ព័ត៌មានជាតិ

លោក លី ធុជ ប្រកាសបញ្ចូលសមាជិកបក្សថ្មី ៥៤៥ នាក់ នៅក្រុងបាវិត

បានផុស

៣ years មុន

នៅ

ថ្ងៃអាទិត្យ ២១ ឧសភា ២០២៣

ដោយ

នៅថ្ងៃទី ២១ ខែឧសភា ឆ្នាំ ២០២៣ លោក លី ធុជ សមាជិកគណៈកម្មាធិការកណ្ដាល និងជាប្រធានក្រុមការងារគណបក្សចុះមូលដ្ឋានក្រុងបាវិត តំណាងសម្ដេចកិត្តិសង្គហបណ្ឌិត ម៉ែន សំអន អនុប្រធានគណបក្សប្រជាជនកម្ពុជា និងជាប្រធានក្រុមការងារគណបក្សចុះមូលដ្ឋានខេត្តស្វាយរៀង ប្រកាសបញ្ចូលសមាជិកថ្មី ចំនួន ៥៤៥ នាក់ មកពីសង្កាត់ច្រកម្ទេស សង្កាត់ព្រៃអង្គុញ និងសង្កាត់បាវិត ក្រុងបាវិត ខេត្តស្វាយរៀង។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្នុងពិធីប្រកាសសមាជិកបក្សថ្មីនេះ មានការចូលរួមពី លោក ជ័យ សុន អ្នកតំណាងរាស្ត្រមណ្ឌលស្វាយរៀង ក្រុមការងារគណបក្សចុះមូលដ្ឋានសង្កាត់ទាំង ៥ គណបក្សក្រុង គណបក្សសង្កាត់ទាំង ៥ និងសមាជិក សមាជិកាគណបក្សសាខាភូមិ សរុបចំនួន ៦១០ នាក់។

ក្នុងឱកាសនោះ លោក លី ធុជ បានពាំនាំនូវសេចក្ដីនឹករលឹក និងសាកសួរសុខទុក្ខពី សម្ដេចតេជោនាយករដ្ឋមន្ត្រី និងជាប្រធានគណបក្សប្រជាជនកម្ពុជា ក៏ដូចជាសម្ដេចកិត្តិសង្គហបណ្ឌិត ម៉ែន សំអន អនុប្រធានគណបក្សប្រជាជនកម្ពុជា និងជាប្រធានក្រុមការងារគណបក្សចុះមូលដ្ឋានខេត្តស្វាយរៀង ជូនដល់សមាជិក សមាជិកាគណបក្សក្រុងបាវិតទាំងអស់។

លោក លី ធុជ បានស្វាគមន៍ និងអបអរសាទរចំពោះការសម្រេចចិត្តចូលរួមរស់នៅជាមួយមហាគ្រួសារគណបក្សប្រជាជនកម្ពុជា ក្រោមការដឹកនាំរបស់សម្ដេចតេជោ ហ៊ុន សែន ប្រធានគណបក្សប្រជាជនកម្ពុជា។ នេះគឺជាការសម្រេចចិត្តដ៏ត្រឹមត្រូវបំផុត ការជឿទុកចិត្ត មានក្ដីសង្ឃឹម និងផ្ដល់ទំនុកចិត្តលើគណបក្សប្រជាជនកម្ពុជា ដែលជាគណបក្សធំជាងគេ និងកំពុងដឹកនាំរាជរដ្ឋាភិបាលកម្ពុជា។ មានតែគណបក្សប្រជាជនកម្ពុជាមួយប៉ុណ្ណោះ បានរំដោះប្រទេស និងប្រជាជនកម្ពុជា ចេញពីរបបប្រល័យពូជសាសន៍ កសាងជាតិមាតុភូមិ បង្កើនការងារ និងប្រាក់ចំណូលយ៉ាងច្រើនជូនដល់ប្រជាពលរដ្ឋ សម្រាប់ជីវភាពរស់នៅប្រចាំថ្ងៃ។

លោក លី ធុជ បានបន្តលើកឡើងថា ដោយឃើញពីការដឹកនាំដ៏ត្រឹមត្រូវរបស់សម្ដេចតេជោ មានថ្នាក់ដឹកនាំ សមាជិកបក្សផ្សេងៗជាច្រើន បានលាលែងចេញពីគណបក្សរបស់ខ្លួន និងស្នើសុំចូលបម្រើក្នុងជីវភាពរបស់គណបក្សប្រជាជនកម្ពុជា ដើម្បីចូលរួមជាមួយសម្ដេចតេជោ ក្នុងការបន្តថែរក្សាសន្តិភាព និងការអភិវឌ្ឍជាតិមាតុភូមិរបស់យើង ក៏ដូចជាចូលរួមដល់ការអភិវឌ្ឍនៅតាមមូលដ្ឋានឲ្យកាន់តែប្រសើរឡើង។

ក្នុងពិធីនោះ លោកប្រធាន លី ធុជ បានណែនាំឲ្យសមាជិក-សមាជិកាគណបក្សដែលទើបបញ្ចូលថ្មីទាំងអស់ ត្រូវបន្តចងចាំនូវគុណតម្លៃ នៃសន្តិភាព និងការដឹកនាំជាប្រវត្តិសាស្ត្ររបស់គណបក្សប្រជាជនកម្ពុជា ដែលបានរំដោះប្រទេសជាតិ និងប្រជាជនកម្ពុជា ចេញពីរបបប្រល័យពូជសាសន៍ ប៉ុល ពត ក៏ដូចជាត្រូវបន្តចងចាំនូវទុក្ខវេទនារបស់ប្រជាជនកម្ពុជាស្ថិតក្នុងរបបដ៏ខ្មៅងងឹតសម្លាប់ជាតិសាសន៍ខ្លួនឯង នៃរបបប្រល័យពូជសាសន៍ ប៉ុល ពត ដែលត្រូវបានរាជរដ្ឋាភិបាលសម្រេចបង្កើតជាទិវាចងចាំ ២០ ឧសភា ប្រារព្ធរៀងរាល់ឆ្នាំ។

លោកក៏បានជំរុញឲ្យសមាជិក-សមាជិកាទាំងអស់ បន្តជួយផ្សព្វផ្សាយអំពីសមិទ្ធផលនានារបស់គណបក្សប្រជាជនកម្ពុជា និងណែនាំឲ្យក្រុមគ្រួសារ សាច់ញាតិ និងមិត្តភ័ក្ដិទាំងអស់ ទៅបោះឆ្នោតជ្រើសរើសតំណាងរាស្ត្រអាណត្តិទី ៧ ឆ្នាំ ២០២៣ និងបោះឆ្នោតជូនគណបក្សប្រជាជនកម្ពុជា៕

អត្ថបទ ៖ ភក្ដី

Related Topics:លោក លី ធុជ ខេត្តស្វាយរៀង

ព័ត៌មានអន្ដរជាតិ២៣ ម៉ោង ago

អស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ

សេចក្ដីជូនដំណឹង៣ ថ្ងៃ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា