Connect with us

ព័ត៌មានជាតិ

ក្រសួងពាណិជ្ជកម្មសិក្សាការប្រើប្រាស់សារធាតុស៊ុលហ្វីតក្នុងទឹកត្នោត និងស្ករត្នោត

បានផុស

នៅ

ក្រសួងពាណិជ្ជកម្ម បានសិក្សាស្រាវជ្រាវអំពីការប្រើប្រាស់សារធាតុស៊ុលហ្វីតក្នុងទឹកត្នោត និងស្ករត្នោត ស្របតាមស្តង់ដារកូដិច ដើម្បីសុវត្ថិភាពអ្នកប្រើប្រាស់។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក ផាន អូន ប្រតិភូរាជរដ្ឋាភិបាលកម្ពុជា ទទួលបន្ទុកជាអគ្គនាយក នៃអគ្គនាយកដ្ឋានការពារអ្នកប្រើប្រាស់ កិច្ចការប្រកួតប្រជែង និងបង្រ្កាបការក្លែងបន្លំ «ក.ប.ប.» នៃក្រសួងពាណិជ្ជកម្ម បានបើកសិក្ខាសាលាស្តីពីការសិក្សាស្រាវជ្រាវអំពីការប្រើប្រាស់សារធាតុស៊ុលហ្វីតក្នុងទឹកត្នោត និងស្ករត្នោតប្រកប​ដោយ​សុវត្ថិភាព​ស្របតាមស្តង់ដារកូដិច។

បើតាមក្រសួងពាណិជ្ជកម្ម សិក្ខាសាលានេះ បានធ្វើការបណ្តុះបណ្តាលដល់មន្ត្រីសាខា ក.ប.ប. រាជធានី-ខេត្ត គោលដៅចំនួន៨ ឱ្យក្លាយជាគ្រូ​បង្គោល​ដើម្បីណែនាំបន្តដល់អ្នកឡើងត្នោត និងអ្នកផលិតស្ករត្នោត។

ទោះយ៉ាងណាក្រសួងពាណិជ្ជកម្ម បានបញ្ជាក់ថា មិនមានបំណងជំរុញឱ្យមានការប្រើប្រាស់សារធាតុគីមីបន្ថែមក្នុងទឹកត្នោត និងស្ករត្នោតទេ ប៉ុន្តែក្នុងករណី​អ្នកផលិតមិនអាចអនុវត្តតាមវិធីសាស្ត្របែបប្រពៃណីបុរាណបាន ហើយងាកមកប្រើប្រាស់សារធាតុស៊ុលហ្វីតក្នុងទឹកត្នោត និងស្ករត្នោតជំនួសវិញ ទើប​អគ្គនាយកដ្ឋាន ក.ប.ប. រៀបចំសិក្ខាសាលានេះ ឡើងក្នុងគោលបំណងជួយដល់អ្នកឡើងត្នោត និងអ្នកផលិតស្ករត្នោតនូវវិធីសាស្រ្ត នៃការប្រើប្រាស់​សារធាតុស៊ុលហ្វីតតាមកម្រិតកំណត់ដែលមិនប៉ះពាល់ដល់សុខភាពអ្នកប្រើប្រាស់។

ដើម្បីសុវត្ថិភាព នាយកដ្ឋានមន្ទីរពិសោធន៍ នៃអគ្គនាយកដ្ឋាន ក.ប.ប. នឹងធ្វើតេស្តរកសារធាតុស៊ុលហ្វីតក្នុងទឹកត្នោត និងស្ករត្នោត ដែលបានយកគំរូ និងបញ្ជូនមកពីបណ្ដាសាខា ក.ប.ប. រាជធានី-ខេត្ត។
សូមបញ្ជាក់ថា ស៊ុលហ្វីត ជាសារធាតុរក្សាទុកអាហារ ដែលត្រូវបានគេប្រើប្រាស់លើវិស័យអាហារជាច្រើនដូចជា ស្រាបៀរ ផ្លែឈើស្រស់ សាច់ ផ្លែឈើសម្ងួតជាដើម។ ស៊ុលហ្វីត ត្រូវបានគេប្រើ​ប្រាស់ជាបីទម្រង់ ដូចជា ប៉ូតាស្យូម មេតាបីស៊ុលហ្វីត (Potassium metabisulfite) សូដ្យូម មេតាបីស៊ុលហ្វីត (Sodium metabisulfite) និង Sulfur Dioxide។

ស៊ុលផួរឌីអុកស៊ីត ផលិតចេញពី ស៊ុលហ្វីត ហើយត្រូវបានប្រើប្រាស់យ៉ាងច្រើននៅអាហារ និងភេសជ្ជៈ៖
១. តួនាទីជាសារធាតុប្រឆាំងអុកស៊ីតកម្ម ដែលធ្វើឲ្យអាហារខូចគុណភាព និងបាត់បង់ពណ៌។
២. តួនាទីបង្អាក់សកម្មភាពអង់ស៊ីម ដែលធ្វើឲ្យអាហារខូច និងផ្លាស់ប្ដូររូបរាង។
៣. តួនាទីជាសារធាតុប្រឆាំងមីក្រុប ដូចជាផ្សិត និងបាក់តេរីជាដើម។

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានអន្ដរជាតិ១១ នាទី មុន

ដរាបណា អ៊ីស្រាអែល មិនស្ងាត់បាញ់លើហ្គាហ្សា គ្រាប់រ៉ុកកែតក្រុមហ៊ូធីក៏​បន្តហោះបុកនាវានៅសមុទ្រក្រហម

ព័ត៌មានជាតិ៥២ នាទី មុន

ប្រជាកសិករស្រុកស្រីសន្ធរ ធ្វើស្រែមួយឆ្នាំ ៣ ដង ដោយសារមានទឹកស្រោចស្រពគ្រប់គ្រាន់

ព័ត៌មានជាតិ៥៣ នាទី មុន

​ត្រូវការ​ទុន​វិនិយោគ​ជាង ១ ពាន់​លាន​ដុល្លារ​ដើម្បី​បញ្ចប់អគារ​ជាប់​គាំងនៅ​ខេត្តព្រះសីហនុ

ព័ត៌មានជាតិ១ ម៉ោង មុន

ប្រឡាយព្រែកប្រា គ្រោងស្ដារបុកស៊ីផាយ មុនរដូវវស្សា ពលរដ្ឋជាង ២០០ គ្រួសារ ស្ម័គ្រចិត្តរើចេញ

ជីវិតកម្សាន្ដ១ ម៉ោង មុន

​Sorn អតីតក្រុម CLC ធ្លាប់ត្រូវភ្នាក់ងារ​កូរ៉េ គំរាម​កំហែងនិង​បង្ខំ​​ឲ្យ​ចុះ​កុងត្រា​ដូចទាសករ

Sokha Hotels

ព័ត៌មានពេញនិយម