ព័ត៌មានអន្ដរជាតិ
កូរ៉េខាងត្បូង ពិចារណាឲ្យអាវុធទៅអ៊ុយក្រែន ក្រោយមូស្គូ និងព្យុងយ៉ាង ចុះកិច្ចព្រមព្រៀងយុទ្ធសាស្ត្រ
រដ្ឋាភិបាលក្រុងសេអ៊ូល កាលពីថ្ងៃទី២០ ខែមិថុនា ឆ្នាំ២០២៤ បានប្រកាសថា ខ្លួននឹងពិចារណាលើរឿងបញ្ជូនសព្វាវុធឲ្យប្រទេសអ៊ុយក្រែន ដែលនេះគឺជាកំណែទម្រង់គោលនយោបាយដ៏ធំមួយ បន្ទាប់ពីរុស្ស៊ី និងកូរ៉េខាងជើង បានចុះកិច្ចព្រមព្រៀងយុទ្ធសាស្ត្រការពារគ្នា សម្រាប់ព្រឹត្តិការណ៍សង្គ្រាម។
ការប្រកាសរបស់ការិយាល័យប្រធានាធិបតីកូរ៉េខាងត្បូងនេះ ធ្វើឡើងប៉ុន្មានម៉ោងក្រោយពីសារព័ត៌មានកូរ៉េខាងជើង KCNA បានចុះផ្សាយលម្អិតពីកិច្ចព្រមព្រៀងរវាងប្រទេសសម្ព័ន្ធមិត្តទាំង២ ដែលបង្កើតទំនាក់ទំនងកាន់តែជិតស្និទ្ធបំផុតមិនធ្លាប់មាន គិតចាប់តាំងពីការបញ្ចប់សង្គ្រាមត្រជាក់មកម៉្លេះ។ កិច្ចព្រមព្រៀងរវាងរុស្ស៊ី និងកូរ៉េខាងជើង បានចែងថា សម្ព័ន្ធមិត្តទាំង២ នឹងជួយគ្នាទៅវិញទៅមកដោយត្រូវប្រើគ្រប់មធ្យោបាយទាំងអស់ភ្លាមៗ ដើម្បីផ្ដល់ជាជំនួយយោធា បើប្រទេសណាមួយត្រូវបរទេសឈ្លានពាន។ យ៉ាងណាមិញ ការជួយគ្នានេះ ត្រូវធ្វើឡើងក្រោមច្បាប់ប្រទេសទាំង២ និងតាមមាត្រា ៥១ នៃធម្មនុញ្ញអង្គការសហប្រជាជាតិ ដែលស្ដីពីសិទ្ធិការពារខ្លួន។
លោក Yoon Suk Yeol ប្រធានាធិបតីកូរ៉េខាងត្បូង បានចេញសេចក្ដីថ្លែងការណ៍ថ្កោលទោសចំពោះកិច្ចព្រមព្រៀង ដែលធ្វើឡើងអំឡុងដំណើរទស្សនកិច្ចរបស់លោក វ៉្លាឌឺមៀរ ពូទីន មេដឹកនាំរុស្ស៊ី នៅក្រុងព្យុងយ៉ាង កាលពីថ្ងៃទី១៩ ខែមិថុនាកន្លងទៅ។ លោក Yoon Suk Yeol បានចាត់ទុកថា វាជាការគំរាមកំហែងចំពោះសន្តិសុខជាតិប្រទេសកូរ៉េខាងត្បូង និងជាការបំពានច្បាប់ក្រុមប្រឹក្សាសន្តិសុខអង្គការសហប្រជាជាតិ ព្រមទាំងធ្វើឲ្យទំនាក់ទំនងការទូតរវាងក្រុងសេអ៊ូល និងក្រុងមូស្គូ មានផលប៉ះពាល់អវិជ្ជមាន។
ប្រធានាធិបតីកូរ៉េខាងត្បូង បាននិយាយទៀតថា “វាជារឿងមិនសមហេតុផល ដែលភាគីធ្លាប់មានប្រវត្តិបង្កើតសង្គ្រាមឈ្លានពាន គឺសង្គ្រាមកូរ៉េ និងសង្គ្រាមនៅអ៊ុយក្រែន បែរជាឥឡូវនេះកំពុងធ្វើកិច្ចសហប្រតិបត្តិការយោធាទ្វេភាគីលើរឿងត្រូវរងការវាយប្រហារពីសហគមន៍អន្តរជាតិទៅវិញ ដែលទាំងរឿងនេះមិនអាចកើតឡើងបានទាល់តែសោះ”។
លោក Chang Ho-jin ទីប្រឹក្សាសន្តិសុខជាតិកូរ៉េខាងត្បូង បាននិយាយថា ក្រុងសេអ៊ូល នឹងពិចារណាឡើងវិញលើបញ្ហាផ្គត់ផ្គង់អាវុធឲ្យទៅអ៊ុយក្រែន សម្រាប់វាយប្រហារទៅលើការឈ្លានពានរបស់រុស្ស៊ី។ កន្លងមក កូរ៉េខាងត្បូង ធ្លាប់ផ្ដល់នូវការគាំទ្រនានា និងជំនួយមនុស្សធម៌ឲ្យអ៊ុយក្រែន តែចំពោះគ្រឿងសព្វាវុធគឺមិនធ្លាប់ផ្ដល់ឲ្យនោះទេ ដោយហេតុថា ក្រុងសេអ៊ូលមានគោលនយោបាយតាំងពីដើម គឺមិនផ្គត់ផ្គង់សព្វាវុធឲ្យប្រទេសដែលកំពុងកើតមានជម្លោះប្រដាប់អាវុធឡើយ។
ជាការឆ្លើយតប លោក ពូទីន បាននិយាយថា ការសម្រេចចិត្តរបស់កូរ៉េខាងត្បូងនេះ គឺជាការកសាងកំហុសដ៏ធំបំផុត ក្នុងគោលនយោបាយរបស់ខ្លួន ហើយរុស្ស៊ីអាចនឹងចាត់វិធានការប្រឆាំង ប្រសិនបើកូរ៉េខាងត្បូងពិតជាហ៊ានឲ្យអាវុធទៅអ៊ុយក្រែនប្រាកដមែន។ មេដឹកនាំរុស្ស៊ី បន្តថា ក្រុងសេអ៊ូលមិនគួរព្រួយបារម្ភឡើយអំពីកិច្ចព្រមព្រៀងនេះ ប្រសិនបើខ្លួនមិនមានបំណងឈ្លានពានប្រឆាំងនឹងក្រុងព្យុងយ៉ាងនោះទេ៕
ដោយ៖ ឈាង
ស៊ីម៉ាក់ បំផ្ទុះគ្រាប់បែកចង្កោម សេសស់ពីសង្គ្រាម១២០គ្រាប់ ក្រោយរកឃើញក្នុងរណ្ដៅ
ទិវាចងចាំនឹងប្រារព្ធឡើង ក្នុងកម្រិតធំជាងឆ្នាំមុន ដោយមានអង្គទូត និង ពលរដ្ឋចូលរួមជិត១ម៉ឺននាក់
កូនស្វាដ៏កម្រ ស្ទើរផុតពូជ៣ក្បាល ត្រូវពលរដ្ឋសង្រ្គោះរួចប្រគល់ជូនជំនាញមន្ទីរបរិស្ថាន
ដំណើរជិះកង់សប្បុរសធម៌ តារារិទ្ធ ត្រូវចាត់ទុកជាបេសកកម្មដ៏មានតម្លៃ និងបានការយកចិត្តទុកដាក់ពីរដ្ឋមន្ត្រីព័ត៌មាន
ខេត្តភូកេតប្រទេសថៃប្រកាសអាសន្នទឹកជំនន់
រតនគិរី៖ ជនជាតិដើមភាគតិច ស្នើរដ្ឋាភិបាលសាងសង់ស្ពានឆ្លងកាត់ទន្លេសម្រួលដល់ការធ្វើដំណើរ
រថយន្តក្រុងរដ្ឋដឹកអ្នកដំណើរជាង៥០នាក់ ធ្លាក់ចូលជ្រលងភ្នំនៅស្រីលង្កា មិនទាន់ដឹងមូលហេតុ
ហ្សេលេនស្គី ព្រមជួបពូទីន ទល់មុខ នៅតួកគី តែមានលក្ខខណ្ឌមួយ
ពលរដ្ឋ ថា ទុរេនមួនថងវៀតណាម លក់ជាច្រើនកន្លែងក្នុងខេត្តត្បូងឃ្មុំ តែគ្មានការត្រួតពិនិត្យ
រុស្ស៊ីប្រើដ្រូនជាង១០០គ្រឿងវាយអ៊ុយក្រែន មិនខ្វល់ពីការគំរាមនិងបទឈប់បាញ់អឺរ៉ុប
-
ព័ត៌មានអន្ដរជាតិ៦ ថ្ងៃ agoប៉ាគីស្ថានបាញ់ទម្លាក់យន្តហោះចម្បាំងឥណ្ឌា៥គ្រឿង ខណៈជនស៊ីវិលស្លាប់កើនឡើងជាបន្ត
-
ជីវិតកម្សាន្ដ២ ថ្ងៃ agoមាស សុខសោភា ស្នើមហាជនទុកផ្លូវឱ្យខ្លួននិងតាសក់ស ក្រោយដឹងរឿងអតីតស្វាមីប្តឹង និងនៅតែមានការវែកញែក
-
ព័ត៌មានជាតិ៥ ថ្ងៃ agoស្នងការខេត្តកំពង់ធំអះអាងថា ការចោទប្រកាន់របស់លោក សុន ឆ័យ គឺជាការបំផ្លើស គ្មានមូលដ្ឋានច្បាស់លាស់
-
ព័ត៌មានអន្ដរជាតិ៦ ថ្ងៃ agoត្រាំ ងាកទៅរកមេដឹកនាំដ៏មានឥទ្ធិពលមួយរូប ឲ្យជួយបញ្ចប់សង្គ្រាម រុស្ស៊ី-អ៊ុយក្រែន
-
ព័ត៌មានជាតិ៥ ថ្ងៃ agoអាជ្ញាធរខណ្ឌ៧មករា ទុកឱសានវាទ៣ថ្ងៃ ដល់ក្រុមអាជីវករលក់ទុរេន នៅផ្លូវព្រះសីហនុ បង្កភាពអនាធិបតេយ្យ
-
ព័ត៌មានអន្ដរជាតិ៧ ថ្ងៃ agoរុស្ស៊ី បិទព្រលានយន្តហោះធំទាំងអស់នៅមូស្គូ ក្រោយអ៊ុយក្រែន បញ្ជូនដ្រូនវាយប្រហារទ្រង់ទ្រាយធំ ២យប់ជាប់គ្នា
-
ព័ត៌មានអន្ដរជាតិ៤ ថ្ងៃ agoខែលអាកាសដែលឥណ្ឌាប្រើបាញ់ដ្រូនប៉ាគីស្ថាន តាមពិតលួចទិញពីរុស្ស៊ីក្នុងតម្លៃជាង៥ពាន់លានដុល្លារ
-
ព័ត៌មានអន្ដរជាតិ៦ ថ្ងៃ agoរឿងកាន់តែធំ! ប៉ាគីស្ថាន ថា ជនស៊ីវិលស្លាប់កើនដល់៣១នាក់ ខណៈយន្តហោះមួយគ្រឿងធ្លាក់នៅ ឥណ្ឌា