សេដ្ឋកិច្ច
ក្រុមហ៊ុនមូលបត្រចាប់ដៃជាមួយធនាគារ ផ្ដល់សេវាឥណទាន ទាក់ទាញវិនិយោគិនអន្តរជាតិ
ក្រុមហ៊ុនមូលបត្រ ភីភី លីង នៅថ្ងៃទី ០៤ ខែមេសា ឆ្នាំ ២០២៥ បានចុះហត្ថលេខាជាមួយធនាគារអេស៊ីលីដាលើកិច្ចព្រមព្រៀងសហប្រតិបត្តិការផ្ដល់ជូនវិនិយោគិនបរទេសនូវសេវាឥណទាន ដើម្បីជំរុញកំណើនសេដ្ឋកិច្ច និងលើកកម្ពស់សេវាហិរញ្ញវត្ថុសម្រាប់វិនិយោគិនបរទេស។

លោក ជា សុធា អភិបាលនៃក្រុមហ៊ុនមូលត្រ ភីភី លីង បានលើកឡើងថា កិច្ចព្រមព្រៀងនេះ ធ្វើឡើងដើម្បីបំលែងពីសេវាហិរញ្ញវត្ថុដែលមានស្រាប់ ដែលយើងគិតពីរបៀបដែលមានការច្នៃប្រឌិត ផ្ដល់សេវាកម្មដែលមានស្រាប់ និងសេវាកម្មមិនទាន់មានច្នៃឱ្យចេញជាផលិតផលមួយ ដែលអាចបម្រើទៅដល់ទីផ្សារដែលមានស្រាប់។
លោក ជា សុធាបញ្ជាក់ថា៖ «យើងគិតថា ទីផ្សារច្នៃប្រឌិតមួយ ដើម្បីឱ្យសាធារណៈជនជាពិសេស យើងចាប់ផ្ដើមជាមួយវិនិយោគិននៅក្រៅស្រុក ដោយសារតែយើងចង់ឱ្យសាច់ប្រាក់ពីបរទេសចូលមកកម្ពុជា»។
លោក នេត ពិសិដ្ឋ នាយកប្រតិបត្តិសេវាហិរញ្ញវត្ថុធនាគាអេស៊ីលីដា កិច្ចព្រមព្រៀងនេះ គឺជាឱកាសផ្ដល់ជូនវិនិយោគិននូវឧបករណ៍និស្សន្ទ ទទួលបាននូវការការពារសាច់ប្រាក់របស់គាត់ ដែលមាននៅក្នុងធនាគារអេស៊ីលីដា ទទួលបាននូវអត្រាការប្រាក់ខ្ពស់សមរម្យ ពីគណនីមានកាលកំណត់ និងទទួលការជួញដូរឧបករណ៍និស្សន្ទប្រកបដោយសុវត្ថិភាពខ្ពស់។

លោក ស៊ូ សុជាតិ អគ្គនាយកនិយ័តករមូលបត្រកម្ពុជា មានប្រសាសន៍ថា ការបង្កើតទីផ្សារឧបករណ៍និស្សន្ទមួយមានសារៈសំខាន់សម្រាប់ពង្រឹងស្ថិរភាពហិរញ្ញវត្ថុ ការគ្រប់គ្រហានិភ័យ និងជំរុញកំណើនសេដ្ឋកិច្ច។ លោក ស៊ូ សុជាតិ ថ្លែងថា៖« ទីផ្សារឧបករណ៍និស្សន្ទ អាចដំណើរការរីកចម្រើនបានតម្រូវឱ្យតួអង្គពាក់ព័ន្ធមានយន្តការប្រទាក់ក្រឡា ព្រមទាំងអនុវត្តច្បាប់ និងបទបញ្ញត្តិ។
លោក ស៊ូ សុជាតិ បន្ថែមថា៖« ការចុះកិច្ចព្រមព្រៀងសហប្រតិបត្តិការផ្ដល់ជូនវិនិយោគិនបរទេសនូវសេវាឥណទានវិនិយោគ រវាងក្រុមហ៊ុន ភីភី លីង ឯ.ក និងធនាគារអេស៊ីលីដា ភីអិលស៊ី បានឆ្លុះបញ្ចាំងពីការចាប់ដៃគូសហការ ដែលផ្ដល់នូវយន្តការថ្មីមួយ ក្នុងការជំរុញនូវកំណើនសេដ្ឋកិច្ច និងលើកកម្ពស់សេវាហិរញ្ញវត្ថុសម្រាប់វិនិយោគិនបរទេស ដែលអនុញ្ញាតឱ្យវិនិយោគិនបរទេសទទួលបាននូវសេវាឥណទាន ដើម្បីជួញដូរឧបករណ៍និស្សន្ទជាមួយក្រុមហ៊ុនមូលបត្រ ភីភី លីង»។

បើតាមលោក ស៊ូ សុជាតិ កិច្ចព្រមព្រៀងនេះ មិនត្រឹមតែបង្កើនទំនុកចិត្តរបស់វិនិយោគិនបរទេស គោលដៅសំខាន់គឺទាក់ទាញវិនិយោគិនបរទេសឱ្យចូលរួមវិនិយោគក្នុងវិស័យមូលបត្រនៅកម្ពុជា។
សូមជំរាបថា វិនិយោគិនបរទេស អាចបើកគណនីប្រាក់បញ្ញើមានកាលកំណត់នៅធនាអេស៊ីលីដា និងអាចស្នើសុំសេវាឥណទាន ដើម្បីធ្វើការជួញដូរឧបករណ៍និស្សន្ទពីក្រុមហ៊ុនមូលបត្រ ភីភីលីង បានរហូតដល់ ៨០% នៃទំហំប្រាក់បញ្ញើតាមកាលកំណត់ ខណៈអតិថិជននៅតែបន្តទទួលបានអត្រាការប្រាក់ ដែលផ្ដល់ដោយធនាគារអេស៊ីលីដា ទៅតាមកាលកំណត់៕


អត្ថបទ៖ ឡេង ដេត

-
ព័ត៌មានអន្ដរជាតិ៣ ថ្ងៃ ago
ពលរដ្ធថៃ រត់ប្រសាចគ្នា ក្រោយបាក់ទំនប់បាវខ្សាច់ លិចក្រុងសុខោទ័យភ្លាមៗ
-
ព័ត៌មានអន្ដរជាតិ៣ ថ្ងៃ ago
ចិន ច្រានចោលព័ត៌មានក្លែងក្លាយរបស់ថៃ ដែលថាខ្លួនផ្តល់អាវុធថ្មីដល់កម្ពុជា
-
ព័ត៌មានអន្ដរជាតិ៥ ថ្ងៃ ago
ថាក់ស៊ីន ត្រូវពលរដ្ធថៃប្រមាថ ដល់ថ្នាក់បិទបញ្ចេញមតិ ក្រោយថា កម្ពុជាបាញ់មុន
-
ព័ត៌មានអន្ដរជាតិ១ សប្តាហ៍ ago
រដ្ឋមន្ត្រីអប់រំថៃ ស្លៀកខោខូវប៊យរហែកជង្គង់ ពេលធ្វើគណអធិបតីអង្គប្រជុំ ត្រូវគេរិះគន់ពេញប្រទេស
-
ព័ត៌មានអន្ដរជាតិ១ ថ្ងៃ ago
មេភូមិភាគ២ថៃ ចេញឃ្លិបថា នៅមានជីវិត តែវីដេអូដូចខុសប្រក្រតី និងចម្លែក
-
ព័ត៌មានអន្ដរជាតិ៥ ថ្ងៃ ago
អាមេរិក អាចចាត់វិធានការលើថៃ បើរកឃើញថា ថៃ បំពានលក្ខខណ្ឌប្រើ F-16 វាយប្រហារកម្ពុជា
-
ព័ត៌មានអន្ដរជាតិ៦ ថ្ងៃ ago
អត់ខ្មាស់ពិភពលោក បាញ់មកកម្ពុជាមុន តែ ផែថងតាន ថា ខាងខ្លួនខំអត់ធ្មត់ និងចាស់ទុំជាងគេទៅវិញ
-
ព័ត៌មានអន្ដរជាតិ៧ ថ្ងៃ ago
ថៃ បាក់មុខមិនស្ទើរ ក្នុងកិច្ចប្រជុំជាមួយអនុព័ន្ធយោធាអន្តរជាតិ ស្តីពីបញ្ហាទាហានខ្លួនជាន់មីន