Connect with us

ព័ត៌មានអន្ដរជាតិ

លោក បៃដិន នឹងហាមឃាត់ក្រុមហ៊ុនKaspersky ជុំវិញទំនាក់ទំនងជាមួយរុស្ស៊ី

បានផុស

នៅ

យោងតាមការចេញផ្សាយរបស់ទីភ្នាក់ងារព័ត៌មាន Reuters នៅថ្ងៃទី ២១ ខែ​ មិថុនានេះ លោក ចូ បៃដិន នឹងហាមឃាត់ការប្រតិបត្តិការលក់របស់ក្រុមហ៊ុន Kaspersky Lab នៅសហរដ្ឋអាមេរិក ជុំវិញទំនាក់ទំនងជាមួយរុស្ស៊ីដែលអាចបង្កហានិភ័យដល់រដ្ឋាភិបាលអាមេរិក។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

Kaspersky Lab គឺជាក្រុមហ៊ុនផ្តល់សេវាសន្តិសុខតាមអ៊ីនធឺណិត និង​កម្មវិធី​កម្ចាត់​មេរោគ​សកល​​​របស់រុស្ស៊ី ដែលមានទីស្នាក់ការកណ្តាលនៅទីក្រុងមូស្គូ និងដំណើរការដោយក្រុមហ៊ុនម្ចាស់កម្មសិទ្ធិនៅចក្រភពអង់គ្លេស​ដែលត្រូវបានបង្កើតឡើងក្នុងឆ្នាំ១៩៩៧ ។

ការហាមឃាត់នេះ ធ្វើឡើងបន្ទាប់ពីទំនាក់ទំនងជិតស្និទ្ធរបស់ក្រុមហ៊ុនជាមួយរដ្ឋាភិបាលរុស្ស៊ីត្រូវបានរកឃើញថាអាចបង្កហានិភ័យធ្ងន់ធ្ងរ ដោយសារការចូលប្រើសិទ្ធិរបស់កម្មវិធីទៅកាន់ប្រព័ន្ធកុំព្យូទ័រអាចអនុញ្ញាតឱ្យវាលួចព័ត៌មានរស៉ើប​ពីកុំព្យូទ័រអាមេរិក ដំឡើងមេរោគ ឬរក្សាការអាប់ដេតសំខាន់ៗ។ លើសពីនេះ ផែនការហាមឃាត់នេះក៏រួមបញ្ជូលជាមួយច្បាប់ថ្មីដែលបង្កើតឡើងដោយរដ្ឋបាលលោក ដូណាល់ ត្រាំ ដើម្បីបន្ថែមក្រុមហ៊ុនទៅក្នុងបញ្ជីរឹតបន្តឹងពាណិជ្ជកម្ម ។

រដ្ឋាភិបាលអាមេរិកបានឲ្យដឹងថារុស្ស៊ីមានចេតនាកេងប្រវ័ញ្ចក្រុមហ៊ុនរុស្ស៊ីដូចជា Kaspersky ដើម្បីប្រមូល និងប្រើប្រាស់​ព័ត៌មានផ្ទាល់ខ្លួនរបស់ជនជាតិអាមេរិក ដែលបង្ខំឱ្យអាមេរិក​ត្រូវ​ចាត់វិធានការនេះ។ ខណៈKaspersky ថាការសម្រេចចិត្តរបស់សហរដ្ឋអាមេរិកគឺផ្អែកលើ បរិយាកាសភូមិសាស្ត្រនយោបាយបច្ចុប្បន្ន និងការព្រួយបារម្ភខាងទ្រឹស្តី ជាជាងការវាយតម្លៃអំពីសុចរិតភាពនៃផលិតផល និងសេវាកម្មរបស់ Kasperskyទៅវិញ។

ចំណាត់ការនេះបង្ហាញថា រដ្ឋបាលកំពុងព្យាយាមលុបបំបាត់ហានិភ័យនៃការវាយប្រហារតាមអ៊ីនធឺណិតរបស់រុស្ស៊ីដែលកើតចេញពីកម្មវិធី Kaspersky ហើយបន្តច្របាច់កទីក្រុងមូស្គូ ខណៈដែលកិច្ចខិតខំប្រឹងប្រែងសង្គ្រាមរុស្ស៊ីនៅអ៊ុយក្រែនទទួលបានសន្ទុះឡើងវិញ ដោយសារសហរដ្ឋអាមេរិកមានឥទ្ធិពលតិចតួចលើទណ្ឌកម្មថ្មីៗលើរុស្ស៊ី។

មួយវិញទៀតវាក៏បង្ហាញផងដែរថារដ្ឋបាលលោក បៃដិន ប្រើប្រាស់សិទ្ធិអំណាចថ្មីដ៏មានឥទ្ធិពលដែលអនុញ្ញាតឱ្យខ្លួនហាមឃាត់ ឬរឹតបន្តឹងប្រតិបត្តិការរវាងក្រុមហ៊ុនអាមេរិក និងក្រុមហ៊ុនអ៊ីនធឺណិត ទូរគមនាគមន៍ និងបច្ចេកវិទ្យាពីប្រទេសសត្រូវបរទេសដូចជារុស្ស៊ី និងចិន។

ពាក់ព័ន្ធនឹងបញ្ហានេះអ្នកនាំពាក្យក្រសួងពាណិជ្ជកម្មបានបដិសេធមិនធ្វើអត្ថាធិប្បាយទេ ខណៈដែល Kaspersky Lab និងស្ថានទូតរុស្ស៊ីមិនបានឆ្លើយតបនឹងសំណើសុំការអត្ថាធិប្បាយដូចគ្នា។ ទោះបីជាយ៉ាងណាកន្លង​មក Kaspersky ធ្លាប់​បាន​និយាយ​ថា​ជា​ក្រុមហ៊ុន​ខ្លួនគ្រប់គ្រង​ដោយ​ឯកជន​មិន​មាន​ទំនាក់ទំនង​ជាមួយ​រដ្ឋាភិបាល​រុស្ស៊ីនោះទេ។

គួរបញ្ជាក់ថា សម្ពាធលើ​ជំនួញ​នៅ​អាមេរិក​របស់​ក្រុមហ៊ុន Kaspersky Lab បានកើនឡើង បន្ទាប់ពី​ចំណាត់ការ​របស់ទីក្រុងមូស្គូប្រឆាំងនឹងទីក្រុង​កៀវ។ រដ្ឋាភិបាលសហរដ្ឋអាមេរិកបាន​ផ្ដល់​ជា​សញ្ញា​ព្រមាន​​ជា​សម្ងាត់​ដល់ក្រុមហ៊ុនអាមេរិកមួយចំនួន បន្ទាប់ពីរុស្ស៊ីបានឈ្លានពានអ៊ុយក្រែនក្នុងខែកុម្ភៈ ឆ្នាំ២០២២ ដោយ​ថាទីក្រុងមូស្គូអាចរៀបចំកម្មវិធីដែលរចនាដោយ Kaspersky ដើម្បីបង្កគ្រោះថ្នាក់៕

អត្ថបទ៖ ប៊ុន សុភាព

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

សេចក្ដីជូនដំណឹង៦ ម៉ោង មុន

អ្នកឧកញ៉ា ឡេង ណាវ៉ាត្រា គោរពអរគុណដល់មេបញ្ជាការកងទ័ពជើងទឹក ដែលសម្រួលការថតចម្រៀង( ប្រាំសីហាការដ្ឋានប្រវត្តិសាស្រ្តហ្វូណនតេជោ )

ព័ត៌មានជាតិ៦ ម៉ោង មុន

​ប្រហុក​ខ្មែរ​កែច្នៃ​កាន់តែ​ទំនើប​មួយ​ថ្ងៃ​បាន ១ តោន កំពុង​ពង្រឹង​លទ្ធភាព​នាំ​ចេញទៅ​ក្រៅ​ប្រទេស

ព័ត៌មានជាតិ៧ ម៉ោង មុន

លោក ផន ផល្លា បដិសេធថា មិនត្រូវបានសមត្ថកិច្ចហៅទៅ «អប់រំ»ទេ តែអាជ្ញាធរប្រកាសថាបាន«អប់រំ» និងឳ្យធ្វើ«កិច្ចសន្យា»

សេចក្ដីជូនដំណឹង៨ ម៉ោង មុន

ឡេង ណា​វ៉ា​ត្រា គោរព​អរគុណ​ដល់​ក្រសួង​ដែនដី​សម្រួល​ការថត​ចម្រៀង​( ប្រាំ​សីហា​ការដ្ឋាន​ប្រវត្តិសាស្ត្រ​ហ្វូណន​តេ​ជោ

ព័ត៌មានជាតិ៩ ម៉ោង មុន

កម្ពុជា-ចិន បើក​កិច្ចប្រជុំ​លើក​ទី​១១ ដើម្បី​ពង្រឹង​ការងារ​ប្រយុទ្ធប្រឆាំង​គ្រឿងញៀន

ព័ត៌មានជាតិ៩ ម៉ោង មុន

សមត្ថកិច្ចថា បានហៅលោក ផន ផល្លា ទៅអប់រំ ធ្វើកិច្ចសន្យាឱ្យឈប់បង្ហោះអ្វីដែលងាយយល់ច្រឡំ ប៉ះពាល់សន្តិសុខជាតិ

ជីវិតកម្សាន្ដ១៤ ម៉ោង មុន

ព្រឺរោម!! វីដេអូចម្រៀងប្រវត្តិសាស្ត្រ នៃកាបើកការដ្ឋានព្រែកជីកហ្វូណនតេជោ ដែលមានអ្នកច្រៀងរួមគ្នា ជាង៣០០០នាក់

ព័ត៌មានអន្ដរជាតិ១៨ ម៉ោង មុន

ជម្លៀស​ខ្លួន​ប្រជាជននៅ​កោះត្រល់ ក្រោយ​ភ្លៀង​ធ្លាក់​ខ្លាំង​១២​ម៉ោង​ជាប់​គ្នា

ព័ត៌មានជាតិ១២ ម៉ោង មុន

បុរស២នាក់ បើកបរក្នុងស្ថានភាពស្រវឹងបុកបង្គោលភ្លើង ក្រឡាប់រថយន្តរងរបួសស្រាល

ចរាចរណ៍២២ ម៉ោង មុន

រថយន្តធំ៣គ្រឿងបុកគ្នាពេញទំហឹង បណ្ដាលឲ្យមនុស្ស៣នាក់របួសធ្ងន់ស្រាល

Sokha Hotels

ព័ត៌មានពេញនិយម