ព័ត៌មានជាតិ

រដ្ឋមន្រ្តីក្រសួងបរិស្ថាន ឲ្យពង្រីកវិសាលភាពព្រៃឈើ ជំរុញមន្រ្តីបណ្ដុះកូនឈើឲ្យបាន ១០ម៉ឺនដើមចែកពលរដ្ឋយកទៅដាំ

បានផុស

៣ years មុន

នៅ

ថ្ងៃពុធ ៦ កញ្ញា ២០២៣

ដោយ

លោក អ៊ាង សុផល្លែត រដ្ឋមន្ត្រីក្រសួងបរិស្ថានបានជំរុញឲ្យមានការពង្រីកវិសាលភាពព្រៃឈើ និងជំរុញមន្ទីរបរិស្ថានត្រូវបង្កើនការបណ្ដុះកូនឈើយ៉ាងហោចណាស់ឲ្យបាន ១០ម៉ឺនដើម ក្នុង១ឆ្នាំ ដើម្បីចែកជូនប្រជាពលរដ្ឋដាំដុះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

នៅក្នុងការជួបសំណេះសំណាលជាមួយ ថ្នាក់ដឹកនាំ មន្ត្រីរាជការ និងមន្ត្រីឧទ្យានុរក្សនៃមន្ទីរបរិស្ថានខេត្តកោះកុង កាលពីពេលថ្មីៗ កន្លងទៅនេះ លោក អ៊ាង សុផល្លែត បានថ្លែងថា ដើម្បីជំរុញឲ្យមានការពង្រីកវិសាលភាពព្រៃឈើ ដូច្នេះមន្ត្រីមន្ទីរបរិស្ថាន ត្រូវបង្កើនការបណ្ដុះកូនឈើ យ៉ាងហោចណាស់ឲ្យបាន ១០ម៉ឺនដើម ក្នុង១ឆ្នាំ ដើម្បីចែកជូនប្រជាពលរដ្ឋ ដោយឥតគិតថ្លៃ និងបានដាំដុះស្ដារព្រៃឈើ ពង្រីកវិសាលភាពព្រៃឈើ នៅតាមតំបន់ការពារធម្មជាតិ ដាំឈើនៅតាមសហគមន៍ តាមភូមិឋាន ក៏ដូចជានៅតាមផ្ទះជាដើម។

លោក រដ្ឋមន្ត្រីក៏បានសង្កត់ធ្ងន់ថា «មន្ត្រីទាំងអស់ មិនត្រូវទៅដាំដើមឈើ ដោយខ្លួនឯងនោះទេ គឺយើងត្រូវការចាំបាច់ អប់រំផ្សព្វផ្សាយ និងការចូលរួមពីអ្នកពាក់ព័ន្ធ ជាពិសេសប្រជាពលរដ្ឋនៅតាមសហគមន៍ឲ្យចូលរួមដាំកូនឈើ»។

លោក អ៊ាង សុផល្លែត បន្ថែមថា ការដាំឈើនឹងជួយឲ្យសហគមន៍ធានាបានអព្យាក្រឹតការបូន និងបានកាត់បន្ថយការបំភាយឧស្ម័នផ្ទះកញ្ចក់។ លើសពីនេះទៀត សហគមន៍ក៏អាចរកចំណូលមកអភិវឌ្ឍន៍មូលដ្ឋាន បានពីការលក់ឥណទានកាបូន និងការអភិវឌ្ឍន៍ជីវភាព តាមរយៈទេសចរណ៍ធម្មជាតិ ស្របតាមគោលដៅចម្បងនៃយុទ្ធសាស្ត្របញ្ចកោណ ដំណាក់កាលទី១ ដែលកសាង និងពង្រឹងមូលដ្ឋានគ្រឹះ សម្រាប់ជំរុញការអភិវឌ្ឍប្រទេសជាតិ តាមរយៈការកសាងភាពធន់នៃវិស័យទាំង៥ ក្នុងនោះភាពធន់នៃវិស័យបរិស្ថាន និងការឆ្លើយតបនឹងការប្រែប្រួលអាកាសធាតុ៕

Related Topics:លោក អ៊ាង សុផល្លែត

ព័ត៌មានអន្ដរជាតិ២១ ម៉ោង ago

អស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ

សេដ្ឋកិច្ច៣ ថ្ងៃ ago

ធនាគារ ARDB ចាក់បញ្ចូលទុនលើស្វាយចន្ទី និងដំឡូងមី

សេចក្ដីជូនដំណឹង២ ថ្ងៃ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា