ព័ត៌មានជាតិ
ច្បាស់ពីមូលហេតុ ឯកឧត្តម ហ៊ុន ម៉ានី មិនអាចចាក់វ៉ាក់សាំងកូវីដបាន នៅព្រឹកមិញនេះ
ឯកឧត្តម ហ៊ុន ម៉ានី បានបញ្ជាក់ពីមូលហេតុដែលមិនអាចចាក់វ៉ាក់សាំងកូវីដក្នុងយុទ្ធនាការនៅព្រឹកមិញនេះ បើទោះបីលោកបានមកពិនិត្យសុខភាពដើម្បីត្រៀមចាក់នៅថ្ងៃដំបូងក៏ដោយ។
ឯកឧត្តមបានថ្លែងបញ្ជាក់យ៉ាងដូច្នេះថា៖ “ព្រឹកនេះ ខ្ញុំបានមកពិគ្រោះដើម្បីទទួលបានការចាក់វ៉ាក់សាំងកូវីដ១៩ នៅមន្ទីរពេទ្យកាល់ម៉ែត្រ។ ប៉ុន្តែដោយស្ថានភាពខ្ញុំកំពុងមានជំងឺផ្តាសាយធំ ក្រុមគ្រូពេទ្យបានណែនាំឱ្យខ្ញុំរង់ចាំ២សប្តាហ៍សិន ទើបអាចឱ្យខ្ញុំទទួលការចាក់វ៉ាក់សាំងនេះបាន។ ប៉ុន្តែទោះជាយ៉ាងណាក្តី ឥស្សរជន និងថ្នាក់ដឹកនាំដទៃទៀតដែលបំពេញលក្ខខ័ណ្ឌ បានចាប់ផ្តើមចាក់វ៉ាក់សាំងនេះបន្តបន្ទាប់ហើយ។
ទោះបីជាខនខានប្រធានគណៈកម្មការទី៧ ទទួលបន្ទុកអប់រំ យុវជន កីឡា ធម្មការ និងកិច្ចការសាសនា វប្បធម៌ និងទេសចរណ៍ នៃរដ្ឋសភា បានវាយតម្លៃខ្ពស់ចំពោះភាពគត់មត់របស់ក្រុមគ្រូពេទ្យជំនាញ ដែលបានបំពេញភារកិច្ចប្រកបដោយវិជ្ជាជីវៈខ្ពស់។
ជាមួយគ្នានេះ លោកក៏ថ្លែងអំណរគុណចំពោះរាជរដ្ឋាភិបាលកម្ពុជា ដែលបានសម្រេចចិត្តផ្តល់ឱកាសឲ្យថ្នាក់ដឹកនាំវ័យក្មេង រួមនឹងអ្នកដែលងាយនឹងរងគ្រោះដទៃទៀត បានចាក់នូវវ៉ាក់សាំងនេះ ដោយឥតគិតថ្លៃ និងឈរលើគោលការណ៏ស្ម័គ្រចិត្ត ក្រោយពីបានសិក្សា និងវាយតម្លៃច្បាស់លាស់ពីប្រិសិទ្ធភាពនៃវ៉ាក់សាំងនេះ។
យ៉ាងណាមិញដូចការគ្រោងទុក កូនប្រុសសម្តេចតេជោហ៊ុន សែនពីររូបទៀតគឺឯកឧត្តម ហ៊ុន ម៉ាណែត និងឯកឧត្តមហ៊ុន ម៉ានិត រួមទាំងកូនប្រសារ និងឥស្សរជនជាន់ខ្ពស់ក្នុងជួររដ្ឋាភិបាលជាច្រើនរូប បានចាប់ផ្តើមចាក់វ៉ាក់សាំងនៅព្រឹកមិញនេះនៅមន្ទីរពេទ្យកាល់ម៉ែត។
ការចាក់វ៉ាក់សាំងកូវីដ ១៩ របស់ក្រុមហ៊ុន Sinopharm លើឥស្សរជនជាន់ខ្ពស់ ស្របតាមការអំពាវនាវរបស់រដ្ឋាភិបាលក្នុងយុទ្ធនាការជំរុញពលរដ្ឋចូលរួមទប់ស្កាត់ការចម្លងជំងឺកូវីដក្នុងប្រទេសកម្ពុជា៕
អត្ថបទ៖ ប៊ុណ្ណារ៉ា
-
ព័ត៌មានអន្ដរជាតិ៣ ថ្ងៃ ago
កម្ពុជា ជាមេកន្ទ្រាញគ្រងលើអត្រាស្ទុះងើបឡើងវិញនៃវិស័យទេសចរណ៍ខ្ពស់ជាងគេនៅអាស៊ាន
-
KPT+២ ថ្ងៃ ago
ខ្លះៗពីទិវាកុហក ១ មេសា ឬ April Fools’ Day
-
ព័ត៌មានជាតិ៣ ថ្ងៃ ago
មន្ត្រីរាជការ កងកម្លាំងប្រដាប់អាវុធ ពាក់ព័ន្ធការទន្ទ្រានយកដីរដ្ឋ នឹងត្រូវបញ្ចប់តួនាទី
-
ចរាចរណ៍៥ ថ្ងៃ ago
បឋម៖ រថភ្លើងបុករថយន្ដក្រុងដឹកអ្នកដំណើររបួសច្រើននាក់
-
ព័ត៌មានជាតិ២ ថ្ងៃ ago
ក្រុមហ៊ុនអ្នកឧកញ៉ា គិត ម៉េង ប្រកាសបង្កើតតំបន់សេដ្ឋកិច្ចពិសេសថ្មីមួយទៀតនៅខេត្តកណ្តាល
-
ព័ត៌មានអន្ដរជាតិ១ ថ្ងៃ ago
អ៊ីស្រាអែល វាយប្រហារកម្ទេចស្ថានកុងស៊ុលអ៊ីរ៉ង់ សម្លាប់ទាំងមេទ័ពកំពូល
-
ព័ត៌មានអន្ដរជាតិ១ សប្តាហ៍ ago
លម្អិតហេតុការណ៍រន្ធត់ កប៉ាល់ដឹកកុងតឺន័រ បុកបាក់ស្ពាននៅទីក្រុង Baltimore
-
ព័ត៌មានជាតិ១ សប្តាហ៍ ago
ផ្លូវប្របមាត់ព្រែកពីគល់ស្ពានថ្មីដល់ស្ពានចាស់ រួមជាមួយសួនកម្សាន្ត និងលេចរូបរាងឆាប់ៗក្នុងខេត្តកំពត