ព័ត៌មានជាតិ
ស្រាយចម្ងល់ពេលឃើញខ្សែទឹកទន្លេហូរម្ខាងល្អក់ ម្ខាងថ្លានៅទន្លេចតុមុខ
កាលពីពេលថ្មីៗនេះមានការចែកចាយនៅលើបណ្តាញងសង្គម ពីរូបភាពនៃខ្សែទឹកទន្លេសាបម្ខាង ល្អក់ និងម្ខាងទៀតខ្សែទឹកទន្លេមេគង្គថ្លា។ នៅពេលទឹកទន្លេសាប នឹងទន្លេមេគង្គហូរជួបគ្នានៅរាជធានីភ្នំពេញ ខ្សែទឹកទាំងពីរ មិនហូរចូលគ្នាដោយហូរម្ខាងៗ ដែលទឹកទន្លេសាបមានពណ៌រាងល្អក់ ហើយទឹកទន្លេមេគង្គថ្លា។
លោក ចាន់ យុត្ថា អ្នកនាំពាក្យក្រសួងធនធានទឹក និងឧតុនិយម បានប្រាប់កម្ពុជាថ្មី នៅថ្ងៃទី ១១ ខែកុម្ភៈនេះថា ខ្សែទឹកទន្លេទាំងពីរឆ្លាស់វេនគ្នាល្អកថ្លាតាមរដូវ។ លោកប្រាប់ថា ជួនកាលទឹកទន្លេមេគង្គក៏ល្អក ជួនកាលទឹកទន្លេសាបថ្លា ក្នុងករណីដែលទឹកទន្លេសាបល្អក់ កន្លងមកមានដូចជាកការលាងសម្អាតអាងទឹកដើម្បីជម្រះល្បាប់នោះក៏ធ្វើឲ្យល្អករយៈពេលខ្លី។
អ្នកនាំពាក្យរូបនេះ បញ្ជាក់ថា នៅខាងទន្លេសាប ប្រសិនបើគ្មានសកម្មភាព ឬភ្លៀង គ្មានការលាងល្បាប់អ្វីនោះទេ នៅខែនេះខ្សែទឹកគឺរងថ្លាល្អជាធម្មតា ដែលរបបទឹកទន្លេសាបនៅពេលដែល រដូវវស្សាទឹកហូរចូល គឺនាំដីល្បាប់ចូល ប៉ុន្តែនៅពេលរដូវប្រាំងពេលដែលទឹកហូរចេញមកវិញ ក៏នាំដីល្បាប់ចេញមកវិញដែរ នេះជាកត្តាវិជ្ជមាន។
លោកថ្លែងថា “ប្រសិនបើហូរចូលហើយ អត់ចេញមកវិញ នោះគឺទន្លេសាបឆាប់គោករាក់ ប៉ុន្តែលក្ខណៈពិសេសនៃរបបជលសាស្ត្ររបស់ទន្លេសាបពេលដែលរដូវវស្សាមកដល់គឺហូរចូលនាំល្បាប់ ដែលមានទឹកទន្លេមេគង្គដែលហូរចូលទន្លេសាប ដូច្នេះ ទន្លេសាបមិនងាយនិងគោករាក់ទេ ប្រសិនបើឃើញទឹកល្អកចេញពីទន្លេសាប គឺជាសញ្ញាវិជ្ជមានទៅវិញទេ”។
លោក ចាន់ យុត្ថា អ្នកនាំពាក្យក្រសួងធនធានទឹករូបនេះ បានបញ្ជាក់ថា ទន្លេមេគង្គនៅក្នុងរដូវប្រាំងជាទូទៅគឺទឹកមានសភាពថ្លាល្អ ប៉ុន្តែការដាក់វេនគ្នា ១០ ខែហើយហូរចូលមក ឬមួយក៏ពេលខ្លះមានការលាងល្អាងសម្អាតចេញពីអាងក៏អាចធ្វើឲ្យមានទឹកល្អក់។
នៅពេលរដូវសម្រកទឹកទន្លេនៅបាសាក់ចតុមុខទាបជាងកម្ពស់ទឹកនៅទន្លេសាប មានន័យថាហូរចេញមករវិញ ហើយនាំទាំងល្បាប់មកដែរ។
លោក ចាន់ យុត្ថាប្រាប់ថា ខាងទន្លេមេគង្គក៏ធ្លាប់មានករណីល្អក់ដែរ ដែលមានកត្តាពីរយ៉ាងដែលធ្វើឲ្យល្អកនោះគឺ ទី១ ពេលដែលមានភ្លៀងកក់ខែ ហើយហូរចូលមកទន្លេ បានន័យថាកក់ខែនៅតំបន់ផ្ទៃរងទឹកភ្លៀងរបស់ទន្លេមេគង្គ ហើយភ្លៀងនោះ ហូរចូលមកទន្លេមេគង្គធ្វើឲ្យទឹកទន្លេមមេង្គល្អក់ និងកត្តាទី២ ដោយសារលាងសម្អាតអាងទឹក។
យ៉ាងណាក៏ដោយ ពាក់ព័ន្ធនឹងរូបភាពដែលចែកចាយនៅលើបណ្តាញសង្គម លោកកំពុងឲ្យក្រុមការងារស្រាវជ្រាវ ពីករណីខ្សែទឹកម្ខាងល្អក់ ម្ខាងថ្លានោះ៕
អត្ថបទ៖ ឡេង ដេត
-
កីឡា៧ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ១ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
សន្តិសុខសង្គម១ សប្តាហ៍ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ព័ត៌មានជាតិ៦ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ១ សប្តាហ៍ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង