ព័ត៌មានជាតិ
អគ្គស្នងការរង ជំរុញភ្នាក់ងារសន្តិសុខឯកជនបន្តចូលរួមជាមួយសមត្ថកិច្ចបង្ការទប់ស្កាត់បទល្មើសក្នុងសង្គម
អគ្គស្នងការរងនគរបាលជាតិ ជំរុញឱ្យភ្នាក់ងារសន្តិសុខឯកជនបន្តចូលរួមសហការជាមួយសមត្ថកិច្ចក្នុងការបង្ការទប់ស្កាត់បទល្មើសផ្សេងៗក្នុងសង្គម ជាពិសេសចូលរួមអនុវត្តគោលនយោបាយភូមិ ឃុំ សង្កាត់ មានសុវត្ថិភាពនៅតាមមូលដ្ឋាន។
ការជំរុញនេះ ធ្វើឡើងក្នុងកិច្ចប្រជុំដកពិសោធន៍ការងារសន្ដិសុខឯកជនរវាងអគ្គស្នងការដ្ឋាននគរបាលជាតិ និងក្រុមហ៊ុនផ្ដល់សេវាសន្ដិសុខឯកជន នៅព្រឹកថ្ងៃទី២៥ ខែមករា ឆ្នាំ២០២៤។ បើតាមលោកឧត្តមសេនីយ៍ឯក អ៊ី សុខឃី អគ្គស្នងការរងនគរបាលជាតិ កិច្ចប្រជុំពេលនេះ ក្នុងគោលបំណងដើម្បីពង្រឹង និងបង្កើនកិច្ចសហប្រតិបត្តិការឱ្យកាន់តែរឹងមាំក្នុងភាពជាដៃគូក្នុងការអនុវត្តភារកិច្ច កាតព្វកិច្ចរបស់ក្រុមហ៊ុនផ្ដល់សេវាសន្ដិសុខឯកជន ដើម្បីបង្កើនសមត្ថភាព បង្កើនកិច្ចសហការប្រកបដោយប្រសិទ្ធភាព ក្នុងការចូលរួមចំណែកថែរក្សាសន្ដិសុខសង្គម។
លោកឧត្តមសេនីយ៍ឯក អ៊ី សុខឃី បានវាយតម្លៃខ្ពស់ចំពោះភ្នាក់ងារសន្ដិសុខឯកជនទាំងអស់ដែលកន្លងមកតែងតែមានកិច្ចសហការល្អជាមួយកម្លាំងមានសមត្ថកិច្ច និងអាជ្ញាធរមូលដ្ឋាន ដើម្បីចូលរួមចំណែកការពារសន្ដិសុខ សណ្ដាប់ធ្នាប់ និងសុវត្ថិភាពសាធារណៈនៅក្នុងសង្គម។ លោកឧត្តមសេនីយ៍ឯក បានជំរុញឱ្យបន្តចូលរួមសហការជាមួយសមត្ថកិច្ចក្នុងការបង្ការទប់ស្កាត់បទល្មើសផ្សេងៗដូចជា ការប្រើប្រាស់អាវុធខុសច្បាប់ ការជួញដូរ ឬប្រើប្រាស់ គ្រឿងញៀន ចោរកម្ម ការចាប់ជំរិត ជាដើម និងបន្ដចូលរួមសកម្មភាពក្នុងការអនុវត្តគោលនយោបាយ ភូមិ ឃុំ សង្កាត់ មានសុវត្ថិភាពរបស់រាជរដ្ឋាភិបាល។
ពីវេទិកានេះ លោកឧត្តមសេនីយ៍ឯក អគ្គស្នងការរងនគរបាលជាតិ ក៏បានបង្ហាញការកត់សម្គាល់ថា ក្រុមហ៊ុនផ្ដល់សេវាសន្ដិសុខឯកជន ភាគច្រើនបានអនុវត្តត្រឹមត្រូវតាមការកំណត់របស់ក្រសួងមហាផ្ទៃ និងអគ្គស្នងការដ្ឋាននគរបាលជាតិ តែមួយចំនួនទៀត ក៏នៅចន្លោះប្រហោង ដែលទាមទារឱ្យមានការពិនិត្យយកចិត្តទុកដាក់បន្ដទៀត។ ក្នុងន័យនេះ លោកអគ្គស្នងការរង បានណែនាំឱ្យបណ្ដាក្រុមហ៊ុនសន្តិសុខឯកជន គប្បីពិនិត្យឱ្យបានម៉ត់ចត់ក្នុងការជ្រើសរើសភ្នាក់ងារ ធ្វើយ៉ាងណាជៀសវាងសមាសភាពមិនល្អ។ ក្នុងនោះ លោក បានលើកទឹកចិត្តឱ្យជ្រើសរើសយកចំពោះមន្ត្រីនគរបាលដែលចូលនិវត្តន៍ហើយ នៅមានសុខភាពល្អរឹងមាំ និងមានបំណងចង់ចូលធ្វើការជាមួយសន្តិសុខឯកជន៕
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ១២ ម៉ោង ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
សន្តិសុខសង្គម១ សប្តាហ៍ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៦ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ