឡើងចាប់ពីថ្ងៃទី០៥ ដល់ថ្ងៃទី១៧ ខែឧសភា។ ចំណែក អាស៊ានប៉ារ៉ាហ្គេម លើកទី១២ គឺចាប់ពីថ្ងៃទី ០៣ ដល់ថ្ងៃទី០៩ ខែមិថុនា ឆ្នាំ២០២៣ខាងមុខ៕
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៣ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សេដ្ឋកិច្ច១ សប្តាហ៍ ago
តាសក់ផ្អែម ៥ តោន របស់ កសិករម្នាក់ លក់ចេញអស់ ក្រោយសហគមន៍កសិកម្មជួយរកទីផ្សារ
-
ព័ត៌មានអន្ដរជាតិ១ សប្តាហ៍ ago
នាឡិកា ៦ គ្រឿងរបស់កូនពៅសេដ្ឋី ឥណ្ឌា ដែលខំសន្សំទុក មានមួយមេ Facebook ទាក់ចិត្តខ្លាំង
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៦ ថ្ងៃ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៤ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៤ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ