ជីវិតកម្សាន្ដ
លោក ពេជ្រ ចិត្រា អ្នកផលិតបទ”អូនលែងប្ដីហើយ” ខកចិត្ត ខណៈមនុស្សមួយក្រុមថាមិនដែលឮបទនេះ
ទស្សនិកជន និងអ្នកគាំទ្រ បង្ហាញការចាប់អារម្មណ៍ ខណៈសុខៗ ស្រាប់តែ លោក ពេជ្រ ចិត្រា ម្ចាស់ផលិតកម្ម Davitra និងជាអ្នកផលិតបទ “អូនលែងប្ដីហើយ” ច្រៀងដោយតារាពហុជំនាញ ខាត់ សុឃីម បង្ហាញការហួសចិត្តយ៉ាងខ្លាំង ក្រោយមានមនុស្សមួយក្រុមនិយាយថា មិនដែលឮបទនេះ។
ប្រាកដណាស់បទ”អូនលែងប្ដីហើយ” គឺជាបទចម្រៀងដែលល្បីល្បាញ និងផ្ទុះការគាំទ្រ កាលពីអំឡុងឆ្នាំ ២០២៣ រហូតក្លាយជាបទឈ្នះពានផ្នែកប្រជាប្រិយជាងគេ។ ប៉ុន្តែរឿងភ្ញាក់ផ្អើល ស្រាប់តែនៅក្នុងជំនួបក្រុមហ៊ុនមួយដែលមានភ្នាក់ងារបុគ្គលិកទីផ្សារប្រមាណ ១០ នាក់ បានធ្វើឲ្យលោក ពេជ្រ ចិត្រា មានការហួសចិត្តជាខ្លាំង ខណៈក្រុមមនុស្សទាំងនោះលើកឡើងថា មិនធ្លាប់ឮបទនោះទេ។
ផ្អែកតាមការបង្ហោះនៅលើបណ្ដាញសង្គមហ្វេសប៊ុក លោក ពេជ្រ ចិត្រា លើកឡើងថា «តើអាចទេ បុគ្គលិកផ្នែកទីផ្សារមួយហ្វូង ជិត ១០ នាក់ នៅក្រុមហ៊ុនមួយ នៅចំកណ្ដាលក្រុងភ្នំពេញ គេថាមិនដែលឮបទចម្រៀងនេះ? ខណៈតារាចម្រៀងរបស់យើងបានទៅច្រៀងបទនេះនៅក្នុងក្រុមហ៊ុនហ្នឹងថែមទៀត?»។
លោក ពេជ្រ ចិត្រា បញ្ជាក់បន្ថែមថា «មានន័យថា Pleng Award ឆ្នាំមុន ដាក់ពិន្ទុខុសហើយ Kin Kak da ឬ ប្អូនស្រី ខាត់ សុឃីម ឆ្លើយបានទេ?»។ តាមរយៈនេះ ក៏មានការបញ្ចេញមតិវែកញែកពីអ្នកគាំទ្រមួយចំនួន ដោយខ្លះលើកឡើងថា «ប្រហែលជាបុគ្គលិកនឹងគាត់ឆ្លើយឲ្យតែរួចពីមាត់ទេបង អ្នកណាមិនធ្លាប់ឮបទចម្រៀងមួយបទនេះ ព្រោះបទចម្រៀងមួយបទនេះបានល្បីនៅលើទីផ្សារ ហើយពុកម៉ែបងប្អូនក៏បានរាំលេងសប្បាយផងដែរ»។ ភ្លាមៗ នេះដែរ លោក ពេជ្រ ចិត្រា បានឆ្លើយតបវិញថា «ម៉ាហ្វូងគ្នាគេជិត ១០ នាក់ អូន»។ បន្ទាប់នោះ ក៏មានការបញ្ចេញមតិទៀតថា «បទនេះល្បីពេញបណ្ដាញសង្គម កាលនោះមានទាំងអ្នករិះគន់ព្រោងព្រាតថា បទនេះបានលើកទឹកចិត្តឲ្យស្ត្រីលែងប្តីទៀតផង។ បើសិនជាមានអ្នកថាមិនដែលឮបទនេះ មានតែពួកគាត់មិនបានកាន់ទូរស័ព្ទដៃ ឬ ក៏មិនបានលេង Facebook, TikTok or any socialmedia. បទនេះ សូម្បីកូនក្មេងក៏ចេះច្រៀងតាមដែរ»៕
អត្ថបទ ៖ ចាន់រ៉ា
-
សេដ្ឋកិច្ច១ សប្តាហ៍ ago
ចំណុចចាប់ផ្តើមផ្លូវល្បឿនលឿនភ្នំពេញ-ប៉ោយប៉ែត ស្ថិតនៅខាងជើងវិមានឈ្នះឈ្នះ
-
ព័ត៌មានជាតិ៧ ថ្ងៃ ago
ត្រីតុកកែមានតម្លៃថ្លៃតាមហាងចិន កំពុងបង្កាត់ពូជនៅមជ្ឈមណ្ឌលវារីវប្បកម្មនៅខេត្តព្រះសីហនុ
-
ព័ត៌មានជាតិ៦ ថ្ងៃ ago
ក្រុងបាត់ដំបង កំពុងប្រឈមនឹងភក់ជ្រាំ មិនខុសពីទសវត្សរ៍ទី ៨០
-
ព័ត៌មានអន្ដរជាតិ៤ ថ្ងៃ ago
ស្លាប់១១នាក់ បាត់ខ្លួន៣០នាក់ ក្នុងហេតុការណ៍បាក់ស្ពាននៅចិនព្រោះភ្លៀងធ្លាក់ខ្លាំង
-
ព័ត៌មានជាតិ៤ ថ្ងៃ ago
អស់រយៈពេល៨ថ្ងៃហើយ ឧទ្ធម្ភាគចក្រដែលបាត់ដាន ពុំទាន់មានតម្រុយនៅឡើយទេ
-
ព័ត៌មានអន្ដរជាតិ៦ ថ្ងៃ ago
កំណើនកម្តៅផែនដីធ្វើឲ្យពេលថ្ងៃ អូសបន្លាយពេលយូរជាងពេលយប់
-
កីឡា២ ថ្ងៃ ago
ភរិយាលោកគ្រូ អេ ភូថង ចេញសារសុំទោសរឿងតវ៉ាម្សិលមិញ
-
ព័ត៌មានជាតិ៧ ថ្ងៃ ago
UPDATE៖ ជំនន់ទឹកភ្លៀងនៅខេត្តព្រះវិហារ បានស្រកបណ្តើរៗ តែស្ពាននិងថ្នល់មួយចំនួនរងការខូចខាត