ព័ត៌មានជាតិ
សមាជិកជាង ១ ពាន់នាក់ទៀត នៅស្រុកសន្ទុកស្ម័គ្រចិត្តចូលរួមជីវភាពនយោបាយជាមួយគណបក្សប្រជាជនកម្ពុជា
សមាជិកសមាជិកាថ្មីចំនួន ១ ៣៤៥ រូបទៀត នៅក្នុងស្រុកសន្ទុក ខេត្តកំពង់ធំបានស្ម័គ្រចិត្តចូលរួមជីវភាពនយោបាយជាមួយគណបក្សប្រជាជនកម្ពុជាក្រោយពីពួកគាត់អស់ជំនឿទៅលើការដឹកនាំរបស់គណបក្សរបស់ខ្លួនរួចមក។
បើតាមលោក ឡង គីសឺង ប្រធានគណៈកម្មាធិការគណបក្សស្រុកសន្ទុកបានឲ្យដឹងថា ចំនួនសមាជិកបក្សថ្មីទាំង ១ ៣៤៥ រូបដែលប្រកាសទទួលស្គាល់នាពេលនេះ មកពីឃុំចំនួន៣គឺឃុំកកោះ ឃុំទីពោ និងឃុំត្បូងក្រពើ។
![](https://www.kampucheathmey.com/wp-content/uploads/2023/05/photo_2023-05-14_08-17-58-1024x682.jpg)
លោកបានបន្តថា នៅក្នុងរយៈពេល ៥ខែដើមឆ្នាំ២០២៣នេះគណបក្សស្រុកសន្ទុកទទួលសមាជិកបក្សថ្មីដែលស្ម័គ្រចិត្តមករួមរស់ក្នុងជីវភាពនយោបាយជាមួយគណបក្សប្រជាជនកម្ពុជាមានចំនួន ៣ ១៤៦ រូប។
ថ្លែងទៅកាន់សមាជិក សមាជិកាថ្មីទាំង ១ ៣៤៥ រូប កាលពីថ្ងៃទី ១៣ ឧសភាឆ្នាំ២០២៣ លោក ស៊ុ សន្និសិទ្ធ សមាជិកគណះកម្មាធិការកណ្ដាលគណបក្សប្រជាជនកម្ពុជានិងប្រធានក្រុមការងារចុះជួយស្រុកសន្ទុកបានស្វាគមន៍យ៉ាងកក់ក្ដៅចំពោះវត្តមានសមាជិកសមាជិកាថ្មីទាំងអស់ដែលបានស្ម័គ្រចិត្តចូលមករួមរស់ជីវភាពនយោបាយជាមួយគណបក្សប្រជាជនកម្ពុជា។
លោកបានចាត់ទុកវត្តរបស់សមាជិកសមាជិកាថ្មីទាំង ១ ៣៤៥ រូប នៅពេលនេះថាជាប្រភពកម្លាំងមួយបន្ថែមទៀតសម្រាប់គណបក្សប្រជាជនកម្ពុជាកាន់តែមានកម្លាំងនិងមានលទ្ធភាពច្រើនថែមទៀតនៅក្នុងការដឹកនាំនិងបន្តបំពេញភារកិច្ចបម្រើប្រទេសជាតិ និងប្រជាជន។
![](https://www.kampucheathmey.com/wp-content/uploads/2023/05/photo_2023-05-14_08-17-57-1024x682.jpg)
លោកបានបន្តទៀតថាការចូលរួមរស់ជីវភាពនយោបាយជាមួយគណបក្សប្រជាជនកម្ពុជារបស់បងប្អូនគឺជាការសម្រេចចិត្តដ៏ត្រឹមត្រូវបំផុត ព្រោះបច្ចុប្បន្ន មិនមានគណបក្សនយោបាយណាមួយមានប្រវត្តតស៊ូនិងមានគោលនយោបាយច្បាស់លាស់ក្នុងការដឹកនាំប្រទេសជាតិនិងរស់នៅជាមួយប្រជាជនយើងគ្រប់កាលៈទេសៈដូចគណបក្សប្រជាជនកម្ពុជាឡើយ។មានតែគណបក្សប្រជាជនកម្ពុជា មួយគត់ដែលមានបទពិសោធន៍ទូលំទូលាយ និងមានភាពចាស់ទុំផ្នែកនយោបាយ ហើយតែងតែដោះស្រាយចំពោះទុក្ខលំបាកផ្សេងៗជូនប្រជាពលរដ្ឋ ហើយក៏មិនដែលទុកប្រជាពលរដ្ឋណាម្នាក់ដែលជួបការលំបាកខ្វះខាតចោលម្ដងណាឡើយ ជាពិសេស សម្តេចតេជោ នាយករដ្ឋមន្ត្រី និងប្រធានគណបក្សតែងតែនៅក្បែរប្រជាពលរដ្ឋ គ្រប់ស្ថានការណ៍ និងគ្រប់ការលំបាក។
នៅក្នុងឱកាសនោះដែរលោកស៊ុ សន្និសិទ្ធ បានរំលឹកដល់សមាជិកបក្សទាំងអស់ថាដើម្បីទទួលបានជ័យជម្នះក្នុងការបោះឆ្នោតជ្រើសតាំងតំណាងរាស្ត្រនីតិកាលទី៧ នៅ ថ្ងៃទី២៣ ខែកក្កដា ឆ្នាំ២០២៣ សមាជិក-សមាជិកាទាំងអស់ត្រូវពង្រឹងសាមគ្គីភាព ឯកភាពផ្ទៃក្នុង និងរចនាសម្ព័ន្ធគណបក្ស ជាពិសេសរចនាសម្ព័ន្ធ យុវជនគណបក្សឃុំ ជាមួយនឹងការកំណត់ពីគោលការណ៍ដឹកនាំ និងតួនាទីភារកិច្ចឱ្យបាន ច្បាស់លាស់ និងអនុវត្តតាមគោលនយោបាយរួមរបស់គណបក្សឱ្យមានប្រសិទ្ធភាព៕
![](https://www.kampucheathmey.com/wp-content/uploads/2023/05/photo_2023-05-14_08-18-00-1024x682.jpg)
![](https://www.kampucheathmey.com/wp-content/uploads/2023/05/photo_2023-05-14_08-18-01-1024x682.jpg)
អត្ថបទ៖ សំអឿន
-
សេដ្ឋកិច្ច៥ ថ្ងៃ ago
ការវិនិយោគរបស់ក្រុមហ៊ុនជប៉ុន កំពុងជួយរុញឱ្យកំណើនសេដ្ឋកិច្ចកម្ពុជាកាន់តែងើបឡើងបន្ថែមទៀត
-
KPT+៦ ថ្ងៃ ago
១០ ប្រទេស កំពូលគ្រោះថ្នាក់ខ្លាំង ចំពោះស្រ្តី
-
ព័ត៌មានជាតិ៣ ថ្ងៃ ago
អ្នកនាំពាក្យទទូចដល់អ្នកប្រើបណ្តាញសង្គមបញ្ឈប់ចែកចាយជាបន្ទាន់ និងលុបចេញរាល់មាតិកាដែលពាក់ព័ន្ធឃាតកម្មឃោរឃៅ
-
ព័ត៌មានជាតិ៥ ថ្ងៃ ago
ក.ប.ប រកឃើញថាឈ្មួញនាំចូលផ្លែទុរេនពីប្រទេសជិតខាង និងមានជ្រលក់ថ្នាំ ហើយលក់បន្លំថាជាទុរេនក្នុងស្រុក
-
ព័ត៌មានជាតិ២ ថ្ងៃ ago
លោក ជួន ណារិន្ទ បញ្ជាឱ្យហៅគ្រូមន្តអាគមយកកាំភ្លើងពោះខ្លួនឯងមកសួរនាំ ទោះសាមីខ្លួនសុំទោសជាសាធារណៈ
-
ព័ត៌មានជាតិ១ សប្តាហ៍ ago
តើឧកញ៉ាមានសិទ្ធិកាន់កាប់ និងប្រើប្រាស់កាំភ្លើង ដែរឬទេ?
-
ព័ត៌មានជាតិ៥ ថ្ងៃ ago
បុរសម្នាក់ ត្រូវសត្វថ្លែនខាំបណ្តាលឱ្យស្លាប់ ក្រោយបញ្ជូនទៅសង្គ្រោះនៅមណ្ឌលសុខភាព
-
កីឡា១ សប្តាហ៍ ago
លោក សួង បញ្ញា ប្រកាសឈប់ពីការបង្ហាត់គុនខ្មែរ និងការងារនៅទទក