ព័ត៌មានជាតិ
កម្ពុជា ចូលរួមកិច្ចប្រជុំកំពូល នៃចលនាប្រទេសមិនចូលបក្សសម្ព័ន្ធ នៅសាធារណរដ្ឋអ៊ូហ្គង់ដា
នាព្រឹកថ្ងៃទី១៩ ខែមករា ឆ្នាំ២០២៤ បណ្ឌិតសភាចារ្យ ហង់ជួន ណារ៉ុន ឧបនាយករដ្ឋមន្ត្រី រដ្ឋមន្ដ្រីក្រសួងអប់រំ យុវជន និងកីឡា និងជាតំណាង សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជាណាចក្រកម្ពុជាបាន ដឹកនាំប្រតិភូរដ្ឋាភិបាលកម្ពុជា ចូលរួមថ្ងៃទី១ នៃព្រឹត្តិការណ៍បើកកិច្ចប្រជុំកំពូលលើកទី១៩ នៃចលនាប្រទេសមិនចូលបក្សសម្ព័ន្ធ (19th NAM Summit ) ក្រោមប្រធានបទ “ ពង្រឹងកិច្ចសហប្រតិបត្តិការ ដើម្បីវិបុលភាពរួមក្នុងពិភពលោក “ នៅទីក្រុងកាប៉ាឡា សាធារណរដ្ឋអ៊ូហ្គង់ដា។
ប្រមុខរដ្ឋ និងរដ្ឋាភិបាល នៃចលនាប្រទេសមិនចូលបក្សសម្ព័ន្ធ បានជួបប្រជុំក្រោមអធិបតីភាពរបស់ ឯកឧត្តម Yoweri Kaguta Museveni ប្រធានាធិបតី នៃសាធារណរដ្ឋអ៊ូហ្គង់ដា (ពីថ្ងៃទី ១៩ ដល់ថ្ងៃទី ២០ ខែមករា ឆ្នាំ២០២៤) ដើម្បីពិនិត្យមើលវឌ្ឍនភាព និងការអនុវត្តបទប្បញ្ញត្តិដែលមាននៅក្នុងឯកសារចុងក្រោយដែលបានអនុម័តក្នុងអំឡុងកិច្ចប្រជុំកំពូលលើកទី១៨ នៃចលនា ដែលធ្វើឡើង នៅថ្ងៃទី២៥ ដល់ថ្ងៃទី២៦ ខែតុលា ឆ្នាំ២០១៩ (នៅទីក្រុងបាគូ នៃសាធារណរដ្ឋអាស៊ែបៃហ្សង់) ក្នុងគោលបំណងដោះស្រាយបញ្ហាដែលមានស្រាប់ និងបញ្ហាថ្មីៗមួយចំនួន។
អង្គប្រជុំទាំងមូល អះអាងជាថ្មី នូវគោលជំហរ និងការប្តេជ្ញាចិត្តរបស់ប្រទេសជាសមាជិក ក្នុងការរក្សារនូវឧត្តមគតិរបស់ខ្លួន ឈរលើគោលការណ៍ នៃការបង្កើតពិភពលោកមួយប្រកបដោយសន្តិភាព វិបុលភាព សណ្តាប់ធ្នាប់ យុត្តិធម៌ និងសមធម៌ ក៏ដូចជាគោលបំណង និងគោលការណ៍ដែលបានចែងស្របតាមធម្មនុញ្ញរបស់អង្គការសហប្រជាជាតិ។
នាឱកាសបើកកិច្ចប្រជុំប្រមុខរដ្ឋ និងរដ្ឋាភិបាល ក៏បានកោតសរសើរ និងថ្លែងអំណរគុណចំពោះប្រជាជន និងរដ្ឋាភិបាលនៃសាធារណរដ្ឋអ៊ូហ្គង់ដា ដែលបានរៀបចំបដិសណ្ឋារកិច្ចដ៏ល្អ ធ្វើជាម្ចាស់ផ្ទះ នៃកិច្ចប្រជុំកំពូលលើកទី១៩ នៃប្រមុខរដ្ឋ និងរដ្ឋាភិបាលនៃចលនាមិនចូលបក្សសម្ព័ន្ធនាឱកាសនេះ។
ប្រមុខរដ្ឋ និងរដ្ឋាភិបាល ក៏បានថ្លែងអំណរគុណ ចំពោះ ឯកឧត្តម Ilham Heydar Oghlu Aliyev ប្រធានាធិបតីនៃសាធារណរដ្ឋ Azerbaijan ក្នុងតួនាទីជាប្រធានចលនាមិនចូលបក្សសម្ព័ន្ធ (NAM) សម្រាប់កិច្ចខិតខំប្រឹងប្រែងរបស់លោក ក្នុងអំឡុងឆ្នាំ២០១៩-២០២៤ ដើម្បីលើកកម្ពស់ និងការពារតួនាទី គោលការណ៍ និងផលប្រយោជន៍របស់សមាជិក ក្នុងឆាកអន្តរជាតិ និងពហុភាគី ក៏ដូចជាការពង្រឹងគោលជំហរប្រទេសជាសមាជិក ខណៈជំរុញឱ្យមានឯកភាព និងសាមគ្គីភាពក្នុងចំណោមសមាជិកភាពរបស់ខ្លួន៕
-
សេដ្ឋកិច្ច៦ ថ្ងៃ ago
ធនាគារ SinoPac ទិញយកគ្រឹះស្ថានមីក្រូហិរញ្ញវត្ថុអម្រឹតក្នុងទឹកប្រាក់ជាង៥០០លានដុល្លារ
-
ជីវិតកម្សាន្ដ១ សប្តាហ៍ ago
ក្រោយលែងលះ តារាហុងកុង Roger សល់ទ្រព្យ ១១ លានដុល្លារ ខណៈអតីតភរិយាចុះចេញតែខ្លួន
-
សេដ្ឋកិច្ច៣ ថ្ងៃ ago
គម្រោងសាងសង់ស្ពានតភ្ជាប់ពីខេត្តកំពង់ឆ្នាំង-កំពង់ធំ កំពុងរង់ចាំថវិកាពីចិន
-
ជីវិតកម្សាន្ដ១ សប្តាហ៍ ago
សារព័ត៌មានកូរ៉េលើកហេតុផល គ្មានអ្នកហ៊ានពហិការ ក្រោយ Lisa បង្ហាញស្នេហាជាមួយកូនសេដ្ឋី LV
-
ព័ត៌មានអន្ដរជាតិ៦ ថ្ងៃ ago
វិមានសេដ្ឋីកាស៊ីណូ ហុងកុង ធ្លាប់រស់ជាមួយភរិយាទីមួយ ដាក់លក់តម្លៃ ៣៨៣លានដុល្លារ ក្នុងន័យចែកទ្រព្យ
-
ព័ត៌មានជាតិ១ សប្តាហ៍ ago
ស្រុកចំនួន ៣ ក្នុងខេត្តបាត់ដំបងមានប្រភពទឹកធម្មជាតិទាក់ទាញទេសចរច្រើនជាងគេ
-
ព័ត៌មានអន្ដរជាតិ២ ថ្ងៃ ago
រុស្ស៊ី ផ្ទុះការវាយលុកដំណាក់កាលថ្មីលើ អ៊ុយក្រែន ប្រើទាំងរថពាសដែក ទម្លាក់គ្រាប់បែក និងបាញ់កាំភ្លើងធំ
-
សន្តិសុខសង្គម៦ ថ្ងៃ ago
ព័ត៌មានបឋម៖ អគ្គិភ័យកំពុងឆេះស្ថានីយប្រេងឥន្ធនៈនៅខេត្តព្រះវិហារ(មានវីដេអូ)