ព័ត៌មានជាតិ
សាធារណរដ្ឋឆែកបើកពិព័រណ៍បរិក្ខារវេជ្ជសាស្ត្រដើម្បីបង្ហាញឧបករណ៍ទំនើបៗនៅមន្ទីរពេទ្យកុមារជាតិ
មន្ទីរពេទ្យកុមារជាតិនៃក្រសួងសុខាភិបាលសហការជាមួយមូលនិធិ Vita et Futura និងសមាគមរោងចក្រផលិតបរិក្ខារវេជ្ជសាស្ត្រ នៃសាធារណរដ្ឋឆែកនៅរសៀលថ្ងៃទី១៤ ខែមិថុនា ឆ្នាំ២០២៣បានបើក ”ពិព័រណ៍បរិក្ខារវេជ្ជសាស្ត្ររបស់សាធារណរដ្ឋឆែក” ក្រោមអធិបតីភាពលោកស្រីវេជ្ជបណ្ឌិត យក់ សម្បត្តិ រដ្ឋលេខាធិការប្រចាំការក្រសួងសុខាភិបាលនិងលោកជីរី កូហ្សាក (H.E. Jiří Kozák) អនុរដ្ឋមន្ត្រីទី១នៃក្រសួងការបរទេស សាធារណរដ្ឋឆែក។
ថ្លែងនៅក្នុងពិធីសម្ពោធ “ពិព័រណ៍បរិក្ខារវេជ្ជសាស្ត្ររបស់សាធារណរដ្ឋឆែក” លោក សាស្ត្រាចារ្យ ញឹប អង្គាបុស្ស នាយកមន្ទីរពេទ្យកុមារជាតិបានមានប្រសាសន៍ថា ពិព័រណ៍បរិក្ខារវេជ្ជសាស្ត្រទំនើបនៅមន្ទីរពេទ្យកុមារជាតិនាថ្ងៃនេះ នឹងជួយដល់មន្ទីរពេទ្យក្នុងការបង្កើនលទ្ធភាពផ្តល់សេវាសុខភាពបែបទំនើបកម្មនិងគុណភាពខ្ពស់ដល់មាតានិងទារកក្នុងនោះមានទាំងសេវារោគស្ត្រី សម្ភព ផែនការគ្រួសារ និងការថែទាំទារក នៅទូទាំងប្រទេសកម្ពុជា តាមរយៈការផ្តល់ជំនួយបរិក្ខារពេទ្យទំនើបពីភាគីក្រុមហ៊ុនផលិតបរិក្ខារវេជ្ជសាស្ត្រ LINET នៃសាធារណរដ្ឋឆែក ជូនដល់មន្ទីរពេទ្យកុមារជាតិ និង ការផ្តល់ជូននូវការបណ្តុះបណ្តាលពីបច្ចេកទេសនិងបច្ចេកវិទ្យានៃការប្រើប្រាស់សម្ភារៈទំនើបទាំងនោះ អមជាមួយដោយ ការបណ្តុះបណ្តាលពង្រឹងសមត្ថភាពជំនាញបច្ចេកទេសថែទាំព្យាបាល ពីអ្នកជំនាញឯកទេសខាងសាធារណរដ្ឋឆែកដែលរៀបចំដោយ មូលនិធិ Vita et Futura ដល់បុគ្គលិកនៃមន្ទីរពេទ្យកុមារជាតិផងដែរ។
លោកសាស្ត្រាចារ្យបានថ្លែងអំណរគុណដល់សមាគមរោងចក្រផលិតនិងផ្គត់ផ្គង់បរិក្ខារវេជ្ជសាស្ត្រនៃសាធារណរដ្ឋឆែក ជាពិសេសក្រុមហ៊ុនរោងចក្រផលិតបរិក្ខារវេជ្ជសាស្ត្រ LINET. ដែលបរិច្ចាគបរិក្ខារពេទ្យទំនើប ចំនួន៦មុខ ដែលសរុបជាទឹកប្រាក់ ជាង៥ម៉ឺនដុល្លាសហរដ្ឋអាមេរិក ក្នុងការជួយបង្កើនលទ្ធភាពដល់មន្ទីរពេទ្យកុមារជាតិ ដើម្បីអភិវឌ្ឍសេវាសុខាភិបាលកាន់តែទំនើប និង ងាយស្រួលសម្រាប់ប្រជាពលរដ្ឋ។
លោកសាស្ត្រាចារ្យបានបន្តថា បច្ចុប្បន្នមន្ទីរពេទ្យកុមារជាតិបានខិតខំប្រឹងប្រែងអភិវឌ្ឍទាំងគុណភាពសេវា បរិស្ថាន ហេដ្ឋារចនាសម្ព័ន្ធ និងការពង្រឹងសមត្ថភាពរបស់បុគ្គលិកគ្រប់ជំនាញ ក្នុងគោលបំណងផ្តល់ជូននូវសេវាសុខាភិបាលដល់ប្រជាពលរដ្ឋទាំងអស់ឱ្យមានទំនុកចិត្ត លើការថែទាំព្យាបាលសុខភាពមាតា ទារកនិងកុមារ ប្រកបដោយ គុណភាព ប្រសិទ្ធភាព និង ក្រមសីលធម៌វិជ្ជាជីវៈ។
លោកស្រី វេជ្ជបណ្ឌិត យក់ សម្បត្តិ រដ្ឋលេខាធិការប្រចាំការ នៃក្រសួងសុខាភិបាល បានសំដែងនូវអំណរសាទរក្នុងឱកាសខួបអនុស្សាវរីយ៍លើកទី៦៧ នៃការ បង្កើតទំនាក់ទំនងការទូត រវាងព្រះរាជាណាចក្រកម្ពុជា-សាធារណរដ្ឋឆែក ដែលសបញ្ជាក់ពីទំនាក់ទំនងល្អប្រសើរជា ប្រពៃណី និងកិច្ចសហប្រតិបត្តិការរវាងប្រទេសទាំងពីរកាន់តែរីកចម្រើន រឹងមាំ នាំមកនូវភាពសុខដុម និងវឌ្ឍនភាព សេដ្ឋកិច្ច-សង្គម ជានិរន្តរ៍ដល់ប្រជាជននៃប្រទេសទាំងពីរ ដែលនឹងរួមចំណែកផងដែរដល់សន្តិភាព ស្ថិរភាព និងការអភិវឌ្ឍន៍ នៅក្នុងតំបន់ និងពិភពលោកទាំងមូល។
លោកស្រីរដ្ឋលេខាធិការប្រចាំការ បានថ្លែងអំណរគុណដល់សាធារណរដ្ឋឆែក ដែលបាន សហការគាំទ្រវិស័យសុខាភិបាលកម្ពុជា ជាពិសេសមន្ទីរពេទ្យកុមារជាតិ ជាក់ស្ដែងក្នុងអំឡុងពេលដែលប្រទេសកម្ពុជា និងពិភពលោកបានរងវិបត្តិនៃការរាតត្បាតជំងឺកូវីដ-១៩ សាធារណរដ្ឋឆែកបានផ្ដល់ជំនួយជាសម្ភារៈបរិក្ខារពេទ្យមួយ ចំនួនដល់មន្ទីរពេទ្យកុមារជាតិ ក្នុងការទប់ស្កាត់ ឆ្លើយតបការរាតត្បាតជំងឺកូវីដ-១៩។
ចំណែក លោកជីរី កូហ្សាក (H.E. Jiří Kozák) អនុរដ្ឋមន្ត្រីទី១នៃក្រសួងការបរទេស សាធារណរដ្ឋឆែក បានសម្តែងនូវការកោតសរសើរចំពោះ ការអភិវឌ្ឍយ៉ាងឆាប់រហ័ស និងឥតឈប់ឈរលើគ្រប់វិស័យ នៅក្នុងព្រះរាជាណាចក្រកម្ពុជា រួមទាំងវិស័យសុខាភិបាល ជាពិសេសការគ្រប់គ្រងបាននូវការរីករាលដាលជំងឺកូវីដ-១៩ និងប្តេជ្ញាពង្រឹងនិងពង្រីកកិច្ចសហប្រតិបត្តិការក្នុងវិស័យ សុខាភិបាលរវាងប្រទេសទាំងពីរបន្ថែមទៀត៕
ដោយ ៖ សំអឿន
ថៃ មានពិធីការិនី AI ផ្សាយព័ត៌មានតាមទូរទស្សន៍ លើកដំបូង
ខេត្តបាត់ដំបងមានរោងចក្រខ្នាតធំៗពី ១៦-១៧ មូលដ្ឋាន ផ្តោតផ្នែកសង្វាក់កម្មកែច្នៃផលកសិកម្ម
ក្រសួងអប់រំ ដាក់ចេញយុទ្ធសាស្ត្រ ២០២៤-២០២៨ លើកកម្ពស់វិស័យអប់រំនៅកម្ពុជា កាន់តែប្រសើរ
ជំនួបខ្លាំងប៉ះខ្លាំង ដណ្តើមខ្សែក្រវាត់ស្តេចគ្រុឌ អមដោយប្រាក់រង្វាន់សរុប១០០លានរៀលក្នុងព្រឹត្តិការណ៍ប្រដាល់គ្រុឌគុនខ្មែរ Reign of Kings
អតីតអ្នកនាំពាក្យលោក ថាក់ស៊ីន ប្រកាសវិលត្រឡប់ចូលស្រុកវិញ ក្រោយនិរទេស ១៥ ឆ្នាំ
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»
កម្ពុជានឹងមានភ្លៀងធ្លាក់ ១៥% ដល់ថ្ងៃទី ២៧ ដំណាច់ខែមីនា
មន្ត្រីជាន់ខ្ពស់ធនាគារជាតិ៖ ក្រដាសប្រាក់ ៥ម៉ឺន រៀល មានគូសឆ្នូតកណ្តាលអាចប្តូរយកប្រាក់ថ្មីបានដោយឥតគិតថ្លៃ
-
ព័ត៌មានជាតិ៥ ថ្ងៃ agoអ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ៣ ថ្ងៃ agoទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានអន្ដរជាតិ១ សប្តាហ៍ agoBreaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ៣ ថ្ងៃ agoបណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»
-
ព័ត៌មានជាតិ៣ ថ្ងៃ agoកម្ពុជានឹងមានភ្លៀងធ្លាក់ ១៥% ដល់ថ្ងៃទី ២៧ ដំណាច់ខែមីនា
-
ជីវិតកម្សាន្ដ១ សប្តាហ៍ agoខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
សេដ្ឋកិច្ច៤ ថ្ងៃ agoមន្ត្រីជាន់ខ្ពស់ធនាគារជាតិ៖ ក្រដាសប្រាក់ ៥ម៉ឺន រៀល មានគូសឆ្នូតកណ្តាលអាចប្តូរយកប្រាក់ថ្មីបានដោយឥតគិតថ្លៃ
-
ព័ត៌មានជាតិ៣ ថ្ងៃ agoដីជាង ៤៣ ហិកតា នៅភូមិសាស្ត្រភ្នំ ១៥០០ ត្រៀមដាំស្ដារព្រៃឈើឡើងវិញ