កីឡា
ចាន់ ប៊ុនហឿន ប្រាប់ថា នឹងពិបាកវ៉ៃ ខាំភូ ឲ្យសន្លប់យប់ស្អែក
ក្រោយការចាប់ឆ្នោត កីឡាករ ចាន់ ប៊ុនហឿន ត្រូវជួបជាមួយកីឡាករឡាវ ខាំភូ ក្នុងការប្រកួតជុំទី១ ព្រឹត្តិការណ៍ប្រកួតដណ្ដើមរថយន្ត នៅទឹកដីខេត្តស្វាយរៀង នាថ្ងៃទី ២៨ ខែមីនា ឆ្នាំ២០២៤។
![](https://www.kampucheathmey.com/wp-content/uploads/2024/03/28-2-1024x614.jpg)
មុនការចាប់ឆ្នោត បេក្ខភាពដណ្ដើមរថយន្ត ចាន់ ប៊ុនហឿន ពិតជាមិនចង់ជួបកីឡាករ ខាំភូ ទេ ដោយសារខ្លួនធ្លាប់ឃើញក្បាច់របស់កីឡាកររូបនេះវ៉ៃពេលមកប្រកួតនៅទឹកដីកម្ពុជាកន្លងមក។ ចាន់ ប៊ុនហឿន បាននិយាយថា ខាំភូ ជាកីឡាករមានភាពធន់ ឆ្លាត និងកីឡាករមិនមែនដើរចូលបុក ដូច្នេះពេលជួបគ្នាគឺពិតជារឿងលំបាកសម្រាប់ខ្លួន។ ប្រសិនបើចង់ផ្ដូលគេឲ្យសន្លប់លឿន ត្រូវតែដើរចូល និងសម្រុកវ៉ៃ ដើម្បីបានឱកាសឡើងទៅវគ្គផ្ដាច់ព្រ័ត្រ។
ចាន់ ប៊ុនហឿន បាននិយាយថា៖«ពេលប៉ះខាំភូគឺតានតឹង។ សម្រាប់ការប្រកួតស្អែកត្រូវការអ្នកវ៉ៃដៃគូឲ្យសន្លប់លឿន ទើបអាចឡើងទៅវគ្គបន្ត។ ដល់ពេលជួបជាមួយគាត់គឺពិបាក ដោយសារខាំភូ ជាកីឡាករថយ។ ចឹងពិបាកវ៉ៃគាត់ឲ្យសន្លប់ណាស់។ បើសង្ឃឹមឈ្នះគាត់គឺត្រូវបុកដេញវ៉ៃ ប៉ុន្តែគាត់ជាកីឡាករស្វិត ហើយវ៉ៃមិនងាយសន្លប់ទេ។ ពេលត្រូវគេវ៉ៃខ្លាំងគឺគាត់ថយហើយ។ គាត់មិនឆេវឆាវទេ ពេលត្រូវណាស់គឺគាត់ដកណាស់ ហើយគាត់ជាកីឡាករចិត្តត្រជាក់»។
![](https://www.kampucheathmey.com/wp-content/uploads/2024/03/412905855_122110271006149163_8894260312476794122_n-1024x683.jpg)
សម្រាប់លក្ខខណ្ឌក្នុងការប្រកួតដណ្ដើមយករថយន្តស្អែកនេះគឺផ្ដោតសំខាន់លើការផ្ដួលដៃគូឲ្យសន្លប់លឿន ទើបអាចមានឱកាសឡើងទៅវគ្គផ្ដាច់ព្រ័ត្របាន ប៉ុន្តែបើករណីបេក្ខភាព៤គូនេះបានឈ្នះត្រឹមពិន្ទុដូចគ្នានឹងត្រូវសម្រេចលើសំលេងសារបោះឆ្នោតពីអ្នកគាំទ្រ។
ទោះបីជាយ៉ាងណា ចិត្តជាអ្នកកីឡា ចាន់ ប៊ុនហឿន នៅតែមានការតាំងចិត្តខ្ពស់ ហើយព្យាយាមឲ្យអស់ពីសមត្ថភាព ដើម្បីផ្ដួលកីឡាករឡាវ ខាំភូ សម្រាប់ឱកាសឡើងទៅវគ្គផ្ដាច់ព្រ័ត្រ ពីព្រោះនេះជាព្រឹត្តិការណ៍ធំដែលរូបគេកម្រទទួលបាន៕
អត្ថបទ៖ ផា រតនា
-
សន្តិសុខសង្គម៥ ថ្ងៃ ago
ជនដៃដល់ បាញ់មនុស្ស២នាក់ស្លាប់ នៅបុរីប៉េងហួត មានគោរម្យងារជា ឧកញ៉ា
-
KPT+១ សប្តាហ៍ ago
ប្រវត្តិដ៏គួរឱ្យចាប់អារម្មណ៍របស់ វត្តចំណាស់ទាំង ៧ ក្នុងខេត្តបាត់ដំបង
-
សន្តិសុខសង្គម៥ ថ្ងៃ ago
សមត្ថកិច្ច ចាប់បានបុរសដែលបាញ់មនុស្ស២នាក់ឱ្យស្លាប់ និងរបួស នៅបុរីប៉េងហ៊ួតបឹងស្នោ
-
សន្តិសុខសង្គម៥ ថ្ងៃ ago
Update៖ សមត្ថកិច្ចចាប់ខ្លួនជនសង្ស័យម្នាក់ ក្នុងហេតុការណ៍ផ្ទុះអាវុធ នៅក្នុងបុរីប៉េងហួតបឹងស្នោ
-
ព័ត៌មានជាតិ៤ ថ្ងៃ ago
សមាគមឧកញ៉ា នឹងស្នើបញ្ចប់ងារឧកញ៉ាពីឈ្មោះ ស្រី ស៊ីណា ក្រោយបាញ់ឱ្យមនុស្សស្លាប់
-
អត្ថាធិប្បាយ៥ ថ្ងៃ ago
សមត្ថកិច្ចប្រើពេល៣ម៉ោង ក្របួចកឧកញ៉ាប្រើកាំភ្លើងផ្ដាច់ជីវិតគូរស្នេហ៍មួយគូរ
-
KPT+២ ថ្ងៃ ago
១០ ប្រទេស កំពូលគ្រោះថ្នាក់ខ្លាំង ចំពោះស្រ្តី
-
ព័ត៌មានជាតិ១ សប្តាហ៍ ago
ស្ពានអាកាសភ្លោះភ្ជាប់ផ្លូវ ៦០ ម៉ែត្រ ទៅព្រលានអន្តរជាតិតេជោ ប្រកាសបើកការដ្ឋាននៅថ្ងៃ ១៧ មិថុនា នេះ