ព័ត៌មានជាតិ
អាជ្ញាធរទម្លាក់ទឹកពីស្ថានីយកង្ហត ជួយពលរដ្ឋប្រឈមភាពរាំងស្ងួត
ក្រោយប្រឈមភាពរាំងស្ងួត និងការខ្វះទឹកប្រើប្រាស់ប្រចាំថ្ងៃជាច្រើនថ្ងៃមក ពេលនេះពលរដ្ឋនៅក្នុងស្រុកមោងឫស្សី ខេត្តបាត់ដំបង បានទទួលទឹកប្រើប្រាស់ឡើងវិញ ក្រោយអាជ្ញាធរបានសម្រេចទម្លាក់ទឹកពីស្ថានីយកង្ហតក្នុងស្រុកបាណន់ចូលស្ទឹងមោងឫស្សី។
ដើម្បីដោះស្រាយក្តីកង្វល់របស់ប្រជាពលរដ្ឋដែលប្រឈមខ្វះទឹកប្រើប្រាស់ កាលពីរសៀលថ្ងៃទី ០២ ខែមីនា ឆ្នាំ២០២៤ លោក ទេព ហន អភិបាលស្រុកមោងឫស្សី បានដឹកនាំក្រុមការងារបានចុះពិនិត្យប្រឡាយទឹក ១ ខ្សែដើម្បីនាំទឹកពីស្ថានីយកង្ហត ក្នុងស្រុកបាណន់មកចូលស្ទឹងមោងឫស្សីជួយដល់ប្រជាពលរដ្ឋប្រើប្រាស់ដែលកំពុងខ្វះខាត។
យ៉ាងណាមិញ ដោយសារតែការនាំទឹកមានការរាំងស្ទះដំណើរការបន្តិច កាលពីថ្ងៃទី ០៤ ខែមីនា ឆ្នាំ ២០២៤ រដ្ឋបាលស្រុកបានចេញសេចក្តីប្រកាសព័ត៌មានជាសាធារណៈដល់ប្រជាពលរដ្ឋដែលកំពុងរង់ចាំទឹកប្រើប្រាស់។
ជាក់ស្ដែង ក្នុងសេចក្ដីប្រកាសព័ត៌មានរបស់រដ្ឋបាលស្រុកមោងឫស្សីបានបញ្ជាក់ថា ការនាំទឹកពីស្ថានីយកង្ហតពីស្រុកបាណន់ខេត្តបាត់ដំបងដែលមានចម្ងាយប្រមាណ ៥០ គីឡូម៉ែត្រ ដើម្បីយកមកប្រើប្រាស់ក្នុងស្រុកមោងឫស្សី មានការរាំងស្ទះដោយសារក្រុមហ៊ុនអនុវត្តគម្រោងរបស់ក្រសួង ធនធានទឹក និងឧតុនិយម កំពុងជួសជុលប្រឡាយមេលេខ ៦ ចំនួន ៩ កន្លែង ទើបធ្វើឲ្យរាំងស្ទះដល់ដំណើរការនាំទឹក ហើយរដ្ឋបាលស្រុកបានទំនាក់ទំនងក្រុមហ៊ុនកាយទំនប់ចេញរួចរាល់ហើយកាលពីរសៀលថ្ងៃទី០៤ ខែមីនា ឆ្នាំ២០២៤។
ក្រោយពីបានកាយដីទំនប់ចេញពីប្រឡាយ ទឹកក៏បានបង្ហូរទម្លាក់មកដល់ចំណុចភូមិ កោះចារ ឃុំមោងឫស្សី រហូតដល់ព្រឹកថ្ងៃទី០៥ ខែមីនា នេះ ទឹកបានធ្លាក់ចូលក្នុងស្ទឹងមោងរួចរាល់ហើយ៕
អត្ថបទ៖ សៅ សារិទ្ធ
-
ព័ត៌មានអន្ដរជាតិ១៥ ម៉ោង agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
សេដ្ឋកិច្ច៣ ថ្ងៃ agoធនាគារ ARDB ចាក់បញ្ចូលទុនលើស្វាយចន្ទី និងដំឡូងមី
-
ព័ត៌មានជាតិ១ សប្តាហ៍ agoរដ្ឋបាលខណ្ឌកំបូល សហការជាមួយក្រុមហ៊ុនមីនេបៀ ប្រើប្រាស់កម្លាំងជាង ៨០០នាក់ សម្អាតអនាម័យនៅតាមដងផ្លូវ
-
ព័ត៌មានអន្ដរជាតិ៦ ថ្ងៃ agoអ៊ីរ៉ង់ បើកច្រកចូលរូងភ្នំ ផ្ទុកមីស៊ីលសម្ងាត់របស់ខ្លួនឡើងវិញ ទោះរងការវាយប្រហារយ៉ាងដំណំ
-
កីឡា៤ ថ្ងៃ agoមូលហេតុកីឡាករអាមេរិ Penrose ធ្វើមិនបានល្អជាមួយក្រុមស្នងការខេត្តស្វាយរៀង
-
សេចក្ដីជូនដំណឹង២ ថ្ងៃ agoក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា
-
ព័ត៌មានអន្ដរជាតិ១ សប្តាហ៍ agoរដ្ឋមន្ត្រីការពារជាតិជប៉ុន បដិសេធការចោទប្រកាន់របស់ចិន អំពីការវិលទៅរកយោធានិយម
-
សេដ្ឋកិច្ច៦ ថ្ងៃ agoតម្លៃប្រេងលក់រាយធ្លាក់ចុះក្រោម ៥០០០ រៀល មួយលីត្រ