រឿងគុនល្បុក្កតោ! ពេជ្រ ចរណៃ ចេញឆ្លើយតប ក្រោយមានអ្នករិះថា ខ្លួនបានតែសម្ដែងបើមែនទែនធ្វើអី្វមិនកើត

តារាសម្តែងនិងគ្រូបង្ហាត់ក្បាច់គុនល្បុក្កតោកញ្ញា ពេជ្រ ចរណៃ បានចេញមុខឆ្លើយតបដោយបង្ហា ញការអត់ចិត្តបន្ទាប់ពីមានបុគ្គលមួយចំនួនតូចមើល មិនឃើញនូវតម្លៃលះបង់របស់នាងក្នុងកាចូលរួមលើកស្ទួយ និងផ្សព្វផ្សាយក្បាច់គុនរាណខ្មែរល្បុក្កតោ។

ជាការពិតតារាស្រីកញ្ញា ពេជ្រ ចរណៃ បច្ចុប្បន្នត្រូវបានគេមើលឃើញថា ក្រៅពីការលេចមុខនៅលើវិស័យភាពយន្តខ្មែរនាងក៏ជាតារាស្រីខ្មែរមួយរូបដែលចូលរួមយ៉ាងសកម្ម ក្នុងកាលើកស្ទួយវិស័យគុនល្បុក្កតោខ្មែរទៅកាន់ពិភពលោកផងដែរ។

តាមរយ:ខ្លឹមសារកញ្ញា ពេជ្រ ចរណៃ បានលើកឡើងថាមានមនុស្សមួយចំនួនតូចបានរិះគន់មកលើការខិតរបស់នាង ថាតើខ្លាំងអីអស្ចារ្យអីបានតែសម្ដែងបើមែនទែនចប់ហើយ។ ម្យ៉ាងទៀតក៏មិនដែលឃើញឡើងប្រកួតឲ្យឈ្នផងហេតុអ្វីក្លាយជាគ្រូបង្ហាត់គុណល្បុក្កតោ។

ត្រង់ចំណុងនេះកញ្ញា ចរណៃ បញ្ជាក់ទៅកាន់អ្នករិះគ ន់ថាទោះបីជានាងមិនធ្លាប់ឡើងប្រកួតឬប្រយុទ្ធតែខ្លួនធ្លាប់ឆ្លងកាត់ការហ្វឹកហាត់ក្បាច់គុនបុរាណខ្មែរ រយ:ពេល ៩ឆ្នាំ ដោយមានការទទួលស្គាល់ និងវិញ្ញាបនប័ត្រ​ចេញពី​បណ្ឌិត​សភា​គុន​ល្បុក្កតោ​កម្ពុជាហើយនាងក៏ធ្លាប់ហាត់រៀនក្បាច់គុនផ្សេងៗទៀតផងដែរ។

ពេជ្រ ចរណៃ បន្តថា ខ្ញុំមិនធ្លាប់ឡើងប្រកួតមែនប៉ុន្តែខ្ញុំបានបង្ហាត់សិស្ស ខ្ញុំឲ្យចូលរួមប្រកួតទទួលបានមេដាយ និងការកោតសរសើរជាច្រើន។ នាងថាក្បាច់គុល្បុក្កតោខ្មែរគឺជាសិល្ប:នៃក្បាច់គុន គឺមានទាំងទន់ភ្លន់ហើយរឹងមាំនិងសម្បូរបែប ដូច្នេះហើយទើបមានប្រភេទបង្ហាត់បង្រៀនច្រើនទៅតាមទម្រង់នីមួយៗផងដែរ។

សូមបញ្ជាក់ដែរថា កន្លងមកក្នុងគោលបំណងបង្ហាញពីការស្រលាញ់ និងឆន្ទ:របស់ខ្លួនជាមួយវិស័យក្បាច់គុនបុរាណខ្មែរ “ល្បុក្កតោ” តារាស្រីរូបស្រស់កញ្ញា ពេជ្រ ចរណៃធ្លាប់បានចេញមកអះអាងពីគោលជំហររបស់ខ្លួនថានាងនឹងបន្តការហាត់រៀនក្នុងការចូលរួមលើកស្ទួយ និងផ្សព្វផ្សាយក្បាច់គុនបុរាណខ្មែរ “ល្បុក្កតោ” រហូតដល់ដង្ហើមចុងក្រោយ៕ អត្ថបទ៖ ចាន់រ៉ា