Connect with us

ព័ត៌មានអន្ដរជាតិ

កូនប្រុសលោក Duterte ដើរតាមគន្លងឪពុកប្រកាសសង្គ្រាមបង្ក្រាបគ្រឿង​ញៀននៅ ហ្វីលីពីន

បានផុស

នៅ

កូនប្រុសរបស់អតីតប្រធានាធិបតីហ្វីលីពីន Rodrigo Duterte កំពុងដើរតាមគន្លងឪពុកដោយបានប្រកូកប្រកាសធ្វើសង្គ្រាមប្រឆាំងនឹងគ្រឿងញៀននៅទីក្រុង Davao ភាគខាងត្បូងប្រទេសហ្វីលីពីន ។ នេះបើយោងតាមការចេញផ្សាយដោយទូរទស្សន៍ជប៉ុន NHK កាលពីថ្ងៃទី២៧ ខែមីនាកន្លងទៅ ។

លោក Sebastian Duterte

លោក Sebastian Duterte បានចេញការព្រមានខ្លាំងៗក្នុងសុន្ទរកថាមួយកាលពីថ្ងៃសុក្រសប្ដាហ៍មុនថា យើងនៅទុកឱកាសឲ្យអ្នកជួញដូរគ្រឿងញៀនចាកចេញពីទីក្រុងភាគខាងត្បូងមួយនេះ ប៉ុន្តែបើនៅតែរឹងចចេសមិនព្រមដកខ្លួនចេញពីសង្វៀននេះទេនោះ ច្បាស់ណាស់ពួកគេប្រឈមមុខនឹងការបាត់បង់រូបកាយពីលើលោកនេះហើយ ។

ក្រោយការព្រមាននេះទៀតសោត អភិបាលក្រុង Davao វ័យ ៣៧ ឆ្នាំរូបនេះក៏បានចេញការពារពីវោហារសាស័ព្ទរបស់លោកផងដែរថា ពាក្យសម្ដីទាំងប៉ុន្មានពាក់ព័ន្ធនឹងសង្គ្រាមបង្ក្រាបគ្រឿងញៀននៅក្នុងទីក្រុងមួយនេះ គឺធ្វើឡើងដើម្បីផ្ដល់ផលប្រយោជន៍ ក៏ដូចជាការពារសហគមន៍ និងគ្រួសារហ្វីលីពីនឲ្យរស់នៅប្រកបដោយសុខសុវត្ថិភាព ។

ដោយឡែកយោងតាមសេចក្ដីរាយការណ៍ពីសារព័ត៌មានហ្វីលីពីន Rappler បានឲ្យដឹងដែរថា ចាប់តាំងពីលោក Sebastian ចេញការព្រមានអំពីសង្គ្រាមបង្ក្រាបគ្រឿងញៀននេះរួចមក យ៉ាងហោចណាស់មានមនុស្ស ៥ នាក់បានស្លាប់បាត់បង់ជីវិតនៅក្នុងឧប្បត្តិហេតុបង្ក្រាបគ្រឿងញៀនដាច់ដោយឡែកពីគ្នា ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ទន្ទឹមនោះ ក្នុងរយៈពេល ១២ ខែដំបូងនៃការកាន់តំណែងជាអភិបាលក្រុង Davao របស់កូនប្រុសសំណព្វចិត្តលោក Duterte រូបនេះ មានមនុស្សយ៉ោងហាច់ណាស់ ៥៣ នាក់ត្រូវបានសម្លាប់រួចទៅហើយ ហើយចំនួននេះស្មើនឹង ១៥ ភាគរយនៃការសម្លាប់ទាក់ទិននឹងសង្គ្រាមគ្រឿងញៀនសរុបចំនួន ៣៤២ នាក់ ក្នុងអំឡុងអាណត្តិដំបូងរបស់លោកប្រធានាធិបតី Marcos Ferdinand Jr. ។

គួរបញ្ជាក់ថា ចំណែកក្នុងអំឡុងពេលអាណត្តិរបស់លោក Rodrigo Duterte ជាប្រធានាធិបតីពីឆ្នាំ ២០១៦ ដល់ឆ្នាំ ២០២២ វិញ “សង្គ្រាមលើគ្រឿងញៀន” គឺជាមុខព្រួញដ៏ស្រួចរបស់លោក ខណៈចាប់តាំងពីលោកឡើងក្ដោបក្ដាប់អំណាចមក ប្រជាជនហ្វីលីពីនយ៉ាងតិច ៦,០០០ នាក់ត្រូវបានសម្លាប់នៅក្នុងប្រតិបត្តិការរបស់ប៉ូលិសទាក់ទងនឹងយុទ្ធនាការនេះ ។ ទោះយ៉ាងណា តុលាការឧក្រិដ្ឋកម្មអន្តរជាតិក៏បាននិងកំពុងស៊ើបអង្កេតលើសង្រ្គាមប្រឆាំងគ្រឿងញៀនដ៏សាហាវយង់ឃ្នងរបស់លោក Duterte ផងដែរ ហើយកំពុងដាក់ចោទប្រកាន់ពីបទឧក្រិដ្ឋកម្មប្រឆាំងមនុស្សជាតិ ៕

ដោយ ៖ សុខ ជីវ័ន្ត

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានអន្ដរជាតិ២៩ វិនាទី មុន

កូនប្រុសលោក Duterte ដើរតាមគន្លងឪពុកប្រកាសសង្គ្រាមបង្ក្រាបគ្រឿង​ញៀននៅ ហ្វីលីពីន

ព័ត៌មានជាតិ៩ នាទី មុន

រាជរដ្ឋាភិបាល បន្តលើកលែងពន្ធផលិតផលកសិកម្មមួយចំនួនរហូតដល់ដំណាច់ឆ្នាំក្រោយ

ព័ត៌មានជាតិ១៦ នាទី មុន

ដំណើរសាងសង់​​ផ្លូវ​ល្បឿនលឿន​​ភ្នំពេញបាវិត បន្ត​វឌ្ឍនភាព​សម្រេច​​លទ្ធផល​ជាជំហាន​ៗ

ព័ត៌មានជាតិ១៩ នាទី មុន

កសិករដាំស្វាយចន្ទីជិត ៤០ គ្រួសារទៀត ស្ម័គ្រចិត្តចងក្រងជា សហគមន៍កសិកម្មទំនើប

ព័ត៌មានជាតិ២១ នាទី មុន

ក្រសួងមហាផ្ទៃ ថា ករណីជួញដូរមនុស្សខ្លះ គ្រាន់ជាល្បិចជនបរទេស ដើម្បីបិទបាំងភាពខុសច្បាប់ពួកគេប៉ុណ្ណោះ

ព័ត៌មានជាតិ៥ ថ្ងៃ មុន

អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា

ព័ត៌មានជាតិ៣ ថ្ងៃ មុន

ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ

ព័ត៌មានជាតិ២ ថ្ងៃ មុន

បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»

ព័ត៌មានជាតិ៣ ថ្ងៃ មុន

កម្ពុជានឹងមានភ្លៀងធ្លាក់ ១៥% ដល់ថ្ងៃទី ២៧ ដំណាច់ខែមីនា

ជីវិតកម្សាន្ដ៧ ថ្ងៃ មុន

ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»

Sokha Hotels

ព័ត៌មានពេញនិយម