ព័ត៌មានអន្ដរជាតិ
ខែចូលឆ្នាំ ប្រជាជនថៃ ទទួលដំណឹងល្អអំពី “គម្រោងចែកលុយ” ម្នាក់ ១ម៉ឺនបាត
តាមការចុះផ្សាយរបស់ Thai PBS កាលពីថ្ងៃពុធទី២៧ខែមីនា, លោកនាយករដ្ឋមន្ត្រី សេដ្ឋា ថាវីស៊ីន បានប្រាប់ដល់ប្រជាជនថៃ ឲ្យត្រៀមខ្លួនទទួលដំណឹងល្អ ព្រោះថា គម្រោង “កាបូបលុយឌីជីថល” នឹងទទួលបានភ្លើងខៀវ នៅថ្ងៃទី១០ខែមេសា ខាងមុខនេះហើយ។
ក្នុងនាមជាប្រធានកិច្ចប្រជុំដើម្បីពិភាក្សាអំពីគម្រោងនេះ, លោក សេដ្ឋា លើកឡើងថា ក្រុមប្រឹក្សាភិបាលនៃគម្រោងកាបូបលុយឌីជីថល បានកំណត់យកថ្ងៃទី១០ខែមេសា ធ្វើជាកិច្ចប្រជុំដើម្បីពិចារណារបាយការណ៍ទាក់ទិនគម្រោង ក្រោយពេលក្រសួងសេដ្ឋកិច្ចនិងសង្គមឌីជីថល បានបង្ហាញព័ត៌មានអំពីបច្ចេកវិទ្យា ដែលត្រូវប្រើដោយស្ថាប័នហិរញ្ញវត្ថុនិងប្រតិបត្តិករអាជីវកម្មពាក់ព័ន្ធនឹងផែនការខាងលើ។
តាមការបញ្ជាក់ពីលោកសេដ្ឋា, របាយការណ៍ទាំងអស់នឹងត្រូវប្រមូល រួចដាក់ជូនគណៈរដ្ឋមន្ត្រីដើម្បីអនុម័តចុងក្រោយក្នុងខែមេសា ហើយលោកបានគូសបញ្ជាក់សាជាថ្មី អំពីការកំណត់ពេលវេលាត្រីមាសទី៣ សម្រាប់ការចុះឈ្មោះហាងដែលចូលរួមក្នុងគម្រោង និងសាធារណជនដែលមានសិទ្ធិទទួលបានប្រាក់ ហើយកំណត់យកត្រីមាសទី៤ សម្រាប់ការទូទាត់។
លោកនាយករដ្ឋមន្ត្រីក៏អះអាងដែរថា ទាំងក្រុមប្រឹក្សាអភិវឌ្ឍសេដ្ឋកិច្ចនិងសង្គមជាតិ (NESDC) និងធនាគារកណ្តាលថៃ សុទ្ធតែយល់ស្របនឹងការកំណត់ពេលវេលា ដូចដែលបានលើកឡើងរួចហើយដោយអនុរដ្ឋមន្ត្រីក្រសួងហិរញ្ញវត្ថុ Julapun Amornvivat។
លើសពីនេះ ប្រភពនៃទឹកប្រាក់៥០០ពាន់លានបាតដែលត្រូវការដើម្បីផ្តល់មូលនិធិដល់គម្រោងនេះ ក៏នឹងត្រូវបញ្ជាក់ច្បាស់ឲ្យដាច់ស្រេចផងដែរ ត្រឹមថ្ងៃទី១០ខែមេសា។
ត្បិតខែចូលឆ្នាំខាងមុខ ប្រជាជនថៃ ពិតជានឹងទទួលបានដំណឹងល្អអំពីគម្រោងនេះមែន ប៉ុន្តែតាមការបញ្ជាក់ពីលោក Amornvivat, ការចែកប្រាក់ នឹងត្រូវចាប់ផ្តើមនៅត្រីមាសទី៤ នៃឆ្នាំនេះឯណោះ។
សូមបញ្ជាក់ជាថ្មី ប្រជាជនថៃអាយុ១៦ឆ្នាំឡើងប្រហែល៥០លាននាក់ គឺមានសិទ្ធិទទួលបានប្រាក់ម្នាក់ ១០ ០០០បាត ក្រោមគម្រោងកាបូបលុយឌីជីថល ដែលលោក សេដ្ឋា បានសន្យា ក្នុងយុទ្ធនាការឃោសនាបោះឆ្នោតរបស់គណបក្សភឿថៃ។
ទោះបីជាយ៉ាងណាក៏ដោយ ក៏មានមតិរិះគន់មិនស្ទើរដែរ ចំពោះគម្រោងកាបូបលុយឌីជីថល ដោយក្រុមអ្នកជំនាញមួយចំនួន បង្ហាញពីក្តីកង្វល់ថា គម្រាងនេះ ច្បាស់ជាបង្កបញ្ហាប្រឈមដល់សេដ្ឋកិច្ចជាក់ជាមិនខានឡើយ៕
អត្ថបទ៖ សុខ សុវណ្ណ
ចុចអាន៖ ថៃកំពុងបង្ខិតប្រទេសរបស់ខ្លួនឱ្យស្របច្បាប់ចំពោះការស្រឡាញ់ភេទដូចគ្នា
-
ព័ត៌មានជាតិ៥ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ៣ ថ្ងៃ ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានអន្ដរជាតិ១ សប្តាហ៍ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ២ ថ្ងៃ ago
បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»
-
ព័ត៌មានជាតិ៣ ថ្ងៃ ago
កម្ពុជានឹងមានភ្លៀងធ្លាក់ ១៥% ដល់ថ្ងៃទី ២៧ ដំណាច់ខែមីនា
-
ជីវិតកម្សាន្ដ៧ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
សេដ្ឋកិច្ច៤ ថ្ងៃ ago
មន្ត្រីជាន់ខ្ពស់ធនាគារជាតិ៖ ក្រដាសប្រាក់ ៥ម៉ឺន រៀល មានគូសឆ្នូតកណ្តាលអាចប្តូរយកប្រាក់ថ្មីបានដោយឥតគិតថ្លៃ
-
ព័ត៌មានជាតិ៣ ថ្ងៃ ago
ដីជាង ៤៣ ហិកតា នៅភូមិសាស្ត្រភ្នំ ១៥០០ ត្រៀមដាំស្ដារព្រៃឈើឡើងវិញ