ព័ត៌មានជាតិ
អភិបាលខេត្តកោះកុង ជំរុញមន្ត្រីទទួលតំណែងភារកិច្ចចាប់ពីអនុប្រធានមន្ទីរ ចុះក្រោម បង្កើនសមត្ថភាព និងចំណេះដឹងបន្ថែម
លោកស្រី មិថុនា ភូថង អភិបាលខេត្តកោះកុង បានលើកទឹកចិត្តជំរុញដល់មន្ត្រីដែលមានតំណែងតួនាទីចាប់ពីអនុប្រធានមន្ទីរចុះក្រោម ត្រូវបង្កើនសមត្ថភាព ជំនាញ និងចំណេះដឹងបន្ថែម ដើម្បីប្រសិទ្ធភាពការងារកាន់តែច្បាស់។
ការបំផុសស្មារតីដល់ក្រុមមន្ត្រីរាជការថ្នាក់ក្រោមនៅពេលនេះ ធ្វើឡើងក្នុងពិធីតែងតាំង និងប្រគល់ភារកិច្ចមន្ត្រីរាជការចំនួន ១៩ នាក់ មកពីមន្ទីរអប់រំ មន្ទីរសុខាភិបាល និងមន្ទីរទំនាក់ទំនងជាមួយរដ្ឋសភា ព្រឹទ្ធសភា និងអធិការកិច្ច។
លោកស្រី មិថុនា ភូថង អភិបាលខេត្តកោះកុង ក្រើនរម្លឹកនៅថ្ងៃទី ៦ ខែមិថុនា ឆ្នាំ ២០២៣ ថា ក្រុមមន្ត្រីរាជការក្នុងខេត្ត ត្រូវចេះសាមគ្គីភាពផ្ទៃក្នុង និងមន្ទីរអង្គភាពដទៃទៀត ប្រឹងប្រែងបំពេញការងារទៅតាមតួនាទីភារកិច្ចដែលមានចែង និងត្រូវអនុវត្តទៅតាមច្បាប់វិធានការជាធរមាន សំដៅធ្វើយ៉ាងណាចូលរួមចំណែកអភិវឌ្ឍន៍អង្គភាព និងខេត្តកាន់តែរីកចម្រើនទៅមុខ។
មិនត្រឹមតែប៉ុណ្ណោះទេ លោកស្រីអភិបាលខេត្តកោះកុង បានណែនាំដល់មន្ត្រីជំនាញក្រោមឱវាទរបស់ខ្លួន ត្រូវចូលរួមប្រយុទ្ធប្រឆាំងការរីករាលដាលជំងឺកូវីដ-១៩ ឲ្យបានម៉ឺងម៉ាត់។ ព្រោះថា បញ្ហាជំងឺកូវីដ-១៩ នៅកម្ពុជា មិនទាន់ផុតរលត់អស់ទាំងស្រុងនៅឡើយទេ ដោយតម្រូវបន្តយកចិត្តទុកដាក់តាមដាន និងទប់ស្កាត់ឲ្យបានទាន់ពេលវេលា ហើយមានប្រសិទ្ធភាព ដើម្បីសុខុមាលភាពគ្រួសារ ក៏ដូចជាសហគមន៍ទាំងមូល។
លោក អ៊ូ ឡា ដែលទទួលភារកិច្ចជាអនុប្រធានមន្ទីរសុខាភិបាលខេត្តកោះកុង លើកឡើងថា លោកនឹងប្រឹងប្រែងទៅតាមការចាត់តាំងរបស់រដ្ឋបាលខេត្ត និងប្រធានមន្ទីរ លើកិច្ចការងារស្នូរដែលជាផ្នែកទទួលបន្ទុករបស់ខ្លួន។ ជាក់ស្ដែង នឹងពិនិត្យមើលពលរដ្ឋណាដែលមិនទាន់បានចាក់វ៉ាក់សាំងគ្រប់ដូស ដោយផ្តល់សេវាទៅផ្ទះរបស់ពួកគាត់តែម្ដង ទើបធានាបានការមិនឆ្លងរីករាលដាលជាថ្មី។
តាមរបាយការណ៍លទ្ធផលការងារ ៥ ឆ្នាំ របស់រដ្ឋបាលខេត្តកោះកុង បង្ហាញថា មន្ត្រីជំនាញធ្លាប់បានថែទាំព្យាបាលអ្នកជំងឺកូវីដ-១៩ បានជាសះស្បើយសរុបចំនួន ៥.៩៧២ នាក់ ស្ត្រី ៣.៤០៧ នាក់។ ក្នុងនោះក៏បានផ្ដល់សេវាចាក់វ៉ាក់សាំងបង្ការជំងឺកូវីដ-១៩ ជូនប្រជាពលរដ្ឋ និងកុមារទូទាំងខេត្តប្រមាណ ១៣ ម៉ឺននាក់។
ដោយឡែកលោក ហែម បូរ័ត្ន អនុប្រធានមន្ទីរទំនាក់ទំនងជាមួយរដ្ឋសភា ព្រឹទ្ធសភា និងអធិការកិច្ចខេត្តកោះកុង ប្ដេជ្ញាចិត្តថា នឹងបំពេញតួនាទីភារកិច្ចអនុវត្តប្រកបដោយភាពទំនួលខុសត្រូវចំពោះតួនាទីភារកិច្ច មិនធ្វេសប្រហែសនឹងការងារចំពោះមុខនោះឡើយ។ កន្លងទៅ មន្ទីរ ធ្លាប់បានចុះធ្វើអធិការកិច្ចបញ្ហាដីធ្លីជាច្រើនករណីផងដែរ ករណីទំនាស់ណាធំហួសពីសមត្ថកិច្ច លោកនឹងសុំគោលការណ៍បន្ថែមពីរដ្ឋបាលខេត្ត ឬ ក្រសួងសាមី៕
អត្ថបទ ៖ សិរីវឌ្ឍនៈ
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ១៩ ម៉ោង ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
សន្តិសុខសង្គម១ សប្តាហ៍ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ព័ត៌មានជាតិ៦ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ១ សប្តាហ៍ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង