ព័ត៌មានជាតិ
លោក ង៉ែត ជូ៖ ក្នុងស្ថានភាពសេដ្ឋកិច្ចមិនសូវល្អ បុគ្គលគ្រប់រូបក៏ដូចជាក្រុមហ៊ុនគួរផ្តោតលើអ្វី?
នៅក្នុងកាលៈទេសៈដែលពិភពលោក កំពុងកើតមានវិបត្តិសេដ្ឋកិច្ច មនុស្សជាច្រើន មានការព្រួយបារម្ភជាពិសេសក្រុមសហគ្រិន និងអ្នកវិនិយោគ។
នៅពេលស្ថានភាពសេដ្ឋកិច្ចមិនសូវល្អ ចំណូលធ្លាក់ចុះ ខ្ញុំសង្កេតឃើញថា មានមនុស្សជាច្រើនហាក់បាត់បង់ភាពស្វាហាប់ មិនហ៊ានវិនិយោគ និងមិនសូវមានចំណាប់អារម្មណ៍ក្នុងការអភិវឌ្ឍចំណេះដឹង និងសមត្ថភាពនោះទេ។ អ្វីដែលពួកគេត្រូវការ គឺការផ្តល់យោបល់ ដើម្បីជួយដោះស្រាយបញ្ហា និងទន្ទឹងរង់ចាំសេដ្ឋកិច្ចត្រឡប់មកសភាពល្អប្រសើរឡើងវិញ។ នេះជាការលើកឡើងរបស់លោក ង៉ែត ជូ ស្ថាបនិកក្រុមហ៊ុន F.I Vision Capital Plc និងជាក្រុមប្រឹក្សាភិបាល នៃក្រុមហ៊ុន DG Academy។
យោងតាមអត្ថបទស្រាវជ្រាវដែលចុះផ្សាយដោយ Harvard Business Review ក្រុមហ៊ុនដែលខ្លាំងបន្ទាប់ពីវិបត្តិសេដ្ឋកិច្ច គឺជាក្រុមហ៊ុនទាំងឡាយណាដែលផ្តោតលើការអភិវឌ្ឍប្រពន្ធ័គ្រប់គ្រង ហេដ្ឋារចនាសម្ព័ន្ធ និងធនធានមនុស្សនៅក្នុងកំឡុងពេលដែលសេដ្ឋកិច្ចមានវិបត្តិ។ ភ្ជាប់ទៅនឹងខ្លឹមសារនៃអត្ថបទស្រាវជ្រាវនេះ លោក ង៉ែត ជូ បានសរសេរនៅលើហ្វេសប៊ុកផ្លូវដូច្នេះ« ខ្ញុំយល់ឃើញថា ក្នុងកំឡុងពេលដែលសេដ្ឋកិច្ចមិនល្អដូចសព្វថ្ងៃ បុគ្គលគ្រប់រូបក៏គប្បីឆ្លៀតឱកាសអភិវឌ្ឍចំណេះដឹង និងសមត្ថភាពឱ្យខ្លាំងប្រសើរជាងដេកទន្ទឹងរង់ចាំសេដ្ឋកិច្ចត្រឡប់មកសភាពល្អវិញ។ ការរង់ចាំសេដ្ឋកិច្ចត្រឡប់មកសភាពល្អវិញ មិនអាចជួយអ្វីដល់យើងបានទេ ប្រសិនបើសមត្ថភាព និងចំណេះដឹងនៅមានកម្រិត»។
អ្នកជំនាញផ្នែកគ្រប់គ្រងហិរញ្ញវត្ថុ និងវិនិយោគរូបនេះ បានបន្តថា ការវិនិយោគទៅលើអ្វីមួយ គឺត្រូវតែឆ្លើយតបទៅនឹងគោលបំណងនៅក្នុងជីវិត ជាជាងការឱ្យតម្លៃខ្លាំងទៅលើភាពកាក់កបនៅក្នុងវិស័យនោះ។ លោកបានពន្យល់ថា មុននឹងចាប់ផ្តើមវិនិយោគ យើងត្រូវយល់ពីវិស័យនេះកម្រិតណា? នឹងដាក់ចិត្តដាក់កាយប្រឡូកអស់មួយជីវិតឬទេ?។ លើសពីនេះទៀត មិនគួរសាកនេះបន្តិច សាកនោះបន្តិច ដោយមិនច្បាស់លាស់អ្វីសោះនោះ នឹងនាំឱ្យបរាជ័យ។
លោក ង៉ែត ជូ បានគូសបញ្ជាក់ថា នៅក្នុងកិច្ចការងារវិនិយោគមិនមែនជារឿងសាមញ្ញនោះទេ គឺត្រូវមានចំណេះដឹង និងស្គាល់ពីមនុស្សច្រើន ជាពិសេសប្រព័ន្ធនៃការគ្រប់គ្រង៕
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៤ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ព័ត៌មានអន្ដរជាតិ៦ ថ្ងៃ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង