ព័ត៌មានជាតិ
ក្រសួង នឹងលុបអាជ្ញាបណ្ណរបស់មគ្គុទ្ទេសក៍ទេសចរណ៍ក្រមាចោល បើបន្តផ្សាយជំនឿដែលគ្មានការពិត
ក្រសួងទេសចរណ៍ កាលពីថ្ងៃទី១៩ ខែមករា ឆ្នាំ២០២៤ បានចេញលិខិតព្រមានជាលើកចុងក្រោយចំពោះលោក ហៀក សេងហួត ដែលគេស្គាល់ថាជាមគ្គុទ្ទេសក៍ទេសចរណ៍ក្រមាឱ្យបញ្ឈប់ជាបន្ទាន់ រាល់ការរៀបរាប់ពន្យល់នូវប្រវត្តិសាស្ត្រ ជំនឿផ្សេងដែលផ្ទុយពីការពិត។ ក្នុងករណី មិនអនុវត្តន៍តាមការព្រមាននេះ ក្រសួងទេសចរណ៍ នឹងព្យួរអាជ្ញាបណ្ណ ឬឈានដល់ការដកអាជ្ញាបណ្ណមគ្គុទេសក៍ទេសចរណ៍របស់លោកទាំងស្រុង។
ការណ៍ដែលក្រសួងចេញលិខិតព្រមានជាលើកចុងក្រោយបែបនេះ គឺបន្ទាប់ពីលោក ហៀក សេងហួត បានប្រព្រឹត្តិទង្វើមិនសមស្របតាមក្រមប្រតិបត្តិវិជ្ជាជីវៈ និងក្រមសីលធម៌វិជ្ជាជីវៈមគ្គុទ្ទេសក៍ទេសចរណ៍ ដោយធ្វើការអធិប្បាយទៅកាន់ភ្ញៀវទេសចរ និងផ្សព្វផ្សាយនៅក្នុងបណ្តាញសង្គមអំពីប្រវត្តិសាស្ត្រ អបិយជំនឿ និងរឿងរ៉ាវផ្សេងៗដែលគ្មានមូលដ្ឋាន ច្បាស់លាស់ ដែលនាំឱ្យមានការប៉ះពាល់ដល់វប្បធម៌ និងសាសនារបស់កម្ពុជា។
តាមលិខិតព្រមាន ក្រសួងទេសចរណ៏បានសរសេរដូច្នេះថា “សូមធ្វើការព្រមាន លោក ហៀក សេងហួត ជាលើកចុងក្រោយ ដោយបញ្ឈប់រាល់ការផ្សព្វផ្សាយ និងការអធិប្បាយនូវប្រវត្តិសាស្ត្រ អបិយជំនឿ និងរឿងរ៉ាវផ្សេងៗដែលគ្មានមូលដ្ឋាន ប្រវត្តិសាស្រ្តច្បាស់លាស់។ ករណីមិនអនុវត្តតាមការព្រមាននេះ ក្រសួងទេសចរណ៍នឹងអនុវត្តនីតិវិធីព្យួរអាជ្ញាបណ្ណ ឬករណីធ្ងន់ធ្ងរអាចឈានដល់ការលុបអាជ្ញាបណ្ណមគ្គុទ្ទេសក៍ទេសចរណ៍របស់លោកចោលទាំងស្រុង”។
ក្រសួងទេសចរណ៍បានដាក់ក្ដីសង្ឃឹមថា លោក ហៀក សេងហួត នឹងកែតម្រូវសកម្មភាពប្រតិបត្តិ ឱ្យស្របតាមក្រមប្រតិបត្តិវិជ្ជាជីវៈ និងក្រមសីលធម៌វិជ្ជាជីវៈមគ្គុទ្ទេសក៍ទេសចរណ៍ក្នុងស្មារតីទទួលខុសត្រូវខ្ពស់ ដើម្បីលើកតម្កើងតម្លៃនៃវិជ្ជាជីវៈមគ្គុទ្ទេសក៍ទេសចរណ៍។
ជាការកត់សម្គាល់ មួយរយៈចុងក្រោយនេះ មគ្គុទេសក៍ទេសចរណ៍ក្រមា លោក ហៀក សេងហួត បានធ្វើសកម្មភាពផុ្សព្វផ្សាយអបិយជំនឿដែលផ្ទុយពីប្រវត្តិសាស្ត្រ ថែមទាំងចូលរួមក្នុងសកម្មភាពជាមួយស្ត្រីលក់ថ្នាំបុរាណតាមអនឡាញសម្ដែងជាអ្នកស្នងរូប ព្រះនាងឥន្ទ្រទេវី នៅទីតាំងសក្ការៈលោកតារាជ នៅប្រាសាទអង្គរវត្ត ក៏ដូចជានៅមុខចម្លាក់នានា និងព្រះបរមរូបព្រះនាងឥន្ទ្រទេវី នាប្រាសាទព្រះខ័ន ខេត្តសៀមរាបជាដើម ក្នុងអាការៈយំខ្សឹកខ្សួលស្ដាយស្រណោះ។ ក្រៅពីនេះ លោក ហៀក សេងហួត បានប្រើប្រាស់ពាក្យសម្ដីមិនសមគួរចំពោះ សម្ដេចព្រះព្រហ្មរតនមុនី ពិន សែម ទៀតផង៕
ដោយ៖ង៉ិល ណារ៉ាត់
-
ជីវិតកម្សាន្ដ៣ ថ្ងៃ ago
ពេជ្រ ចរណៃ រក្សាបានរាង និងសម្រស់ស្អាត មិនចាញ់តារាបរទេស
-
ព័ត៌មានជាតិ៥ ថ្ងៃ ago
គេហទំព័រ Weather៖ សប្តាហ៍នេះ កម្ពុជា នឹងក្តៅខ្លាំង ឈានដល់កម្រិតគ្រោះថ្នាក់ ៤០អង្សាសេ
-
សន្តិសុខសង្គម១ សប្តាហ៍ ago
មកដឹងពីចម្លើយសារភាពរបស់ជនដៃដល់ដែលចាក់សម្លាប់នារីរងគ្រោះក្នុងបុរីឈូកវ៉ា២
-
ព័ត៌មានជាតិ៤ ថ្ងៃ ago
កម្ពុជានឹងធ្លាក់ភ្លៀង ៤០% នាដើមរដូវវស្សាឆ្នាំនេះ ខណៈក្រសួងប្រកាសឱ្យប្រុងប្រយ័ត្នបាតុភូត ផ្គរ រន្ទះ និងខ្យល់កន្ត្រាក់
-
ព័ត៌មានជាតិ៥ ថ្ងៃ ago
តុលាការ បញ្ជាឱ្យចាប់ខ្លួនជនត្រូវចោទ ចោម ខ្វាន់ ពីបទរំលោភលើទំនុកចិត្តអ្នកដទៃ
-
សេចក្ដីជូនដំណឹង៤ ថ្ងៃ ago
អ្នកឧកញ៉ា ឡេង ណាវ៉ាត្រា បញ្ជាក់ច្បាស់ៗការដោះដូរ ផ្ទះយកដី គឺសម្រាប់តែអតិថិជនស្ម័គ្រចិត្ត ដែលពួកគាត់មានតម្រូវការចាំបាច់ចំណែកគម្រោង បុរី នៅតែប្រកាន់គោលជំហរបញ្ចប់ការដោះស្រាយជូនអតិថិជនទាំងស្រុងដដែល
-
សេចក្ដីជូនដំណឹង៥ ថ្ងៃ ago
ចូលឆ្នាំខ្មែរបានសប្បាយជួបជុំហើយ បានទាំងរង្វាន់ពីគ្រុឌឈ្នះផ្អើលពេញភូមិ
-
ជីវិតកម្សាន្ដ៥ ថ្ងៃ ago
តួអាសអាភាស Shu Qi ប្រារព្ធខួបអាពាហ៍ពិពាហ៍ ៨ ឆ្នាំជាមួយស្វាមីយ៉ាងផ្អែមល្ហែម