ព័ត៌មានជាតិ
ក្រសួងការងារ ប្រកាសដាក់ឲ្យប្រើប្រាស់ផែនការមេលើកទី ៣ ស្ដីពីសុវត្ថិភាព និងសុខភាពការងារ
ក្រសួងការងារ និងបណ្ដុះបណ្ដាលវិជ្ជាជីវៈ បានប្រកាសដាក់ឲ្យប្រើប្រាស់ផែនការមេលើកទី ៣ ស្ដីពីសុវត្ថិភាព និងសុខភាពការងារឆ្នាំ ២០២៣-២០២៧ ដើម្បីធ្វើឲ្យប្រសើរឡើងនូវបរិយាកាសការងារ និងកន្លែងធ្វើការងារទាំងអស់នៅក្នុងប្រទេសកម្ពុជា ឲ្យមានសុខភាព និងសុវត្ថិភាពល្អ។
ថ្លែងក្នុងពិធីដាក់ឲ្យប្រើប្រាស់ផែនការមេលើកទី ៣ ស្ដីពីសុវត្ថិភាព និងសុខភាពការងារឆ្នាំ ២០២៣-២០២៧ នៅព្រឹកថ្ងៃទី ១១ កក្កដានេះ លោកបណ្ឌិត អ៊ិត សំហេង រដ្ឋមន្ត្រីក្រសួងការងារ និងបណ្ដុះបណ្ដាលវិជ្ជាជីវៈ បានមានប្រសាសន៍ថា ក្រសួង បានខិតខំប្រឹងប្រែងអនុវត្តនូវផែនការមេស្ដីពី សុវត្ថិភាព និងសុខភាពការងារចំនួន ២ លើក រួចមកហើយ ដែលលើកទី១ ឆ្នាំ ២០០៩-២០១៣ និងលើកទី២ ឆ្នាំ ២០១៨-២០២២ ដើម្បីធានាឲ្យកាន់តែបាននូវស្ថិរភាព សន្តិសុខសង្គម និរន្តរភាព ការងារ ប្រាក់ចំណូល និងភាពកក់ក្ដៅក្នុងចិត្តរបស់កម្មករនិយោជិត។
លោករដ្ឋមន្ត្រី បានបន្តថា ការលើកកម្ពស់សិទ្ធិការងារ និងបរិយាកាសការងារប្រកបដោយសុវត្ថិភាព ទាំងក្នុងវិស័យសេដ្ឋកិច្ចក្នុងប្រព័ន្ធ និងសេដ្ឋកិច្ចក្រៅប្រព័ន្ធ ព្រមទាំងកម្លាំងពលកម្មក្នុងវិស័យកសិកម្ម ចាំបាច់ត្រូវមានធនធានគ្រប់គ្រាន់ ដោយមានកិច្ចសហប្រតិបត្តិការយ៉ាងជិតស្និទ្ធជាមួយដៃគូនានា។
លោក ទេព សុភ័ណ្ឌ នាយកគ្រប់គ្រងទូទៅ នៃ CAMFEBA បានលើកឡើងថា ផែនការមេលើកទី ៣ ដែលដាក់ឲ្យប្រើប្រាស់នៅពេលនេះ នឹងក្លាយជាយន្តការត្រួសត្រាយគោលនយោបាយជាអាទិភាព និងវិធានការចាំបាច់នានានៅក្នុងការបន្តការលើកកម្ពស់សុខភាព និងសុវត្ថិភាពដល់កម្មករនិយោជិត។
លោកបានបន្តថា ការធានាបាននូវសុខុមាលភាព សុវត្ថិភាព ជូនចំពោះកម្មករនិយោជិត ជារឿងចាំបាច់ដែលត្រូវយកចិត្តទុកដាក់ដ៏សំខាន់មួយពីភាគីនិយោជក។
ចំណែក លោក ទុន សោភ័ណ មន្ត្រីសម្របសម្រួលថ្នាក់ជាតិរបស់អង្គការអន្តរជាតិការងារ (ILO-Cambodia) បានទទួលស្គាល់ថា កម្មករនិយោជិតមានការយល់ដឹងច្រើនពីហានិភ័យនៅកន្លែងធ្វើការ ហើយការរៀបចំកន្លែងធ្វើការមានភាពស្អាតបាត សុវត្ថិភាព និងមានសុខភាពល្អ ដែលទាំងនេះជាការផ្លាស់ប្ដូរមួយដ៏ធំផងដែរ។
គួរបញ្ជាក់ថា ផែនការមេស្ដីពីសុវត្ថិភាព និងសុខភាពការងារ គឺជាក្របខណ្ឌដែលគាំទ្រដល់ការអនុវត្តគោលនយោបាយ និងផែនការយុទ្ធសាស្ត្រនានា របស់ក្រសួងការងារ និងបណ្ដុះបណ្ដាលវិជ្ជាជីវៈ ដើម្បីពង្រឹងប្រព័ន្ធគ្រប់គ្រងសុវត្ថិភាព និងសុខភាពការងារ និងសម្រេចឲ្យបាននូវទស្សនវិស័យរួមមួយ។ ផែនការមេនេះ ត្រូវរៀបចំឡើងជាមូលដ្ឋានក្នុងការវាស់វែង និងកំណត់វិធីសាស្ត្រក្នុងការធានានូវការការពារសុវត្ថិភាព និងសុខភាពការងាររបស់កម្មករនិយោជិតគ្រប់រូបនៅកន្លែងធ្វើការ ដោយមានការចូលរួមពីគ្រប់ភាគីដែលធ្វើសកម្មភាពពាក់ព័ន្ធនឹងសុវត្ថិភាព និងសុខភាពការងារ៕
អត្ថបទ ៖ សំអឿន
យូដៃ មើលឃើញស្ទាយលេងរបស់ ព្រះខ័នរាជស្វាយរៀង ២ ចំណុច ត្រូវនឹងរបៀបលេងរបស់ខ្លួន
តម្លៃហាងឆេងមាស មានទំនោរកើនឡើងនៅដើមសប្ដាហ៍នេះ
ក្រសួងអប់រំតម្រូវឲ្យដាក់បេក្ខជនប្រឡងបាក់ឌុប ២៥នាក់ ក្នុង១បន្ទប់
ចិននិងវៀតណាមនឹងធ្វើសមយុទ្ធរួមគ្នាលើកដំបូង ចំពេលមានទំនាក់ទំនងកាន់តែជិតស្និទ្ធ
គ្រាន់តែបង្ហើបឃ្លាអន្ទងក្នុងបទ «មនសិការជាតិខ្មែរ» អ្នកគាំទ្រ ខេមរៈ សិរីមន្ត ពោលសរសើរគ្រប់គ្នា
ព្រះអង្គម្ចាស់អារ៉ាប៊ីសាអូឌីត ដែលសន្លប់២០ឆ្នាំ ពេលនេះ សោយទិវង្គតហើយ
មេភូមិភាគ២ថៃ ប្រកាសលែងចាំស្តាប់បញ្ជារដ្ឋាភិបាលក្រុងបាងកកទៀតហើយ រឿងឆ្លើយតបជាមួយកម្ពុជា
ជនកំសាកថៃ អួតខ្លួនថា វាយទាហានកម្ពុជាដើម្បីការពារទឹកដី, ចុះរត់ធ្វើអីបើក្នុងដីខ្លួនមែន?
ថៃ អះអាងរកឃើញមីនថ្មីរាប់រយគ្រាប់ក្នុងដីខ្លួន, តើនរណាចូលទៅដាក់ ឬថៃដាក់ខ្លួនឯងរួចចោទកម្ពុជា?
សម្តេចតេជោ ផ្តាំទៅលោក ថាក់ ស៊ីន បើចោទសម្តេចថាពុំមានសីលធម៌ហេតុអ្វីពឹងពាក់សម្តេចរយៈពេល១៩ឆ្នាំ និងហៅថាមេ០១
-
ព័ត៌មានអន្ដរជាតិ២៣ ម៉ោង agoព្រះអង្គម្ចាស់អារ៉ាប៊ីសាអូឌីត ដែលសន្លប់២០ឆ្នាំ ពេលនេះ សោយទិវង្គតហើយ
-
ព័ត៌មានជាតិ២ ថ្ងៃ agoអគ្គនាយកស៊ីម៉ាក់បង្ហាញរូបភាពទ័ពថៃជីកដីដាក់មីនខណៈនៅឡាំប៉ាចោទកម្ពុជា
-
បច្ចេកវិទ្យា៥ ថ្ងៃ agoOPPO Reno14 Series 5G សម្ពោធផ្លូវការហើយ ជាមួយស្ទីលរចនាបថកន្ទុយទេពមច្ឆា និងមុខងារ AI សំខាន់ៗ
-
ព័ត៌មានអន្ដរជាតិ១ សប្តាហ៍ agoថៃ អះអាងថា ជនកំសាកដែលលួចវាយទាហានកម្ពុជា គឺជាទេសចរ ប៉ុណ្ណោះ
-
ព័ត៌មានជាតិ១ សប្តាហ៍ agoកម្ពុជា រងឥទ្ធិពលពីព្យុះមួយទៀត គឺជាព្យុះទី៥ ឈ្មោះ ណារី (Nari)
-
ព័ត៌មានអន្ដរជាតិ៥ ថ្ងៃ agoរដ្ឋមន្ត្រីក្រសួងថាមពលថៃ ប្រាប់ពលរដ្ឋកុំជ្រួលច្របល់ បើសង្គ្រាមផ្ទុះឡើង អ្នកខាតធំគឺខ្លួនឯង
-
ព័ត៌មានអន្ដរជាតិ១ សប្តាហ៍ ago«នាយករដ្ឋមន្ត្រី៣នាក់ក្នុងពេល៣ថ្ងៃ» ជារឿងដែលមួយពិភពលោក មិនអាចធ្វើបានដូចថៃ
-
សន្តិសុខសង្គម២ ថ្ងៃ agoជនមិនស្គាល់មុខ លីបារី ១០៥ សុង ឆ្លងកាត់ច្រកអន្តរជាតិភ្នំដី ត្រូវកម្លាំងគយចាប់បាន