Connect with us

ព័ត៌មានជាតិ

សម្តេច ម៉ែន សំអន ៖ សមាគមសង្គហៈមិត្ត បង្កើតឡើងដើម្បីធ្វើជាស្ពានដ៏សំខាន់មួយ សម្រាប់ផ្សារភ្ជាប់ទំនាក់ទំនងរវាងអតីតមន្ត្រីរាជការ និងបច្ចុប្បន្ន

បានផុស

នៅ

សម្តេច​កិត្តិ​សង្គហ​បណ្ឌិត ម៉ែន សំអន ឧ​ត្ត​ម​ប្រឹក្សា​ផ្ទាល់​ព្រះមហាក្សត្រ នៃ​ព្រះរាជាណាចក្រ​កម្ពុជា បាន​ថ្លែង​ថា សមាគម​សង្គហៈ​មិត្ត​នេះ បង្កើត​ឡើង ដើម្បី​ធ្វើជា​ស្ពាន​ដ៏​សំខាន់​មួយ​សម្រាប់​ផ្សារភ្ជាប់​ទំនាក់ទំនង​ដ៏​សំខាន់ រវាង​អតីតមន្ត្រី​រាជការ និង​មន្ត្រីរាជការ​បច្ចុប្បន្ន។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

សម្តេច​កិត្តិ​សង្គហ​បណ្ឌិត ម៉ែន សំអន ថ្លែង​បែបនេះ ខណៈពេល​អញ្ជើញ​ជា​អធិបតី​ក្នុង​ពិធី​សំណេះ​សំណាល​ជាមួយ​និវត្តជន​របស់​សមាគម​សង្គហៈ​មិត្ត បុគ្គលិក មន្ត្រីរាជការ នៃ​ក្រសួង​សេដ្ឋកិច្ច និង​ហិរញ្ញវត្ថុ នៅ​សាលាខេត្ត​កំពង់ចាម ថ្ងៃ​សុក្រ ២ កើត ខែបុស្ស ឆ្នាំថោះ បញ្ចស័ក ព​.​ស ២៥៦៧ ត្រូវ​នឹង ថ្ងៃ​ទី ១២ ខែ​មករា ឆ្នាំ ២០២៤។

សម្តេច​កិត្តិ​សង្គហ​បណ្ឌិត បាន​ពាំនាំ​ការ​ផ្ដាំ​សួរសុខទុក្ខ​ពី សម្តេច​តេ​ជោ ហ៊ុន សែន សម្តេច​កិត្តិ​ព្រឹទ្ធ​បណ្ឌិត ប៊ុន រ៉ានី ហ៊ុនសែន និង​សម្តេច​មហា​បវរ​ធិបតី ហ៊ុន ម៉ាណែត ជូន​អង្គ​ពិធី​ទាំងមូល ដោយ​ក្តី​នឹក​រលឹក និង​ការ​គិតគូរ​អំពី​សុខទុក្ខ​ប្រជាពលរដ្ឋ​នៅ​ទូទាំង​ប្រទេស។

យោង​តាម​របាយការណ៍​របស់ លោកស្រី កែវ ចរិយា រដ្ឋលេខាធិការ ប្រធាន​ក្រុមប្រឹក្សាភិបាល​សមាគម​សង្គហៈ​មិត្ត បុគ្គលិក មន្ត្រីរាជការ នៃ​ក្រសួង​សេដ្ឋកិច្ច និង​ហិរញ្ញវត្ថុ គិត​ចាប់​តាំងពី​ឆ្នាំ ២០១១ មកដល់​ដំណាច់​ឆ្នាំ ២០២៣ បាន​អនុវត្ត​បេសកកម្ម​របស់​ខ្លួន​កាន់តែ​ប្រសើរ​ឡើង​ពី​មួយ​ឆ្នាំ​ទៅ​មួយ​ឆ្នាំ ក្នុង​នោះ ទាំង​រចនាសម្ព័ន្ធ​ដឹកនាំ ទាំង​ក្របខណ្ឌ​អនុវត្ត​កាន់តែ​មាន​ភាព​រឹងមាំ​គ្រប់​ជ្រុង​ជ្រោយ និង​ប្រាកដប្រជា ដែល​មាន​ចំនួន​សមាជិក​បាន​កើន​ឡើង​ពី​ចំនួន ១៥៦ រូប នៅ​ឆ្នាំ ២០១១ រហូតដល់ ៦.៩៤១ រូប នៅ​ដើម​ឆ្នាំ ២០២៤។

លោក អ៊ុន ចាន់​ដា បាន​លើក​ឡើង​ថា អតីតកាល នៃ​និវត្តជន គឺជា​ការ​ត្រួសត្រាយ​ផ្លូវ​ដោយ​តម្លៃ នៃ​ការ​ធ្វើ​ពលីកម្ម ឆ្លងកាត់​ការ​លំបាក​គ្រប់​បែបយ៉ាង ដើម្បី​សុខ​សន្តិភាព និង​ការ​អភិវឌ្ឍ​ប្រទេសជាតិ។

សម្តេច​កិត្តិ​សង្គហ​បណ្ឌិត បាន​ថ្លែង​នូវ​ការ​កោតសរសើរ​ដល់​ថ្នាក់ដឹកនាំ​របស់​ក្រសួង​សេដ្ឋកិច្ច និង​ហិរញ្ញវត្ថុ ដែល​បាន​ផ្ដួចផ្ដើម​គំនិត​បង្កើត​នូវ​សមាគម​សង្គហៈ​មិត្ត​នេះ​ឡើង ដើម្បី​ធ្វើជា​ស្ពាន​សម្រាប់​ផ្សារភ្ជាប់​ទំនាក់ទំនង​ដ៏​សំខាន់ រវាង​អតីតមន្ត្រី​រាជការ និង​មន្ត្រីរាជការ​បច្ចុប្បន្ន ដែល​ជា​យន្តការ​ទំនាក់ទំនង ក្រោម​គំនិត​ផ្ដួចផ្ដើម​របស់ លោក​កិត្តិ​បរិរក្ស​បណ្ឌិត គាត ឈន់ អតីត​រដ្ឋមន្ត្រី​ក្រសួង​សេដ្ឋកិច្ច និង​ហិរញ្ញវត្ថុ ដែលជា​ស្ថាបនិក​កិត្តិយស នៃ​សមាគម​សង្គហៈ​មិត្ត​, លោក​បណ្ឌិត​សភាចា​រ្យ អូន ព័ន្នមុនីរ័ត្ន រដ្ឋមន្ត្រី​ក្រសួង​សេដ្ឋកិច្ច និង​ហិរញ្ញវត្ថុ ជា​ប្រធាន​កិត្តិយស សមាគម និង​លោកស្រី កែវ ចរិយា ជា​ប្រធាន​ក្រុមប្រឹក្សាភិបាល។

សម្តេច​កិត្តិ​សង្គហ​បណ្ឌិត ក៏បាន​សូម​លើកទឹកចិត្ត​ដល់​ថ្នាក់ដឹកនាំ​គ្រប់​លំដាប់​ថ្នាក់​ទាំងអស់ នៃ​សមាគម សូម​បន្ត​យកចិត្តទុកដាក់​បន្ថែម​ទៀត ក្នុងការ​បំពេញបេសកកម្ម​ការងារ​ដ៏​មាន​សារៈសំខាន់​នេះ ដោយ​ត្រូវ​បន្ត​បង្កើន​ប្រសិទ្ធភាព នៃ​ការ​បំពេញ​មុខងារ និង​ភារកិច្ច​មាន​លក្ខណៈ​ជា​ប្រព័ន្ធ និង​គ្រប់​ជ្រុងជ្រោយ ក្នុង​ស្មារតី​ទទួលខុសត្រូវ​ខ្ពស់ ដើម្បី​រួមចំណែក​ឱ្យ​រាជរដ្ឋាភិបាល​សម្រេច​បាន​នូវ ”​បង្គោល​ចរ​ឆ្នាំ ២០៣០” គឺ កម្ពុជា ក្លាយ​ជា​ប្រទេស​មាន​ចំណូល​មធ្យម​កម្រិត​ខ្ពស់ និង​បន្ត​គាំទ្រ​ឱ្យ​សម្រេច​បាន ”​ចក្ខុវិស័យ ២០៥០” គឺ កម្ពុជា ក្លាយ​ជា​ប្រទេស​មាន​ចំណូល​ខ្ពស់ និង​បន្ត​ការ​ចុះ​សួរ​សុខ​ទុក្ខ​ដល់​និវត្តន៍​ជន​តាម​លំនៅដ្ឋាន​នីមួយៗ ជា​បន្តបន្ទាប់​ទៀត ដូចជា ៖ ការ​ចុះ​សួរសុខទុក្ខ​និវត្តជន​ដែលមាន​ជំងឺ​នៅតាម​ផ្ទះ​, មាតុភាព​, គ្រោះថ្នាក់​ចរាចរណ៍​, ស្ថានភាព​លំបាក​ផ្សេងៗ​ដូចជា កម្មវិធី​បុណ្យសព​របស់​សមាជិក​ជាដើម​។ បន្ថែម​លើ​នេះ ក្នុង នាម​ខ្ញុំ​ជា​ថ្នាក់ដឹកនាំ​មួយរូប ខ្ញុំ​សូម​ផ្ដាំផ្ញើ​ដល់​មន្ត្រីរាជការ​ដែល​កំពុង​បម្រើ​ការងារ​នៅ​ទូទាំង​ខេត្តកំពង់ចាម និង​ខេត្ត​ត្បូងឃ្មុំ​នេះ សូម​បន្ត​អនុវត្តតាម​គោលនយោបាយ និង​កម្មវិធី កំណែ ទម្រង់​ស្នូល របស់​រាជរដ្ឋាភិបាល រួមមាន​៖ កម្មវិធី​កែទម្រង់ ការគ្រប់គ្រង ហិរញ្ញ វត្ថុ សាធារណៈ​, កម្មវិធី​កែទម្រង់រដ្ឋបាល​សាធារណៈ កម្មវិធី​កំណែ​ទម្រង់ វិមជ្ឈការ និង​វិសហ​មជ្ឈការ ដើម្បី​កសាង និង​អភិវឌ្ឍន៍​សង្គម​កម្ពុជា ឱ្យ​កាន់​តែ​មាន​ការ​រីក ចម្រើន​ជា​លំដាប់។

សម្រាប់​និវត្តជន​ដែល​បាន​ចូលរួម​ថ្ងៃនេះ ក៏បាន​ទទួល​អំណោយ​ពី លោកស្រី អ៊ឹម ប៉ូលីកា អូន ព័ន្ធមុនីរ័ត្ន រួមមាន ៖ បុរស​ទទួល​បាន​ក្រមា ០១ និង​ថវិកា ២០ ម៉ឺន​រៀល ចំណែក​ស្ត្រី​ទទួល​បាន សំពត់ស៊ឹង ០១ ក្បិន និង​ថវិកា ២០ ម៉ឺន​រៀល ផង​ដែរ៕

អត្ថបទ ៖ វិមាន

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

បច្ចេកវិទ្យា១ ម៉ោង មុន

សែលកាត មានវត្តមានក្នុងការបង្ហាញពីសមត្ថភាពលើផ្នែកឌីជីថលរបស់ខ្លួន ក្នុងទិវាជាតិ វិទ្យាសាស្រ្ត បចេ្ចកវិទ្យា និងនវានុវត្តន៍ (STI) លើកទី២

ព័ត៌មានជាតិ១ ម៉ោង មុន

សម្តេច ម៉ែន សំអន៖ កត្តាសន្តិភាពបាននាំមកនូវការរីកចម្រើនទាំងវិស័យពុទ្ធចក្រ និងអាណាចក្រ

ព័ត៌មានជាតិ២ ម៉ោង មុន

ព្រឹកស្អែក សម្ដេចធិបតី ហ៊ុន ម៉ាណែត នឹងដឹកនាំគណៈប្រតិភូទៅបំពេញទស្សនកិច្ចផ្លូវការ នៅប្រទេស​ឡាវ

សេដ្ឋកិច្ច៣ ម៉ោង មុន

មន្ត្រីជាន់ខ្ពស់ធនាគារជាតិ៖ ក្រដាសប្រាក់ ៥ម៉ឺន រៀល មានគូសឆ្នូតកណ្តាលអាចប្តូរយកប្រាក់ថ្មីបានដោយឥតគិតថ្លៃ

ព័ត៌មានជាតិ៣ ម៉ោង មុន

ឯកឧត្តម ហ៊ុន ម៉ានី អញ្ជើញប្រគល់ផ្ទះជាអំណោយរបស់សម្ដេចតេជោ និងសម្តេចកិត្តិព្រឹទ្ធបណ្ឌិត ជូនក្រុមគ្រួសារយុវជន អន ផានិត

Sokha Hotels

ព័ត៌មានពេញនិយម