Connect with us

ព័ត៌មានជាតិ

ក្រសួងព័ត៌មាន និងក្រសួងទេសចរណ៍ ចាប់ដៃគ្នា ដើម្បីផ្សាយពីវិស័យទេសចរណ៍កម្ពុជាឱ្យសម្បូរបែបជាងមុន

បានផុស

នៅ

នៅព្រឹកថ្ងៃទី២១ ខែមិថុនា នេះ ក្រសួងព័ត៌មាន និងក្រសួងទេសចរណ៍ បានចុះអនុស្សរណៈយោគយល់ជាផ្លូវការលើកិច្ចសហប្រតិបត្តិការផលិត និងផ្សព្វផ្សាយព័ត៌មាន រួមទាំងព្រឹត្តិការណ៍នានានៅលើបណ្តាញផ្សព្វផ្សាយគ្រប់ប្រភេទទាំងអស់របស់ក្រសួងព័ត៌មាន ដើម្បីឱ្យប្រជាជនបានដឹងពីភាពសម្បូរបែបនៃវិស័យទេសចរណ៍នៅកម្ពុជា។ ពិធីចុះហត្ថលេខាបានប្រព្រឹត្តឡើងក្រោមអធិបតីរបស់ លោក នេត្រ ភក្ត្រា រដ្ឋមន្ត្រីក្រសួងព័ត៌មាន និងលោក សុខ សូកេន រដ្ឋមន្ត្រីក្រសួងទេសចរណ៍ នាសាលចតុម្មុខមង្គលទីស្តីការក្រសួងព័ត៌មាន។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

អនុស្សរណៈនៃការយោគយល់នេះត្រូវបាន រៀបចំឡើងក្នុងគោលបំណងសហការផលិត ផ្សព្វផ្សាយមាតិកាព័ត៌មានគ្រប់ទម្រង់របស់ក្រសួងទេសចរណ៍ ឱ្យកាន់តែសម្បូរបែប ទាន់ពេលវេលា និង ប្រកបដោយគុណភាព សំដៅបញ្ជ្រាបការយល់ដឹងរបស់ប្រជាពលរដ្ឋលើវិស័យទេសចរណ៍នៅកម្ពុជា នៅលើប្រព័ន្ធផ្សព្វផ្សាយគ្រប់ប្រភេទទាំងអស់របស់ក្រសួងព័ត៌មាន ទាំងបុរាណ និងទំនើប រួមទាំងបណ្តាញទំនាក់ទំនងសង្គមដទៃទៀតរបស់ក្រសួងព័ត៌មាន សំដៅពង្រីក និងពង្រឹងវិសាល ភាពការផ្សព្វផ្សាយព័ត៌មានរបស់ស្ថាប័នសាធារណៈទៅកាន់មជ្ឈដ្ឋានជាតិ និងអន្តរជាតិ។

គួរឱ្យដឹងថា  អនុស្សរណៈនៃកិច្ចសហប្រតិបត្តិការរវាងក្រសួងព័ត៌មាន និងក្រសួងទេសចរណ៍ មានសារៈសំខាន់ ហើយជាវប្បធម៍នៃកិច្ចសហការក្នុងក្របខណ្ឌនៃក្រសួង ស្ថាប័នរួម ក្រោមអភិក្រមរបស់រាជរដ្ឋាភិបាលគឺប្រពន្ធ័ “ ជីវភាពនៃប្រព័ន្ធតូអង្គតែមួយ “ មានន័យថា ក្រសួង ស្ថាប័ន នៅក្រោមរាជរដ្ឋាភិបាល គឺបំពេញការងារមិនជាន់គ្នានោះទេ ហើយបំរើឱ្យគ្នាទៅវិញទៅមក ដើម្បីឈានទៅសម្រេចគោលនយោបាយរួមតែមួយរបស់រាជរដ្ឋាភិបាលកម្ពុជា។

ក្នុងឱកាសនោះ លោករដ្ឋមន្ត្រីក្រសួងព័ត៌មាន​ លើកឡើងថា កិច្ចសហការដ៏មានសារៈសំខាន់នេះធ្វើឡើងព្រោះវិស័យទេសចរណ៍ ជាវិស័យមួយចូលរួមក្នុងកំណើនសេដ្ឋកិច្ចរបស់ជាតិ ដូច្នេះទាមទារឱ្យមានការផ្សព្វផ្សាយបានទូលំទូលាយ ពីសក្តានុពលទេសចរណ៍ ក៏ដូចជាទិសដៅទេសចរណ៍ និងផ្នែកផ្សេងៗទៀតនៅក្នុងវិស័យទេសចរណ៍។

 លោករដ្ឋមន្រ្តីក្រសួងព័ត៌មាន រំលឹកថា ទោះបីកន្លងមកមិនទាន់មានការចុះអនុស្សរណៈនេះក្តី តែក្រសួងព័ត៌មាន និងប្រព័ន្ធផ្សព្វផ្សាយរបស់ជាតិទាំងអស់ បានធ្វើសកម្មភាពក្នុងការចូលរួមផ្សព្វផ្សាយទាក់ទងវិស័យទេសចរណ៍ មានភាពសកម្ម ដើម្បីឱ្យប្រជាពលរដ្ឋបានដឹងពីសក្តានុពលនៃវិស័យទេសចរណ៍នៅកម្ពុជា មានអ្វីខ្លះ ហើយអ្វីខ្លះដែលអាចទាក់ទាញភ្ញៀវទេសចរពីក្រៅប្រទេស ចូលមកកម្ពុជា ។

រដ្ឋមន្រ្តីក្រសួងព័ត៌មាន បានគូសបញ្ជាក់ថា ក្នុងរយៈពេលកន្លងមក រាជរដ្ឋាភិបាល ក្រសួង ស្ថាប័ននានា បានធ្វើកិច្ចការងារយ៉ាងច្រើន ហើយសម្រេចបានលទ្ធផលជាបន្តបន្ទាប់ តែការផ្សព្វផ្សាយមិនសូវរស់រវើក មិនបានទូលំទូលាយ ដើម្បីឱ្យប្រជាពលរដ្ឋបានដឹង ដូច្នេះហើយជាជំហានទៅមុខទៀត ក្រសួងព័ត៌មាន នឹងពង្រឹងកិច្ចសហការជាមួយ ក្រសួង ស្ថាប័ន នានាចំណុះឱ្យរាជរដ្ឋាភិបាល ដើម្បីជួយធ្វើការផ្សព្វផ្សាយពីផែនការសកម្មភាព និងសមិទ្ធិផលនានាដែលសម្រេចបាននាពេលកន្លងមក ដាក់ចុះនូវគោលនយោបាយ និងទិសដៅបន្តទៅមុខទៀត ដើម្បីបញ្ជ្រាបទៅឱ្យប្រជាពលរដ្ឋបានដឹងទទួលបានព័ត៌មានគ្រប់ជ្រុងជ្រោយពីផែនការសកម្មភាពការងារដែលរាជរដ្ឋាភិបាលបានដាក់ចុះ ដែលជាមូលដ្ឋានគ្រឹះមួយក្នុងការកសាងជំនឿទុកចិត្តរបស់ប្រជាពលរដ្ឋ មកលើការដឹកនាំដ៏ត្រឹមត្រូវរបស់រាជរដ្ឋាភិបាលកម្ពុជា។

សម្រាប់លោក សុខ សូកេន រដ្ឋមន្រ្តីក្រសួងទេសចរណ៍ បានចាត់ទុកការចុះអនុស្សរណៈនាឱកាស គឺមានសារសំខាន់ ដែលជាជំហានថ្មីមួយក្នុងការរួមចំណែកដល់ការផ្សព្វផ្សាយសក្តានុពល ទេសចរណ៍កម្ពុជា ក៏ដូចជាជំរុញការអភិវឌ្ឍវិស័យទេសចរណ៍ផងដែរ។ ដោយឡែក គោលបំណង នៃអនុស្សរណៈនៃការយោគយល់គ្នានេះ គឺដើម្បីផ្សព្វផ្សាយឱ្យបានកាន់តែទូលំទូលាយនូវ សកម្មភាពពាក់ព័ន្ធនឹងវិស័យទេសចរណ៍ឱ្យបានលឿន រហ័ស និងទាន់ពេលវេលា ប្រកបដោយ គុណភាព ទៅដល់សាធារណៈជនទូទៅ។

លោក រដ្ឋមន្ត្រីក្រសួងទេសចរណ៍ បានថ្លែងអំណរគុណដល់ លោករដ្ឋមន្ត្រីក្រសួងព័ត៌មាន ដែលតែងតែបានផ្តល់កិច្ចសហការយ៉ាងល្អ ក្នុងការផ្សព្វផ្សាយអំពីវិស័យទេសចរណ៍ ដែលពិតជាបានរួមចំណែកយ៉ាងសំខាន់ ក្នុងការផ្តល់ព័ត៌មានជាក់លាក់ពីព្រឹត្តិការណ៍ សំខាន់ៗនៃការអភិវឌ្ឍក្នុងវិស័យទេសចរណ៍កម្ពុជាទៅដល់មជ្ឈដ្ឋានទូទៅ។

លោក រដ្ឋមន្ត្រី សុខ សូកេន បានជម្រាបជូនថាក្រសួងទេសចរណ៍ បានដាក់ចេញផែនការអភិវឌ្ឍវិស័យទេសចរណ៍កម្ពុជា ដោយមានចក្ខុវិស័យច្បាស់លាស់ «ដើម្បីរួមចំណែកដល់ការលើកកម្ពស់កិត្យានុភាព និងភាពធន់របស់កម្ពុជា តាមរយៈការប្រែក្លាយកម្ពុជាទៅជាគោលដៅទេសចរណ៍ឈានមុខ ប្រកបដោយភាពសម្បូរបែប ពោរពេញដោយកាលានុវត្តភាព និងភាពកក់ក្តៅ»។   

ដើម្បីសម្រេចបាននូវចក្ខុវិស័យខាងលើ ក្រសួងទេសចរណ៍ក៏បានដាក់ចេញបេសកកម្មសម្រាប់ កសាងបរិស្ថាន ដែលមានលក្ខណៈអំណោយផលដល់ទេសចរណ៍កម្ពុជា ក្នុងការប្រែក្លាយកម្ពុជា ជាគោលដៅទេសចរណ៍ ប្រកបដោយភាពរស់រវើក ធានាបាននូវឧត្តមភាព ភាពប្រកួតប្រជែង ចីរភាព និងបរិយាបន្ន តាមរយៈការដាក់ចេញ និងជំរុញការអនុវត្តឱ្យបានពេញលេញនូវគំនិត ផ្តួចផ្តើមយុទ្ធសាស្ត្រ «បង្កើន៥ និងអភិវឌ្ឍ៣» ដែលកំពុងដើរតួនាទីយ៉ាងសំខាន់ក្នុងការជំរុញការអនុវត្តការងាររបស់មន្ត្រីក្រសួងទេសចរណ៍ គ្រប់លំដាប់ថ្នាក់ និងសម្រាប់កិច្ចសហប្រតិបត្តិការ ជាមួយគ្រប់ដៃគូពាក់ព័ន្ធទាំងអស់ក្នុងគោលដៅបង្កើនប្រសិទ្ធភាព សុខុដុមនីយកម្មក្នុងការងារ ការសម្របសម្រួលរវាងក្រសួងស្ថាប័នពាក់ព័ន្ធ និងតួអង្គទាំងអស់ ដែលមានតួនាទីចូលរួម អភិវឌ្ឍន៍វិស័យទេសចរណ៍កម្ពុជា៕

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ៤ ម៉ោង មុន

តំណាងរាស្ត្រខេត្តរតនគិរី ឱ្យពលរដ្ឋនៅក្បែរទន្លេស្រែពកប្រុងប្រយ័ត្ន និងត្រៀមខ្លួនទៅរកទីទួលសុវត្ថិភាព បើភ្លៀងបន្តធ្លាក់ខ្លាំង

សន្តិសុខសង្គម៤ ម៉ោង មុន

តូចចិត្ត​ខ្លួនឯង​មាន​ជំងឺ​ប្រចាំ​កាយ យក​កូនកាំបិត​ចាក់​សម្លាប់​ខ្លួន​ក្នុង​បន្ទប់

ព័ត៌មានជាតិ៦ ម៉ោង មុន

ទូតស្រីលង្ការចប់អាណត្តិការងារ ប្ដេជ្ញាបន្តជួយផ្សព្វផ្សាយអំពីសក្ដានុពលកម្ពុជាដល់ប្រជាជនស្រីលង្កា

ព័ត៌មានជាតិ៦ ម៉ោង មុន

ជលផលខេត្តកំពង់ចាមបង្ក្រាបលូស្បៃម៉ុងបានចំនួន៩មាត់ នៅស្រុកកងមាស

ព័ត៌មានអន្ដរជាតិ៨ ម៉ោង មុន

ជន​ចំណាកស្រុក​​រាប់ពាន់​នាក់​សម្រុក​ចូល​ទឹក​ដីអាមេរិក​ឲ្យ​បាន​មុនការបោះឆ្នោត​

កីឡា១៤ ម៉ោង មុន

ភរិយាលោកគ្រូ អេ ភូថង ចេញសារ​សុំទោស​រឿង​តវ៉ាម្សិលមិញ

ព័ត៌មានអន្ដរជាតិ១៥ ម៉ោង មុន

ត្រួសៗ​អំពីលោកស្រី កាម៉ាឡា ហារីស ដែលលោក បៃដិន គាំទ្រជា​បេក្ខភាព​ប្រធានាធិបតី​អាមេរិក

ព័ត៌មានជាតិ១០ ម៉ោង មុន

តេស្ដរកសារធាតុញៀន៖ មនុស្ស៩៧នាក់ប៉ុណ្ណោះបានប្រើសារធាតុញៀន ក្នុងចំណោមមន្ត្រី និងកងកម្លាំងជាង៩ម៉ឺននាក់

ព័ត៌មានអន្ដរជាតិ១២ ម៉ោង មុន

អាជ្ញាធរ​ម៉ាឡេស៊ី ស្ទាក់ចាប់​នាវា​ដឹក​ប្រេង​ដែលរត់​គេច ក្រោយ​បុក​គ្នានាវា​សិង្ហបុរី​

ព័ត៌មានអន្ដរជាតិ៩ ម៉ោង មុន

បៃដិនដកខ្លួន មាន​ន័យថា លោក​ ​ត្រាំ​ ​ជួប​គ្រោះ​ធំក្នុងដំណើរ​ទៅ​​អង្គុយ​​កៅអីសេតវិមាន​​​​ជាថ្មី​​

Sokha Hotels

ព័ត៌មានពេញនិយម