ព័ត៌មានជាតិ
លោកស្រីឱ វណ្ណឌីន ៖ សម្តេចតេជោគឺជាថ្នាក់ដឹកនាំដ៏គំរូនៅលើសកលលោកដែលបានប្រយុទ្ធនឹងជំងឺកូវីដ១៩ទទួលបានជោគជ័យ
លោកស្រី វេជ្ជបណ្ឌិត ឱវណ្ណ ឌីន រដ្ឋលេខាធិការនិងជាអ្នកនាំពាក្យក្រសួងសុខាភិបាលបានលើកឡើងតាមបណ្តាញតេឡេក្រាមថា សម្តេចតេជោហ៊ុន សែន គឺជាថ្នាក់ដឹកនាំដ៏គំរូនៅលើសកលលោកនេះដែលបានប្រយុទ្ធប្រឆាំងនឹងជំងឺកូវីដ១៩ទទួលបានជោគជ័យដែលរហូតមកដល់ពេលនេះមិនមានករណីស្លាប់ដោយសារជំងឺនេះនៅឡើយទេ។
លោកស្រីបានឲ្យដឹងទៀតថា ការដែលសម្តេចតេជោ គឺជាថ្នាក់ដឹកនាំដ៏គំរូ នេះត្រូវបានលើកឡើងនិងធ្លាប់បានសសេរក្នុងអត្ថបទវិភាគនិងអត្ថបទស្រាវ ជ្រាវដែលបានចុះផ្សាយនៅក្នុងទស្សនាវដ្តីឡង់សិតដែលមានទីស្នាក់ការនៅចក្រភពអង់គ្លេសដែលបានលើកយកទៅបង្ហាញក្នុងកិច្ចប្រជុំលើកទី៧៥នៅពេលថ្មីៗនេះ។
លោកស្រីបានបន្តថា ក្នុងនោះគេបានលើកឡើងថា មានប្រទេសមួយចំនួនតូចដែលក្នុងនោះក៏មានប្រទេសកម្ពុជាយើងដែរដែលជាប្រទេសមានធនធានមានកម្រិតតែអនុវត្តវិធានការទប់ស្កាត់ការឆ្លងជំងឺកូវីដ១៩បានល្អប្រសើរមែនទែន។
លោកស្រីបានបន្តទៀតថា «អីចឹងនេះបង្ហាញថាសមត្ថភាពថ្នាក់ដឹកនាំនិងប្រាជ្ញាវាងវៃរបស់សម្តេចតេជោគឺមិនអន់និងមិនចាញ់ប្រទេសនានានៅលើសកលលោកពិសេសមិនចាញ់បណ្តាប្រទេសដែលមានធនធានច្រើននោះទេ។ ដូច្នេះយើងឃើញថា ក្នុងកាលៈទេសៈឆ្លើយតបហានិភ័យនិងឆ្លើយតបជំងឺកូវីដ១៩នេះវាមិនសំដៅលើប្រទេសមានឬប្រទេសក្រ ប្រទេសខ្លាំងឬប្រទេសខ្សោយឬប្រទេសមានធនធានខ្លាំងឬតិចនោះទេអ្វីដែលសំខាន់គឺកាដឹកនាំដ៏ភាពឈ្លាសវៃដោយមានការគិតគូដ៏ត្រឹមត្រូវនិងការដាក់ចេញវិធានការដ៏ត្រឹមត្រូវរបស់ថ្នាក់ដឹកនាំហើយទន្ទឹមនឹងនោះដែរក៏មានការត្រងត្រាប់អនុវត្តឲ្យបានខ្ជាប់ខ្ពួនពីថ្នាក់ក្រោមៗក៏បានអនុវត្តបានល្អប្រសើរដែរ»។
លោកស្រីបានបន្ថែមថា ការអនុវត្តនេះគឺឈរលើស្មារតីសាមគ្គីគ្នាជួយគ្នាដើម្បីក្នុងនាមជាខ្មែរ ពលរដ្ឋខ្មែរនិងសង្គមខ្មែរបានចៀសផុតពីហានិភ័យឆ្លងផុតពីការវាយលុកនៃកូវីដ១៩នៅទូទាំងប្រទេសកម្ពុជា។
ទន្ទឹមនឹងនោះក៏បានឃើញភាពខ្លាំងរបស់កម្ពុជា សម្តេចតេជោសែនក៏ដូចជាភាពខ្លាំងរបស់ពលរដ្ឋកម្ពុជាដែលបានចុលអនុវត្តយ៉ាងខ្លាំងក្លានិងសកម្មនូវវិធានការរបស់ប្រមុខរដ្ឋាភិបាល។
លើសពីនេះទៀតវាក៏បានឆ្លុះបញ្ចាំងពីប្រព័ន្ធសុខាភិបាលកម្ពុជាមិនមែនមានភាពអន់ខ្សោយដូចមតិមួយចំនួនដែលបានលើកឡើងមើលងាយដល់កម្ពុជាដែលយើងទើបកសាងពីបាតដៃទទេដែលយើងឃើញហើយថាការអភិវឌ្ឍន៍កំពុងមានសន្ទុះកើនឡើង។ដោយឡែកវិស័យសុខាភិបាលក៏មានការអភិវឌ្ឍធនធានមនុស្ស បច្ចេកវិទ្យាវេជ្ជសាស្ត្របានបណ្តើៗថ្វីត្បិតតែមិនមានបច្ចេកវិទ្យាមានកម្រិតដូចបណ្តាប្រទេសដែលមានធនធានច្រើនដែលមិនធា្លប់នូវការបំផ្លាញសុខាភិបាលក៏ដោយ។
លោកស្រីបានបញ្ជាក់ថា «កន្លងមកមានមតិមួយចំនួនហាក់មានមន្ទិលថាកម្ពុជាមានការលាក់លៀមព័ត៌មានចំពោះកូវីដ១៩ករណីទាក់ទិននឹងករណីឈឺនិងស្លាប់។ ឥឡូវនេះយុត្តិធម៌ផ្តល់ឲ្យកម្ពុជាពិតប្រាកដវិញក្នុងការទទួលស្គាល់ច្បាស់លាស់ពីការខិតខំប្រឹងប្រែងកម្ពុជាបានធ្វើបានល្អប្រសើរក្នុងការចាត់វិធានការចម្លងនៃកូវីដ១៩នេះ»។
លោកស្រីបានឲ្យដឹងទៀតថា វិធានការដ៏មានប្រសិទ្ធភាពដែលបានដាក់ចេញដោយសម្តេចតេជោហ៊ុនសែននាយករដ្ឋរដ្ឋមន្ត្រីដែលបានដឹកនាំចាត់ចែងនិងយកចិត្តទុកដាក់ខ្ពស់ដែលបានដាក់ចេញនូវវិធានការនានានិងប្រសិទ្ធភាពល្អដែលធ្វើឲ្យការទប់ស្កាត់របស់យើងបានល្អប្រសើរហើយការអនុវត្តរបស់ក្រសួងសុខាភិបាលតាមការណែនាំរបស់ប្រមុខរដ្ឋាភិបាលពិសេសក្រុមគ្រូពេទ្យជួរមុខយើងដែលបានខិតខំលះបង់ពេលវាលកំលាំងកាយចិត្តឆ្ងាយពីក្រុមគ្រួសាររបស់ខ្លួនក្នុងការព្យាបាលជំងឺកូវីដ១៩ក៏ដូចជាក្រុមគ្រូពេទ្យជួរមុខស្វែងរកអ្នកជំងឺសង្ស័យនិងការយកវត្ថុសំណាកមកធ្វើវិភាគនិងស្រាវជ្រាវរកឲ្យឃើញនិងយកមកព្យាបាលឲ្យបានទាន់ពេលវេលា៕
ដោយ ៖ សំអឿន
ស្ពានអាកាសមរតកតេជោ នឹងសម្ពោធឱ្យប្រើប្រាស់នាថ្ងៃទី០៧ ខែមេសា អាជ្ញាធររាជធានីនឹងបិទផ្លូវមួយចំនួន
អភិបាលរាជធានីណែនាំឱ្យពង្រឹងសន្តិសុខ សណ្តាប់ធ្នាប់ នាឱកាសបុណ្យចូលឆ្នាំថ្មីខាងមុខ
សហជីពនៅកម្ពុជាថា ការដំឡើងពន្ធអាមេរិក នឹងមិននាំដល់ការរើរោងចក្រ ធ្វើឱ្យពលរដ្ឋខ្មែរបាត់បង់ការងារទេ
ក្រុមហ៊ុនមូលបត្រចាប់ដៃជាមួយធនាគារ ផ្ដល់សេវាឥណទាន ទាក់ទាញវិនិយោគិនអន្តរជាតិ
TV360 byMetfone –ពិភពកម្សាន្តរំភើបជាមួយភាពយន្តបកប្រែជាភាសាខ្មែរ
Breaking News! ផ្ទុះការបាញ់គ្នាដ៏រន្ធត់ នៅក្បែរផ្សារខេត្ត Samut Prakan ប្រទេសថៃ
រកឃើញសាកសព Miss Tourism 2018 បន្ទាប់ពីគ្រោះរញ្ជួយដីនៅប្រទេសមីយ៉ាន់ម៉ា
រុស្ស៊ី ដាក់លក្ខខណ្ឌថ្មីទៅអាមេរិក បើចង់ឲ្យមានកិច្ចព្រមព្រៀងសន្តិភាពជាមួយ អ៊ុយក្រែន
លាចាកសិក្ខាបទបាន៩ថ្ងៃ អតីតសង្ឃ ជួន កក្កដា ត្រូវបានតែងតាំងជា អនុរដ្ឋលេខាធិការក្រសួងធម្មការ
ក្រសួងសេដ្ឋកិច្ច និងហិរញ្ញវត្ថុ ប្រជុំជាមួយ AmCham នៅកម្ពុជា រកដំណោះស្រាយជុំវិញពន្ធរបស់ ត្រាំ
-
ព័ត៌មានជាតិ៣ ថ្ងៃ agoក្រោយមរណភាពបងប្រុស ទើបសម្ដេចតេជោ ដឹងថា កូនស្រីម្នាក់របស់ឯកឧត្តម ហ៊ុន សាន គ្មានផ្ទះផ្ទាល់ខ្លួននៅ
-
ព័ត៌មានអន្ដរជាតិ១ សប្តាហ៍ agoកម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
ព័ត៌មានអន្ដរជាតិ៣ ថ្ងៃ agoនិស្សិតពេទ្យដ៏ស្រស់ស្អាតជិតទទួលសញ្ញាបត្រ ស្លាប់ជាមួយសមាជិកគ្រួសារក្នុងអគាររលំដោយរញ្ជួយដី
-
ព័ត៌មានអន្ដរជាតិ២ ថ្ងៃ agoមីយ៉ាន់ម៉ា៖ ក្រុមសង្គ្រោះតួកគី ជួយជីវិតបុរសម្នាក់ ក្រោយជាប់ក្រោមគំនរបាក់បែក៥ថ្ងៃ
-
ព័ត៌មានជាតិ២ ថ្ងៃ agoកម្ពុជា នឹងបន្តមានភ្លៀងធ្លាក់ជាមួយផ្គររន្ទះ និងខ្យល់កន្ត្រាក់ដល់ថ្ងៃទី៥មេសា
-
ចរាចរណ៍៤ ថ្ងៃ agoរថភ្លើងដឹកស្រូវក្រឡាប់ធ្លាក់ចេញពីផ្លូវ នៅស្រុកថ្មគោល
-
ព័ត៌មានជាតិ១ សប្តាហ៍ agoបងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
សន្តិសុខសង្គម៤ ថ្ងៃ agoនគរបាលឡោមព័ទ្ធខុនដូមួយកន្លែងទាំងយប់ ឃាត់ជនបរទេសប្រុសស្រីជាង ១០០នាក់