Connect with us

ព័ត៌មានជាតិ

ព្រឹកនេះ នាវាខ្នាតធំ ២គ្រឿង ដឹកភ្ញៀវទេសចរ និងនាវិកជាង ៤ពាន់នាក់ ចូលចតនៅកំពង់ផែក្រុងព្រះសីហនុ

បានផុស

នៅ

នាវាទេសចរខ្នាតធំ ២គ្រឿង ដឹកភ្ញៀវទេសចរ និងនាវិកចម្រុះជាតិសាសន៍ជាង ៤ពាន់នាក់ ចូលចតនៅកំពង់ផែស្វយ័តក្រុងព្រះសីហនុ ប្រកបដោយសុវត្ថិភាព នៅព្រឹកថ្ងៃទី ១០ ខែកុម្ភៈ ឆ្នាំ ២០២៤នេះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

មន្ត្រីនគរបាលអន្តោប្រវេសន៍ ច្រកទ្វាកំពង់ផែអន្តរជាតិក្រុងព្រះសីហនុ បានប្រាប់ថា បន្ទាប់ពីនាវាទាំង ២គ្រឿងនេះ ចូលចតដោយសុវត្ថិភាព ក្រុមភ្ញៀវទេសចរខ្លះ បាននាំគ្នាដើរលេងកម្សាន្ដ និងភ្ញៀវខ្លះទៀតបានឡើងជិះរថយន្តក្រុង ធ្វើដំណើរទេសចរនៅតាមទីប្រជុំជន រួមមាន៖ ផ្សារលើ តំបន់ទំនប់លលក តាមរម្មណីយដ្ឋានសំខាន់ៗ និងនៅតាមទីវត្តអារាម ក្នុងក្រុងព្រះសីហនុ ផងដែរ។

មន្ត្រីដដែល បានឲ្យដឹងថា នាវាទី ១ មានឈ្មោះ Riuiera សញ្ជាតិ Makshall island មានបណ្តោយ ២៤០.១៦ ម៉ែត្រ មានទទឹង ៣២.២ម៉ែត្រ ជម្រៅទឹក ៧.៤ម៉ែត្រ។ នាវានេះ បានធ្វើដំណើរមកពីប្រទេសវៀតណាម នាំភ្ញៀវទេសចរ ១១៨៣នាក់ ស្រី ៥៩៦នាក់ មាន ៣៤សញ្ជាតិ និងមានក្រុមនាវិកចំនួន ៧៦៤នាក់ ស្រី ១៤៤នាក់ មាន ៤៤សញ្ជាតិ។ មន្ត្រីដដែល បានឲ្យដឹងទៀតថា ចំនួនសញ្ជាតិដែលមានភ្ញៀវច្រើនជាងគេ USA ៧៥០នាក់ Canada ចំនួន ១៧៣ នាក់។ តាមការគ្រោងទុកនាវានេះ នឹងចាកចេញពីកំពង់ផែក្រុងព្រះសីហនុ ឆ្ពោះទៅប្រទេសថៃនៅម៉ោង ៦ល្ងាច ថ្ងៃដដែលនេះ។

មន្ត្រីដដែលនោះ បានឲ្យដឹងបន្តថា នាវាទី ២ មានឈ្មោះ Aida Bella មានសញ្ជាតិ Italy។ នាវានេះ បានធ្វើដំណើរមកពីប្រទេសវៀតណាម ដឹកភ្ញៀវទេសចរចំនួន ១៩៧៦នាក់ ស្រី ១០២៩នាក់ មាន ២០សញ្ជាតិ និងមាននាវិក ៦២៥ នាក់ ស្រី ១៣១នាក់ មាន ២៨សញ្ជាតិ។ នាវានេះ មានបណ្តោយប្រវែង ២៥១.៨៩ម៉ែត្រ ទទឹង ៣៧.៦ម៉ែត្រ មានជម្រៅទឹក ៧.៣០ម៉ែត្រ។ ភ្ញៀវដែលមានសញ្ជាតិច្រើនជាងគេ Germany មានចំនួន ១៨១០ស្រីនិង Austria ៥១នាក់។ តាមការគ្រោងទុក នាវានេះ និងចាក់ចេញទៅប្រទេថៃ នៅម៉ោង ៨យប់ ថ្ងៃដដែលនេះ៕

អត្ថបទ៖ ស៊ុយ ចាន់ធា

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ១ នាទី មុន

ក្រសួងប្រៃសណីយ៍ សង់ស្ថានីយអង់តែនទូរស័ព្ទចល័ត ១៥០ ទីតាំង បន្ថែម នៅខេត្តកណ្ដាល

ព័ត៌មានជាតិ៨ នាទី មុន

ក្នុងពេល ១០ ឆ្នាំ កម្ពុជា​ដាក់ផែនការ​​វិនិយោគភស្តុភារកម្ម​ទឹកប្រាក់​​ប្រមាណ ៣៦,៦ ប៊ីលានដុល្លារ

ជីវិតកម្សាន្ដ១៤ នាទី មុន

ខកខានឃើញមុខយូរ Angelababy បង្ហាញខ្លួនលើដីអាមេរិក ទាក់ទាញភ្នែកមហាជនព្រោងព្រាត

ព័ត៌មានជាតិ២៣ នាទី មុន

អាជ្ញាធរស្រុកសេសានរៀបចំប្រព័ន្ធទឹកស្អាត និងផ្នែកសន្តិសុខស្បៀងលើកកម្ពស់ជីវភាពប្រជាពលរដ្ឋនៅជនបទ

ព័ត៌មានអន្ដរជាតិ២៥ នាទី មុន

លើកដំបូងលើលោក! អ្នកវិទ្យាសាស្រ្ត បណ្តុះពងស្វាសសិប្បនិម្មិត ជួយបុរសអារអត់កូន

Sokha Hotels

ព័ត៌មានពេញនិយម